Croeso i bodlediad llwybrau Llanhari, Dathlu’r Aur.
Ydych chi’n cyn disgybl yn Ysgol Lanhari? A fu eich mab neu ferch yn Ysgol Llanhari? Ydych chi’n lleol i Lanhari ac oes gennoch chi ddiddordeb mewn addysg Cymraeg?
Eleni mi fydd ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau o deulu Llanhari.
Gwefan: Llwybrau Llanhari - Dathlu'r Aur
Un o ardal Maesteg yw’n gwestai yn y bennod hon a bu’n ddisgybl yn Llanhari dros droad y Mileniwm. Manteisiodd ar gyfleoedd allgyrsiol drwy bob Adran – ar lwyfan, ar faes chwarae a thrwy deithiau niferus.
Mae’n gymeriad a hanner a chawn glywed sawl stori dda ganddo am ei gyfnod yn yr ysgol, atgofion cynnes am athrawon dylanwadol a chawn glywed sut y bu i Lanhari ennill lle arbennig yn ei galon hyd heddiw.
Alffi a Bleddyn o Fl.12 sy’n mwynhau’r sgwrs a’r straeon yng nghwmni gwych Rhodri.
Eleni, bydd Ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari. Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Tue, 29 Apr 2025 05:05:07 +0000
Chwarae
Lawrlwythwch
Croeso i bennod ryngwladol gyntaf Llwybrau Llanhari! Cawn deithio i Unol Daleithiau’r Amerig, i Stanford, er mwyn cynnal y sgwrs hon. Serch hynny, mae yna sawl tro difyr ac amrywiol ar lwybr a phin ar fap ein gwestai amryddawn heddiw.
Yn feddyg, yn ymchwilydd ac yn gerddor o fri, estynnwn groeso cynnes iawn i Ifan Jenkin.
Roedd Ifan yn un o’r disgyblion olaf i deithio i Lanhari o ardal Pen-y-bont cyn i ddrysau Ysgol Llangynwyd agor er mwyn darparu addysg Gymraeg uwchradd i ddisgyblion y sir honno. Ond ymfalchïwn mai aelod o Deulu Llanhari yw Ifan.
Ifan a Caitlin o Fl.12 sydd yn llywio’r sgwrs hon.
Eleni, bydd Ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari. Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Tue, 08 Apr 2025 06:00:08 +0000
Chwarae
Lawrlwythwch
Miss Davies Daearyddiaeth neu Miss Davies ein Harweinydd Cynnydd yw hi i ni, ond, bydd rhai yma yn ei chofio fel cyn-ddisgybl yn Llanhari rhwng 2007 a 2014.
Mae eraill yn ei hadnabod fel cyd aelod o staff a heddiw cawn gyfle i ddod i adnabod un o gymeriadau Teulu Llanhari, Miss Lauren Davies.
Un o brif ddisgyblion Llanhari a chriw Daear Bl.13 Miss Davies eleni, Betsan, sy’n mwynhau’r sgwrs hon.
Eleni, bydd Ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari. Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Tue, 18 Mar 2025 06:45:07 +0000
Chwarae
Lawrlwythwch
Cyfle i fwrw golwg yn ôl dros hanner canrif o addysg Gymraeg yma yn Llanhari yw’r gyfres hon a heddiw cawn ddod i adnabod dau a oedd yn ddisgyblion yn ystod cyfnod a fu'n arwain at ddathlu'r deng mlwyddiant yng nghanol yr 80au.
Yn y bennod hon rydyn ni’n estyn croeso cynnes iawn i Nia Davies ac Owain Williams. Dau a fu’n dathlu ar lwyfan Eisteddfod yr ysgol a dau y bu i Lanhari chwarae rhan bwysig yn eu bywydau.
Yn ddiweddar, fe gysylltodd Nia gyda’r ysgol a chynnig Cadair hardd yn rhodd. Cadair a enillodd hi yn Eisteddfod Dathlu’r 10 ym 1985 - dwy flynedd wedi i Owain gipio'r Gadair yn Eisteddfod Ysgol Llanhari ym 1983.
