Podlediad Beti a'i Phobol

Beti George yn holi rhai o bobl mwyaf diddorol Cymru. Beti George interviews some of Wales' most interesting people

Gwefan: Beti a'i Phobol

+ Ffefrynnau

RSS

Berwyn Rowlands

Berwyn Rowlands, y trefnydd a 'r cynhyrchydd yw gwestai Beti George, ac mae bellach yn adnabyddus am ei waith gyda Gwobrau Iris Gŵyl Ffilm LGBTQ+. Fe ddaw Berwyn yn wreiddiol o Ynys Môn, ac mae'n sôn am ddylanwad Ysgol Gynradd Llangoed ac Ysgol David Hughes, Porthaethwy arno. Mae mewn perthynas â Grant ers 34 mlynedd - a nhw oedd y cwpl cyntaf i gael partneriaeth sifil ar Ionawr 25ain 2006.

Sun, 19 Mar 2023 14:00:00 +0000

Chwarae Lawrlwythwch

Pat Morgan

Pat Morgan aelod allweddol o'r band eiconig Datblygu yw gwestai Beti a'i Phobol. "Mae'n magic fel mae hi'n gweithio" geiriau Dave Datblygu. Mae hi'n siarad am ei magwraeth yn y Ficerdy, dechrau grŵp pop Y Cymylau gyda'i chwaer, a'i chariad tuag at gerddoriaeth.

Sun, 12 Mar 2023 14:00:00 +0000

Chwarae Lawrlwythwch

William Owen Roberts - Wil Garn

Awdur nofelau Y Pla, Petrograd, Paris a Paradwys, i enwi ond rhai, yw gwestai Beti George, William Owen Roberts neu Wil Garn i lawer sydd yn ei adnabod. Mae'n trafod beth sydd yn ei ysgogi i ysgrifennu ac yn sôn am ei gyfnod yn y Coleg yn Aberystwyth lle bu'n rhannu tŷ gyda'r diweddar Iwan Llwyd. Mae hefyd yn trafod ei nofel ddiweddaraf Cymru Fydd.

Sun, 05 Mar 2023 14:00:00 +0000

Chwarae Lawrlwythwch

Cledwyn Jones

Bu farw Cledwyn Jones, oedd fwyaf adnabyddus fel aelod o Driawd y Coleg, yn Hydref 2022 ac yntau'n 99 mlwydd oed. Dyma gyfle i fwynhau plethiad o 2 raglen recordiodd Beti George gydag ef yn 2015. Un o Dal-y-sarn yn Nyffryn Nantlle oedd Cledwyn Jones, ac wedi cyfnod gyda'r awyrlu aeth i Goleg Prifysgol Bangor. Yno y cyfarfu â dau aelod arall y triawd poblogaidd - Meredydd Evans a Robin Williams - ac fe fuont yn perfformio ar lwyfannau nosweithiau llawen ledled Cymru.

Sun, 19 Feb 2023 14:00:00 +0000

Chwarae Lawrlwythwch

Dr Nia Wyn Jones

Darlithydd Hanes Canol Oesol a Modern ym Mhrifysgol Bangor, Dr Nia Wyn Jones yw gwesai Beti George. Daw yn wreiddiol o Abertawe ac wedi blynyddoedd lawer o anhapusrwydd fe benderfynodd gael triniaeth i newid ei rhywedd yn ddiweddar.

Sun, 05 Feb 2023 14:00:00 +0000

Chwarae Lawrlwythwch

Rhiannon Boyle

Y dramodydd Rhiannon Boyle yw'r gwestai. Mae ei drama newydd ar gyfer Radio Cymru, 'Lysh', wedi’i selio ar brofiadau personol a’i pherthynas hi gydag alcohol. Pan fyddai hi'n yfed roedd yn tueddu o yfed tipyn ar y tro, gan fynd dros ben llestri a gwneud pethau gwirion. Wedi iddi roi'r gorau i yfed am fis, teimlodd bod ei hiechyd meddwl wedi gwella, ac roedd hi'n cysgu'n well. O ganlyniad, mi benderfynodd beidio ag yfed alcohol eto. Cawn glywed am sut y dechreuodd astudio Drama yn yr ysgol, wedi cyfnod anodd ar ôl i'w rhieni wahanu, a sut y newidiodd ei byd. Clywn hefyd am rai o'i dramâu, yn cynnwys 'Safe From Harm' i Radio 4, sydd dal ar BBC Sounds; 'Anfamol' a gynhyrchwyd gan y Theatr Genedlaethol, a'i chomisiwn diweddaraf i addasu'r nofel 'Un Nos Ola Leuad' ar gyfer Radio 4 a Radio Cymru.

Sun, 29 Jan 2023 14:00:00 +0000

Chwarae Lawrlwythwch

Annie Walker

Annie Walker yw gwestai Beti George. Mae hi’n artist, a ddaw'n wreiddiol o Fferm Blaen Halen, Castell Newydd Emlyn, ac 'roedd hi’n yr un dosbarth â Beti yn ysgol Llandysul. Bu’n astudio Celf yn Newcastle, ac yn ddiweddarach bu’n rhan o greu set 2001 Space Odyssey - Ffilm Ffuglen Wyddonol (sci-fi) Stanley Kubrick MGM, yn Boreham Wood, ar ôl gweld hysbyseb yn y Times. Mae hi’n fam i bedair merch. Mae Hannah yn briod i‘r cyflwynydd teledu a’r actor Alexander Armstrong, ac mae Esther yn briod â'r newyddiadurwr a’r darlledwr Giles Coren. Fe enillodd Ann gystadleuaeth yng nghylchgrawn GIRL. Cafodd dipyn o syndod o gael ei galw i gyfweliad yn Llundain gan fod 17,000 o ferched wedi anfon lluniau i mewn i'r cylchgrawn. Y wobr oedd cael mynd i Florence yn yr Eidal i weld lluniau a cherfluniau o'r Dadeni (Renaissance). Joyce Fitzwilliams oedd yr athrawes gyda hi i Florence, ac roedd yn drip anhygoel, gan gyfarfod â Pietro Annigoni yn ei stiwdio. 'Roedd ef wedi dod yn enwog iawn ar ôl gwneud portread o'r Frenhines. 'Roedd yna erthygl ar y trip mewn cylchgrawn poblogaidd ar y pryd o'r enw 'Picture Post'. Yr un flwyddyn yng nghylchgrawn y bechgyn - yr 'Eagle' enillodd James Dyson y wobr gyntaf a David Hockney y drydedd wobr.

Sun, 15 Jan 2023 14:00:00 +0000

Chwarae Lawrlwythwch

Kath Morgan

Kath Morgan, sylwebydd pêl droed a chyn Gapten tîm pêl droed merched Cymru, yw gwestai Beti a'i Phobol. Dechreuodd Kath chwarae pêl droed yn yr ysgol gynradd a hithau’n 7 oed; mae’n cofio diflasu chwarae gyda’r genethod a phenderfynu ei bod yn awyddus i ymuno efo’r bechgyn. Bu'n gwylio'r bechgyn yn chwarae am flynyddoedd i ddysgu sgiliau. Mae hi newydd ddychwelyd o Qatar lle bu'n sylwebu yno gyda Radio Cymru, ac fe recordiwyd y rhaglen hon ar y 13eg o Ragfyr 2022, yn ystod Cwpan y Byd. Ganwyd Kathryn Mary Morgan yn ysbyty Aberdâr ac fe'i magwyd yn Merthyr; mae hi'n sôn am ei magwraeth a'r gefnogaeth a gafodd gan ei theulu i chwarae pêl droed. Mae hi wedi dysgu Aaron Ramsey, ac 'roedd e bob amser yn ei holi hi pryd 'roedd hi'n chwarae ei gem nesa. Mae Kath yn hoff iawn o emynau gan eu bod yn ei hatgoffa o’i chefndir capel a’r ysgol Sul. Mae'r emyn Pantyfedwen (Tydi a Roddaist) yn un o'i dewisiadau.

Sun, 08 Jan 2023 14:00:00 +0000

Chwarae Lawrlwythwch

Rhian Morgan

Yr actores Rhian Morgan yw gwestai Beti George. Yn ddiweddar mae hi wedi cymryd llwybr newydd yn ei bywyd ac yn hyfforddi i fod yn Offeiriad. Mae Rhian newydd gychwyn cwrs 2 flynedd gyda’r Eglwys yng Nghymru yng Ngholeg San Padarn; mae’n ddatblygiad annisgwyl iawn yn ei bywyd meddai hi, a hynny yn dilyn profiad anhygoel a ddigwyddodd iddi yn yr Eglwys yn Llandeilo. Cafodd Rhian ei geni yn Ysbyty Treforys a’i magu ym mhentref Cwm Rhyd y Ceirw ger Treforys yng Nghwm Tawe. Hi yw’r hynaf o dair chwaer; mae Nia yn nyrs yn Awstralia ac mae Elen yn darlithio a chyfarwyddo. Mae Rhian yn briod gydag Aled Samuel ac mae ganddi ddau o feibion. Ar hyd y blynyddoedd mae Rhian wedi bod yn ffodus iawn i gael cyfle i chwarae nifer fawr o rannau mewn dramâu ac mewn cynyrchiadau teledu, mae’n sôn am rai ohonynt gan gynnwys y cyfle i actio efo Anthony Hopkins yn y ffilm August.

Sun, 01 Jan 2023 14:00:00 +0000

Chwarae Lawrlwythwch

Marc Howells

Marc Howells, Pennaeth Datblygu Pobl a Thalent AstraZeneca, yw gwestai Beti George Mae’n gyfrifol am 100 mil o bobol ar draws y byd, gan weithio rhwng Caergrawnt a’i gartref yng Ngresffordd. Bu’n gweithio gyda’r cwmni yn China, Awstralia a Philadelphia. Ar hyn o bryd mae'n gweithio gyda Llywodraethau Sweden, Portiwgal yr Almaen a'r Eidal ar ddatblygu sgiliau 5 miliwn o bobol ar gyfer y dyfodol.