Cawn hefyd glywed am ddalgylch eang yr ysgol a'r newidiadau cyson i'r ffiniau a'r ysgolion fu'n bwydo Llanhari yn y cyfnod hwn.
Dysgwn sut y bu i'r ddau ddilyn llwybr tebyg ar ôl gadael Llanhari a chyfarfod eto ym Mhrifysgol Aberystwyth. Gruff a Gwenno fu'n llywio'r sgwrs y tro hwn.
Eleni, bydd Ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari. Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Wed, 05 Mar 2025 06:40:07 +0000
Chwarae
Lawrlwythwch
Bu Mr Iolo Roberts yn aelod o staff yn yr Adran Ymarfer Corff yma yn Ysgol Llanhari ers 1991, yn Bennaeth Blwyddyn am 7 mlynedd ac yn Bennaeth Adran ers 2009.
Bu’n hyfforddi timau mewn amryw o gampau ac yn cynnig cyfleoedd i ddisgyblion wella’u ffitrwydd drwy chwaraeon o bob math. Mae’n siŵr ei fod wedi dysgu miloedd o ddisgyblion erbyn hyn!
O’r maes rygbi a’r cae pêl-droed, i drac athletau, o gwrt badmington i fatiau glas gymnasteg y Gampfa, o lwybrau beicio mynydd a thonau gwyllt y môr i lethrau serth mynyddoedd Cymru.
Joseph a Samuel o Fl.13, dau o fyfyrwyr cwrs Safon Uwch Ymarfer Corff eleni, sydd yn mwynhau sgwrs yng nghwmni Mr Roberts.
Eleni, bydd Ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari. Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Mon, 17 Feb 2025 06:55:07 +0000
Chwarae
Lawrlwythwch
Actores, cyfarwyddwraig a pherson creadigol iawn yw’r cwmni ar gyfer y bennod hon, sef yr amryddawn Anwen Carlisle.
Dychwelodd Anwen i Lanhari yn nhymor yr Hydref eleni i weithio ar brosiect creadigol yng nghwmni disgyblion Bl.7 Adran y Gymraeg, felly, dyma fanteisio ar gyfle i ddod i'w hadnabod ac i glywed am ei hatgofion am yr ysgol. Efa-Grug a Meira o Fl.7 sy’n holi Anwen wedi iddyn nhw gyd-weithio ar y prosiect.
Eleni, bydd Ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari. Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Mon, 03 Feb 2025 06:35:06 +0000
Chwarae
Lawrlwythwch
Sgwrs yng nghwmni cyn bennaeth Ysgol Llanhari, Rhian Phillips, sy’n agor penodau 2025 podlediad Llwybrau Llanhari.
Daeth Mrs Phillips i Lanhari yn 2003 fel Dirprwy ac yna yn 2014, wrth i'r ysgol ddathlu’r 40, penodwyd Mrs Phillips yn Bennaeth ar yr ysgol yn ystod cyfnod cyffrous o newid sylweddol yma’n Llanhari wrth sefydlu a thyfu’r Adran Gynradd.
Braf yw cael croesawi Mrs Phillips yn ôl i'r ysgol am sgwrs yng nghwmni Oliver ac Isla, dau o gyn-ddisgyblion dyddiau cynnar yr Adran Gynradd a Nia, un o brif swyddogion presennol yr ysgol.
Eleni, bydd Ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari. Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Fri, 24 Jan 2025 06:25:06 +0000
Chwarae
Lawrlwythwch
Rhifyn arbennig ar ddechrau 2025 o bodlediad Llwybrau Llanhari. Dyma gyfle i chi glywed sesiwn a gynhaliwyd ym mhabell y Cymdeithasau yn ystod Eisteddfod Genedlaethol Rhondda Cynon Taf 2024 ym Mharc Ynysangharad, sef lansiad dathliadau’r 50.