Sun, 18 Dec 2022 14:00:00 +0000

Chwarae Lawrlwythwch

Shan Jamil Ashton

Shan Jamil Ashton yw gwestai Beti George. Mae Shan yn gyn darlithydd ym Mhrifysgol Bangor ac yn Gymdeithasegydd. Mae hi'n arwain gwaith Cymunedau ac yn byw yn Capel Curig – yn chwaer i Caradog Jones y Cymro 1af aeth i fyny Everest. Cafodd ei geni ym Mhontrhydyfen De Cymru. Ei henw canol ydi Jamil - pan oedd ei thad yn ifanc bu’n aelod o’r Palestine Mountain Police ac mae ei chwaer wedi ei henwi’n Jasmine ar ôl yr ardal. Am flynyddoedd creda Shan mai ystyr Jamil oedd camel. Ond deallodd yn ddiweddarach drwy’r myfyrwyr yn y Coleg mai ystyr y gair ydi prydferth neu hardd. Bu'n astudio Celf am gyfnod yng Nghaerdydd. Ar ôl magu'r plant fe aeth yn fyfyriwr i Brifysgol Bangor a graddio yn 1990. Roedd hi wedi bwriadu astudio Addysg er mwyn hyfforddi’n athrawes ond pan roedd hi yn ei blwyddyn gyntaf fe ddewisodd Ieithyddiaeth a Chymdeithaseg hefyd fel pynciau. Ar ôl ei darlith gyntaf mewn Cymdeithaseg mi roedd hi'n hooked meddai hi! Bu'n tiwtora a darlithio yn y Coleg Normal ac wedyn yn y Brifysgol ym Mangor.

Sun, 11 Dec 2022 14:00:00 +0000

Chwarae Lawrlwythwch

Sylvia Davies

Sylvia Davies, amgylchedd wraig a sefydlodd ei chwmni ei hun Eto Eto yw gwestai Beti George. Mae hi'n creu bagiau ac ategolion allan o wastraff fyddai fel arall yn mynd i'r domen sbwriel. Roedd ganddi ddiddordeb mawr mewn gwnïo a dysgodd wnïo pan oedd hi’n 4 oed - roedd ei Mam yn arfer gwnïo dillad iddi hi a’i chwaer. Fe wnïodd Sylvia ei ffrog briodas ei hun. Roedd gwnïo felly yn rhywbeth oedd yn ei chysylltu hi â’i mam. Sgil bywyd a ddysgodd ganddi, ac yn dilyn ei marwolaeth fe ddaeth yn llinyn cyswllt ac yn ffordd o ddygymod â’r galar. Bu Sylvia yn byw a gweithio yn Israel ac yng Ngwlad Thai, a hynny ar ôl astudio ei gradd mewn Anthropoleg yn y Brifysgol yn Llundain. Bu'n dipyn o rebel yn ei harddegau, ac mae hi'n rhannu straeon o'i bywyd cynnar yng Nghaerfyrddin. Mae hi bellach yn byw ac yn gweithio yng Nghaerdydd.

Sun, 04 Dec 2022 14:00:00 +0000

Chwarae Lawrlwythwch

Y Parchedig John Owain Jones

Mae'r Parchedig John Owain Jones yn ymddeol fel Gweinidog ar Ynys Bute yn mis Chwefror 2023 ar ôl treulio 12 mlynedd fel Gweinidog yno. Cafodd ei eni yn Llanelwy a’i fagu yn Rhyl nes roedd yn 13 oed, cyn symud i Gaernarfon. Roedd ei Dad yn gweithio i’r Swyddfa Bost a chafodd swydd fel Post feistr yn Nghaernarfon. Mae cysylltiad Owain â'r Alban wedi bod yno bron o’r cychwyn. Wedi i’w rieni ddyweddïo roedd ei Dad eisiau arian i brynu tŷ felly aeth i weithio am gyfnod i’r Swyddfa Bost yn Rhodesia. Ar y llong ar ei ffordd draw yno rhannodd fync ar y llong gyda David Walker a oedd yn dod o Ynys Bute. Daeth ei Dad ac yntau’n ffrindiau pennaf a bu’n was priodas i’w Dad. Priododd ei fam a’i dad yn Salisbury, Rhodesia (Harare bellach). Priodwyd y ddau yn y Second Presbyterian Church ac roedd y Gweinidog yn dod yn wreiddiol o St Andrews (lle bu Owain yn y Brifysgol), a dychwelodd David yn ôl i Ynys Bute yn ddiweddarach. David hefyd oedd tad bedydd Owain a’i frawd Gethin. Bob haf roedd y teulu’n mynd draw i Ynys Bute ar wyliau. Roedd hynny yn un o’r rhesymau pam y dewisodd Owain Brifysgol St Andrews. Yn ddiweddarach fe aeth Owain i Rhodesia am gyfnod i weinidogaethu. Mae Owain yn cyfrannu’n gyson i’r slot Thought for Today Radio Alban ac wedi cyfrannu hefyd i’r Daily Service ar Radio 4. Fe fydd hefyd yn cyfrannu ar Munud i Feddwl, Radio Cymru. Mae'n rhannu straeon am ei fywyd ac yn dewis ambell i gân.

Sun, 27 Nov 2022 14:00:00 +0000

Chwarae Lawrlwythwch

Iestyn Davies

Dros y blynyddoedd mae’r cyn-dditectif a Phrif Arolygydd Iestyn Davies wedi gweithio’n ddiflino i sicrhau bod yr heddlu’n cynnig gwasanaethau Cymraeg. Wedi treulio 30 mlynedd gyda Heddlu’r Gogledd, mae Iestyn bellach yn Bencampwr y Gymraeg gyda’r cwmni sy’n gyfrifol am redeg cyrsiau i’r rhai sydd wedi eu dal yn goryrru. UKROEd (UK Road Offender Education) sy’n rhoi trwyddedau i gwmnïau eraill i hyfforddi pobol sydd wedi eu dal yn gyrru yn gyflymach na’r terfyn, a gwaith Iestyn yw sicrhau bod y cwmnïau yng Nghymru yn cydymffurfio â rheolau iaith. Cyn hynny, bu’r gŵr sy’n byw ym Mhorthaethwy ym Môn yn arwain y tîm oedd yn edrych ar droseddau difrifol, gan gynnwys llofruddiaethau a ddenodd sylw'r byd. Mae Iestyn yn rhannu straeon bywyd ac yn sôn am y sialensiau a'r mwynhad a gafodd o wneud y gwaith.

Sun, 20 Nov 2022 14:00:00 +0000

Chwarae Lawrlwythwch

Ann Jones

Cadeirydd Cenedlaethol Sefydliad y Merched, Ann Jones o Landdewi Brefi yw gwestai Beti George. Cawn wybod am ei magwraeth yng Nghwm Gwendraeth, dylanwad y Ffermwyr Ifaic arni, ac am waith Sefydliad y Merched.

Mon, 14 Nov 2022 13:00:00 +0000

Chwarae Lawrlwythwch

Grant Peisley

Grant Peisley sydd yn sgwrsio gyda Beti George, dyn o Awstralia sydd wedi setlo yn ardal Caernarfon ac yn gwneud llawer o waith gydag ynni cymunedol ac yn sefydlwr cwmnïau megis YnNi Teg a Datblygiadau Egni Gwledig (DEG).

Mon, 14 Nov 2022 12:30:00 +0000

Chwarae Lawrlwythwch

Sioned Llywelyn Williams

Beti George yn sgwrsio gyda'r fenyw busnes Sioned Llywelyn Williams o Lanuwchllyn sydd yn trafod steil a cholur ac am ei amryfal fusnesau yn ei hardal enedigol.

Mon, 14 Nov 2022 12:00:00 +0000

Chwarae Lawrlwythwch

John Derrick, Rheolwr Gyfarwyddwr J. P. Morgan y DU

Beti George yn sgwrsio gyda Rheolwr Gyfarwyddwr Banc J.P. Morgan ym Mhrydain, John Derrick. Cawn glywed am ei fagwraeth yn Llanelli cyn mynd ati i weithio yn y byd arian yn y ddinas, heb sôn am 3 mlynedd yn gwerthu gwin o gwmpas y byd.

Mon, 14 Nov 2022 11:30:00 +0000

Chwarae Lawrlwythwch

Euros Lyn

Beti George yn sgwrsio gyda'r cyfarwyddwr ffilm a theledu Euros Lyn. Mae'n son am ei blentyndod a'i fagwraeth mewn llefydd fel Guyana, Llanrug a Chwmtawe,. Hefyd, mae'n sgwrsio am ei waith yn gweithio ar gyfresi fel Dr Who, a'i gynhyrchiad diweddaraf sef y ffilm Dream Horse.

Mon, 14 Nov 2022 11:00:00 +0000

Chwarae Lawrlwythwch

Elis James

Beti George yn sgwrsio gyda'r comedïwr Elis James. Cawn glywed am ei fagwraeth yng Nghaerfyrddin a'i ddechreuad fel comedïwr, yn ogystal â thrafod ei hoffter mawr o gerddoriaeth a phêl-droed.

Mon, 14 Nov 2022 10:30:00 +0000

Chwarae Lawrlwythwch

Meleri Davies

"Cymuned, Amgylchedd, Economi - dyna ydy calon ein gwaith ni yn Partneriaeth Ogwen, Meleri Davies Prif Swyddog Partneriaeth Ogwen yw gwestai Beti George. Cafodd ei magu ar y fferm Hendre yng Nghwm Prysor sydd rhyw 3 milltir o Drawsfynydd ar y ffordd i Bala a'r Fferm fynydd yn magu defaid Cymreig. Mae hi yn un o 4 o blant - y cyw melyn olaf. Dewi Prysor yr awdur ydi’r hynaf sy’n byw ym Mlaenau Ffestiniog, yna Manon sy’n byw yn Sir Fôn sy’n actores ac yn cynnal gweithdai, a mae Rhys sy’n ffermio adref, fo ydi’r 3ydd genhedlaeth i ffermio yno. Fel Prif Swyddog, mae Meleri yn angerddol am dyfu Partneriaeth Ogwen fel menter gymdeithasol sy’n gwneud gwahaniaeth – yn amgylcheddol, gymunedol ac economaidd. Mae wedi arwain ar brosiectau mwyaf y Bartneriaeth, yn cynnwys datblygiad Ynni Ogwen, canolfan Dyffryn Gwyrdd a throsglwyddiadau asedau. Ers ei phenodiad, mae wedi ennill gwobr Pencampwr Cynaladwyedd Cymru yng ngwobrau Academi Cynaliadwy Cymru a Green Energy Pioneer yng ngwobrau Regen Prydain. Dechreuodd Partneriaeth Ogwen yn 2014 drwy gael 3 cyngor cymuned yn gweithio efo’i gilydd, sef Llanllechid, Llandegai a Bethesda. Daeth y tri at ei gilydd i gyflogi un clerc yn hytrach na tri ac yna defnyddio yr arbed i gyflogi Meleri i ddatblygu prosiectau. Dechreuwyd y bartneriaeth efo Meleri’n gweithio 2 ddiwrnod yn unig a clerc am ddau ddiwrnod. Bellach cyflogir 23 o bobl, rhai yn rhan amser ac eraill yn llawn amser. Mae Meleri’n gweithio’n llawn amser ers sawl blwyddyn bellach ac yn magu 3 o blant gyda'i gwr Meirion. Cawn hanesion ei bywyd o Trawsfynydd i Nepal, ac mae hi'n dewis ambell i gân - gan gynnwys caneuon gan Lleuwen Steffan a Gruff Rhys.