Oeddech chi yno? Hyfryd oedd gweld cymaint o wynebau ddoe a heddiw’r ysgol yn y gynulleidfa a’r lle dan ei sang.
Dwy o’n cyn-ddisgyblion dawnus sy’n arwain yr holi y tro hwn wrth i'r chwiorydd, Catrin Heledd a Sara Esyllt, gyfweld â thri o wynebau cyfarwydd yr ysgol – Geraint Rees, un o ddisgyblion y flwyddyn gyntaf ym 1974, Peter Griffiths, y cyn-bennaeth a Luke Fletcher AS, un o ddisgyblion y mileniwm newydd.
Cawn glywed straeon difyr ganddynt a chyfraniadau gan ambell aelod arall o Deulu Llanhari. Diolch i'r pump am roi o’u hamser a’u cefnogaeth i Lanhari ar bob cyfle bosib.
Ydych chi’n cyn disgybl yn Ysgol Lanhari? A fu eich mab neu ferch yn Ysgol Llanhari? Ydych chi’n lleol i Lanhari ac oes gennoch chi ddiddordeb mewn addysg Cymraeg?
Eleni mi fydd ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau o deulu Llanhari.
Thu, 02 Jan 2025 07:40:07 +0000
Chwarae
Lawrlwythwch
Aelod anrhydeddus o Deulu Llanhari yw’r Prifardd Carwyn Eckley.
Enillodd y Gadair a noddwyd gennym yn Eisteddfod Rhondda Cynon Taf 2024 am gasgliad o gerddi ar y testun ‘Cadwyn’.
Cawsom fore braf yng nghwmni Carwyn yn rhannu ein taith i noddi’r Gadair ar gweithgareddau fu’n rhan o’r profiad.
Huw ac Owain sy’n mwynhau sgwrs a diolch iddynt am roi’r byd yn ei le gyda’r newyddiadurwr, bardd a’r cefnogwr pêl-droed brwd a diolch i Carwyn am roi o’i amser er mwyn i ni ddod i adnabod enillydd Y Gadair.
Tipyn o gamp cyfweld â dau brifardd ac enillydd Llyfr y Flwyddyn 2024 o fewn pythefnos – a chyswllt bellach gan y tri â’r ysgol!
Noddi’r Gadair yn yr Eisteddfod Genedlaethol oedd cam cyntaf ein dathliadau eleni wrth i’r ysgol ddathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari.
Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Mon, 16 Dec 2024 07:05:06 +0000
Chwarae
Lawrlwythwch
Bardd, awdures, golygydd...mae doniau geiriol di-ri gan ein gwestai yr wythnos hon.
A glywsoch chi am ei nofel ‘Sut i Ddofi Corryn?’ Hon oedd nofel gyntaf ein gwestai yn y bennod hon ac fe gipiodd deitl Llyfr y Flwyddyn iddi yn 2024!
Eleni, yn ogystal mae hi wedi rhyddhau pamffled o gerddi, ‘Rhaff’, a golygu cyfrol o gerddi sy’n ein tywys ar hyd Lwybr Arfordir Cymru - Cerddi’r Arfordir.
Mari George yw’r cyn-ddisgybl dawnus sydd yn sgwrsio gydag Eve yn y bennod hon, ac yn ogystal a holi Mari am ei bywyd mae Eve yn mwynhau holi Mari ambell gwestiwn a rhannu ei barn wedi iddi ddarllen ei nofel.
Eleni, bydd Ysgol Llanhari yn dathlu ei phen-blwydd yn 50.
Trwy wrando ar bodlediad Llwybrau Llanhari, gobeithio y cewch chi flas ar y profiadau, anturiaethau, a llwybrau bywyd gwahanol aelodau amrywiol o deulu Llanhari.
Yma cewch glywed hanesion ddoe a heddiw yr ysgol yng nghwmni disgyblion presennol yr ysgol.
Mon, 02 Dec 2024 16:31:55 +0000
Chwarae
Lawrlwythwch