Sun, 13 Nov 2022 14:00:00 +0000

Chwarae Lawrlwythwch

Eluned Morgan AS

Eluned Morgan AS, y Gweinidog Iechyd a'r Gwasanaethau Cymdeithasol yw gwestai Beti George. “Mae 'na real cyfle i wneud gwahaniaeth pan ma' chi sydd yn gyfrifol am 50% o gyllideb Llywodraeth Cymru”. Dyna ddywed Eluned Morgan AS wrth Beti George, sy'n ei holi am ei gwaith a’i chyfrifoldebau fel Gweinidog Iechyd a Gwasanaethau Cymdeithasol Cymru. Mae Eluned Morgan yn y swydd yma ers 18 mis ac mae Beti yn ei holi am yr heriau mae hi’n ei wynebu - o gyfnod Cofid i’r rhestrau aros am driniaethau NHS. Hefyd mae'n sôn am ei gwr sef “ei ffrind gorau” y meddyg a’r offeiriad Rhys Jenkins, a’u hoffter o ganeuon Queen.

Sun, 06 Nov 2022 14:00:00 +0000

Chwarae Lawrlwythwch

Mirain Iwerydd

Y cyflwynydd Mirain Iwerydd yw gwestai Beti George. Mae Mirain yn dod o Grymych ac yn wyneb cyfarwydd i wylwyr Hansh a Stwnsh Sadwrn, mae hi'n cyflwyno Sioe Frecwast Radio Cymru 2 ar fore Sul ac mae hi hefyd yn cyflwyno rhaglen gerddoriaeth newydd bob nos Fercher ar Radio Cymru. Mae'n byw yn Aberystwyth ac yn astudio Cymraeg yn y brifysgol yno. Yn ei amser hamdden mae'n mwynhau gwnïo, cymdeithasu a theithio. Mae hi'n ddiolchgar iawn i Fudiad Ffermwyr Ifanc ac yn diolch am yr hyder a gafodd wrth gystadlu gyda'r adran. Mae hi hefyd yn trafod pwysigrwydd Mis Dathlu Diwylliant Pobol Dduon,"shwt arall ydym ni'n mynd i gael cynrychiolaeth deg".

Sun, 30 Oct 2022 14:00:00 +0000

Chwarae Lawrlwythwch

Eurig Druce

Eurig Druce, Rheolwr Gyfarwyddwr cwmni ceir Citroën yn y Deyrnas Gyfunol ydi gwestai Beti George. Yn wreiddiol o bentref Bethel ger Caernarfon, mae Eurig bellach yn gweithio o'i gartref sydd wrth droed yr Wyddfa ac yn Dad i 3 o blant. Bu Covid yn ofnadwy i lawer iawn ohonom ond i Eurig bu’n fantais mawr. Un penderfyniad gan y Bwrdd Rheoli oedd symud pawb i weithio o adref yn barhaol. Golyga hyn fod y ffordd o reoli yn wahanol ac mae'n trafod hyn gyda Beti. Roedd ei daid o ochr ei Dad yn dod o dde Lloegr yn wreiddiol, a'i Nain yn dod o Drawsfynydd - roedd ei daid yn gweithio yn y camp gerllaw adeg rhyfel fel milwr a chyfarfod felly. Mae wedi colli rhan fwyaf o’i olwg yn ei llygaid chwith: Pan oedd o rhyw 3-4 oed roedd yn chwarae yn yr ardd efo cane oedd yn dal planhigyn i fyny. Wrth fownsio’r cane, daeth allan o’r ddaear a mynd syth i’w lygaid. Mae’n cofio bod efo’i fam a’i dad, a’r sôn am fynd a fo mewn ambiwlans ac yntau’n dechrau crio. Dim ond 20% o’i olwg sydd ganddo yn ei lygaid, ond gan ei fod wedi digwydd mor ifanc, mae wedi hen addasu. Mae'n rhannu hanesion ei fywyd ac yn dewis ambell gân.

Sun, 23 Oct 2022 13:00:00 +0000

Chwarae Lawrlwythwch

Joe Healy

Joe Healy, enillydd Dysgwr y flwyddyn yw gwestai Beti George wrth i ni ddathlu Wythnos Dathlu Dysgu Cymraeg. O Wimbledon yn Ne Llundain y daw Joe Healy ond mae wedi bod yn byw yng Nghaerdydd ers degawd. Fe ddaeth i'r brifddinas i fynd i'r brifysgol, ac mae wedi aros. Fe ddechreuodd ddysgu Cymraeg yn 2018 ac mae'n trafod sut wnaeth o ddysgu'r iaith. Mae'n rhannu hanesion ei gyfnod yn Peru ac yn dewis ei hoff ganeuon yn cynnwys rhai gan Breichiau Hir a Datblygu. Llun: Dafydd Owen - ffotoNant.

Sun, 16 Oct 2022 13:00:00 +0000

Chwarae Lawrlwythwch

Bethan Wyn Jones

Botanegwraig, darlledwraig, cyfieithydd, awdur, darlithydd, a cholofnydd yn y Daily Post Cymraeg ydy gwestai Beti George yr wythnos hon, sef Bethan Wyn Jones. Mae hi hefyd yn Swyddog Addysg Cyfeillion Gwiwerod Cochion Môn. Cafodd ei magu ym mhentref Talwrn ger Llangefni ac mae Bethan yn dal i fyw yn yr un tŷ. Mae hi'n rhannu hanesion bywyd ac yn trafod galar gyda Beti ac yn credu nad ydym ni'n siarad digon amdano.

Sun, 09 Oct 2022 13:00:00 +0000

Chwarae Lawrlwythwch

Rhiannon Evans

Ers pum degawd, mae Gemwaith Rhiannon wedi bod yn ganolbwynt i dwristiaid a phobl leol fel ei gilydd yn nhref Tregaron. Sŵoleg oedd ei phwnc gradd ac mae ganddi ddoethur hefyd. Hi oedd y cyntaf erioed i wneud PhD yn y Gymraeg a hynny ar bwnc ymbortheg anifeiliaid, ond yn hytrach na dilyn y trywydd yma, fe drodd at fyd busnes ac agor siop grefftau yn Nhregaron. Roedd hi’n un o dri gafodd brynu aur Cymreig, ac mae ei gemwaith Celtaidd yn mynd o nerth i nerth. Mae hi wedi dysgu ei hun i wneud y gwaith.

Sun, 02 Oct 2022 13:00:00 +0000

Chwarae Lawrlwythwch

Karl Davies

Wedi ei fagu yn Abergele ac yn gyn ddisgybl Ysgol Glan Clwyd, mae Karl Davies yn ymuno a Beti i drafod ei fywyd yr wythos yma. Dychwelodd Karl nôl i Gaerdydd ddiwedd mis Mehefin eleni o China, ar ôl bod yn dysgu Saesneg i oedolion yno am 4 blynedd. Hanes China gaiff y sylw heddiw, gan ei fod yn credu bod anwybodaeth y gorllewin am y wlad yn broblem enfawr. Bu Karl yn gweithio yn y byd gwleidyddol fel ymchwilydd yn San Steffan i Blaid Cymru, wedyn i’r byd newyddiadura gan ddringo i fod yn Olygydd Newyddion BBC Cymru. Ar ôl hynny fe fu’n Brifweithredwr Plaid Cymru am 9 mlynedd; I'r byd addysg aeth o wedyn fel Cyfarwyddwr Undeb y Prifathrawon. Aeth nol i swydd weinyddol yn y BBC ac wedyn draw i China i ddysgu saesneg i oedolion.

Sun, 25 Sep 2022 13:00:00 +0000

Chwarae Lawrlwythwch

Hefin Wyn

Awdur a'r newyddiadurwr Hefin Wyn yw gwestai Beti. Mae wedi ysgrifennu'n helaeth am gerddoriaeth Cymraeg, am Meic Stevens, Waldo a Niclas y Glais ac yn gyn newyddiadurwr gyda'r BBC a HTV. Bu hefyd yn Ohebydd adloniant Y Cymro, ac fe ddisgrifiodd Beti ef fel "Llysgennad dros Sir Benfro". Mae'n rhannu straeon ei fywyd ac yn dewis ambell gân.

Sun, 18 Sep 2022 13:00:00 +0000

Chwarae Lawrlwythwch

Hywel Gwynfryn

Hywel Gwynfryn sydd yn sgwrsio gyda Beti George.

Sun, 28 Aug 2022 13:00:00 +0000

Chwarae Lawrlwythwch

Seren Morgan Jones

Seren Morgan Jones sydd yn gwmni i Beti George.

Sun, 21 Aug 2022 12:00:00 +0000

Chwarae Lawrlwythwch

Ann Catrin Evans

Ann Catrin Evans sydd yn gwmni i Beti George.

Mon, 15 Aug 2022 09:47:00 +0000

Chwarae Lawrlwythwch

Ifan Jones Evans

Beti George sydd yn sgwrsio gyda'r cyflwynydd Ifan Jones Evans

Sun, 07 Aug 2022 13:00:00 +0000

Chwarae Lawrlwythwch

Dr Delyth Badder

Beti sydd yn sgwrsio gyda Dr Delyth Badder

Sun, 24 Jul 2022 14:00:00 +0000

Chwarae Lawrlwythwch

Nicola Davies

Cobiau Cymreig yw diléit gwestai Beti George, Nicola Davies, Cadeirydd Cyngor y Sioe Frenhinol. Ar ôl graddio ym Mhrifysgol Abertawe, nol aeth hi i’w chartref yng Ngheredigion fel ei bod yn medru helpu gyda’r busnes bridio cobiau, Bridfa Maesmynach. Mae hi’n weithgar yn y gymuned amaethyddol, yn y Ffermwyr Ifanc a gyda’r Sioe Frenhinol, ac yn ddiweddar fe ddaeth y fenyw gyntaf i fod yn Gadeirydd Cyngor y Sioe.

Sun, 10 Jul 2022 13:00:00 +0000

Chwarae Lawrlwythwch

Meirion Jones

Yr artist Meirion Jones yw gwestai Beti ai Phobol. Cafodd ei fagu yn Aberteifi a bu'n cyd weithio mewn stiwdio gyda'i Dad, y diweddar Aneurin Jones. Astudiodd Lefel A mewn Arlunio, Hanes a Cymraeg. Yna aeth i Goleg Celf Dyfed Caerfyrddin i astudio Celf am ddwy flynedd a dysgu llawer. Aeth Meirion ymlaen wedyn i astudio Cwrs Cyfathebu yn y Coleg Normal Bangor cyn mynd yn athro am 10 mlynedd, yn dysgu yn Abergwaun. Yna cyrhaeddodd bwynt yn ei fywyd naill ai ei fod yn aros yn y proffesiwn hyd nes y byddai’n ymddeol, neu ei fod yn torri hynny yn ei flas a gwireddu breuddwyd a byw fel artist o achos doedd o ddim y credu na fyddai wedi gallu maddau iddo fo ei hun tasa fo ddim. Roedd yn byw gartref o hyd a treuliodd y 10 mlynedd nesaf yn y stiwdio efo’i Dad. Roedd gan Meirion berthynas arbennig o glos efo’i Dad, medda fo. Dysgodd lawer iawn ganddo. Roedd hi’n berthynas symbiotig- roedd y ddau angen ei gilydd. Pan fu farw ei Dad, prynodd Joanna ag yntau 'small holding' tu allan i Abereifi. Dyma droi y beudy yno yn stiwdio ar gyfer y ddau. Cyfarfu Meirion Joanna yn Eisteddfod Abertawe ac mae hithau’n arlunydd llawn amser hefyd. Priodwyd y ddau yn 2013. Yn ddiddorol dydy Meirion erioed wedi arlunio ar ben ei hun, Roedd hefo’i Dad o’r blaen a bellach mae rhannu stiwdio efo Joanna. Mae’r byd mytholegol a chwedlonol o ddiddordeb mawr i Meirion. Cawn glywed hanes Chwedl Llyn y Fan fach. Mae’r chwedl hon wedi ei hudo drwy ei fywyd.

Sun, 03 Jul 2022 13:00:00 +0000

Chwarae Lawrlwythwch

Catrin Atkins

Catrin Atkins ydi'r cwmni yr wythnos hon. Cafodd ei geni gyda Spina Bifida a hydrocephalus, ac mae hi’n sôn am y cyflyrau yma a sut maen nhw wedi effeithio arni. Mae hi bellach yn Coach - Y Coach Cymraeg, ac yn siarad gyda chleientiaid ar draws y byd. Mae hi’n sôn nad oes enw Cymraeg am Coach - sydd yn esbonio yn union beth ydi'r gwaith. Mae'n chwaer i Barry Griffiths, fu'n reslo yn y WWE, ond sydd ar hyn o bryd yn ymddangos yn y sioe Cirque du Soleil yn Vegas, ac yn byw yno gyda’i deulu ers 10 mlynedd. Fe dreuliodd Catrin amser yng Nghanada, ac fe newidiodd hyn ei bywyd. Fe sylweddolodd ei bod yn medru gwneud pethau ar ei phen ei hun. Mae hi bellach yn hapus yn ei chroen, ac yn sôn bod hi wedi cymryd amser i gyrraedd y man yma.

Sun, 19 Jun 2022 13:00:00 +0000

Chwarae Lawrlwythwch

Geraint Davies

Wrth iddo ymddeol fel Cynghorydd Sir dros ardal Treherbert yng Nghwm Rhondda ar ôl 30 mlynedd yn y swydd, mae Beti yn sgwrsio gyda Geraint Davies. Cawn glywed am ei gyfnod fel Aelod Cynulliad, fferyllydd lleol, a'i rôl flaenllaw yn ei glwb tennis lleol.

Sun, 12 Jun 2022 13:00:00 +0000

Chwarae Lawrlwythwch

Ceri Isfryn

Ceri Isfryn , cynhyrchydd y gyfres House of Maxwell yw gwestai Beti George. Fe ddechreuodd ei gyrfa ar The One Show, ac yna bu’n gweithio ar gyfresi i’r BBC fel Watchdog Rogue Traders, a Panorama. Mynychodd Ysgol Gynradd Llandegfan ac Ysgol David Hughes Porthaethwy, a bu’n perfformio yn sioeau’r ysgol – profiad gwerthfawr yn ôl Ceri. Mae hi hefyd yn falch ei bod wedi mynychu ysgol lle'r oedd y disgyblion yn dod o gefndiroedd mor wahanol, gan gredu bod hyn yn help mawr iddi ymwneud a trawstoriad o bobl o gefndiroedd gwahanol yn ei gwaith heddiw. Yn ystod ei blynyddoedd yr ysgol Uwchradd roedd hi ai brawd yn chwarae efo Band Biwmares a Band Cenedlaethol Ieuenctid Cymru. Yna aeth i Brifysgol Caerdydd i astudio Llenyddiaeth Saesneg, a dyna lle dechreuodd Ceri ‘sgrifennu i bapur newydd y Coleg sef Gair Rhydd. Mae ganddi ddiddordeb erioed mewn newyddiaduraeth, ac yn yr ysgol bu am brofiad gwaith gyda’r North Wales Chronicle ym Mangor. Wedi ei blwyddyn gyntaf yn y Coleg aeth i weithio ar bapur newydd yn Ghana am fis a hithau ‘mond yn 19 oed. Mae Ceri wedi gweithio ar raglenni teledu am Brexit, Donald Trump a Facebook, ac yn dilyn yr ymosodiad terfysgol ym Mharis yn 2015 bu’n gweithio ar raglen yn edrych ar derfysgaeth yn Ewrop a’r achos o derfysgaeth yn Christchurch, Seland Newydd yn 2019. Bu hefyd yn gweithio ar raglen Panorama lle gofynnwyd iddi a fyddai'n fodlon mynd “undercover” i weithio mewn cartref henoed yn Llundain.

Sun, 05 Jun 2022 13:00:00 +0000

Chwarae Lawrlwythwch

Siân Eirian

"Arbrofi ac arloesi i'r dyfodol". Dyna eiriau Siân Eirian, Cyfarwyddwr Eisteddfod yr Urdd a chyn Bennaeth Gwasanaeth Plant gyda S4C. Fe ddechreuodd ei gyfra fel clerc mewn cymdeithas adeiladu, wedyn ymunodd gyda'r Urdd, ac fe enillodd gwobr Cymraes y Flwyddyn yn 2006. Yn 2007 fe gafodd Siân ei phenodi yn Bennaeth Gwasanaeth Plant S4C am 6 blynedd. Rhan o friff y swydd oedd creu gwasanaeth ar gyfer plant meithrin ac yn ddiweddarach ar gyfer y rhai cynradd, gan gynnig gwasanaeth cyflawn drwy gyfrwng y Gymraeg ond efo rhaglenni oedd cystal ansawdd a chynnwys a’r hyn oedd ar gael yn Saesneg. Sefydlwyd y sianel CYW ar gyfer plant oed meithrin i 5 oed ac 'roedd yn gyfnod cyffrous iawn. Mae Siân yn sôn am fynd a'r Cyw ei hun i Lundain, ac mae stori ddigri i'w chlywed ganddi am gyfarfod Boris Johnson. Mae Siân bellach wedi symud nol i'w ardal enedigol yn Llangernyw ac yn rhedeg cwmni ymgynghorol gyda Garffild ei gwr. Bu'r ddau yn gweithio gyda I'm a Celebrity... Get Me Out of Here! gydag Ant a Dec ar gyfer ITV.

Sun, 29 May 2022 13:00:00 +0000

Chwarae Lawrlwythwch

Russell Isaac

Russell Isaac yw gwestai Beti George - cyn-newyddiadurwr, sydd bellach yn gweithio gyda'r Cenhedloedd Unedig ac i gorff yn Asia sydd yn paratoi'r gwledydd rhag y trychinebau sydd yn debygol o ddigwydd oherwydd newid hinsawdd.

Sun, 22 May 2022 13:00:00 +0000

Chwarae Lawrlwythwch

Dr Sara Louise Wheeler

Beti George yn sgwrsio gyda'r bardd, llenor ac artist llawrydd Dr Sara Louise Wheeler. Yn wreiddiol o Wrecsam, mae hi’n falch iawn o’i acen Rhos. Mae ganddi gyflwr genetig prin, sef Syndrom Waardenburg Math 1, sy'n golygu fod ganddi ddadbigmentiad yn y croen, gwallt, llygaid a chochlea - ac sydd yn golygu ei bod yn colli clyw. Mae hi’n fardd ac yn llenor ac yn artist llawrydd. Ar hyn o bryd mae hi’n datblygu drama gyda Theatr Genedlaethol Cymru, sef y ‘Y Dywysoges Arian’, sy’n mynd i’r afael â chymeriad sy’n dysgu byw yn ei chroen wrth i’r croen hwnnw drawsffurfio.

Sun, 15 May 2022 13:00:00 +0000

Chwarae Lawrlwythwch

Catrin Ellis Jones

Catrin Ellis Jones yw gwestai Beti ai Phobol, ac mae ei stori yn mynd a ni o Sling, Tregarth i Folivia a Chile a nôl i’r Fenni lle mae hi’n byw bellach gyda’i theulu. Mae hi’n gweithio gydag un o gwmnïau gwerthu ynni mwyaf Ewrop, Vattenfall fel Pennaeth Ymrwymiad Rhanddeiliaid a Chymunedau ac yn trafod gyda chymunedau sut y gall ynni gwynt fod o fantais iddynt. Bu’n byw ac yn gweithio ym Molivia a Chile, De America am flynyddoedd yn chwilio am fwynau ac yn cydweithio gyda’r bobol gynhenid. Mae hi bellach yn gweithio ar brosiectau ynni yn ein moroedd. "36 % o ynni adnewyddol 'da ni’n ei ddefnyddio yng Nghymru, 60% yn yr Alban, be sw ni’n licio’i weld ydi Cymru ar flaen y gad gyda thechnoleg newydd sydd i ddod fel bod ni'n creu hi'n bosib i ni ddi-garboneiddio mwy o'n diwydiant ni". " Mi fydda Cymru yn medru gwneud dur di-garbon" meddai Catrin.

Sun, 08 May 2022 13:00:00 +0000

Chwarae Lawrlwythwch

Meleri Tudur

Y gyfraith yw maes gwestai Beti ai Phobol a hynny gyda’r Tribiwnlysoedd. Mae’n Farnwr yn Ddirprwy Lywydd y Siambr, mae ganddi sedd yn yr Uchel Lys a hi yw’r Barnwr sydd yn arwain ar foderneiddio’r llysoedd, ac mae hi’n fam i 5 o ferched. Meleri Tudur sydd yn cadw cwmni gyda Beti George.

Sun, 01 May 2022 13:00:00 +0000

Chwarae Lawrlwythwch

Dyfed Edwards

Y nofelydd Dyfed Edwards, ydi gwestai Beti George. Enillodd y Fedal Ddrama yn yr Eisteddod Genedlaethol ddwy waith yn olynol., ac mae hefyd yn awdur toreithog yn Saesneg gan ysgrifennu dan yr enw Thomas Emson. Cafodd ei fagu ym mhentref Rhosmeirch ger Llangefni, ac fe aeth i Ysgol Gynradd Llangefni ac wedyn symud i Ysgol Gyfun Llangefni. Roedd wrth ei fodd yn darllen comics a llyfrau, dechreuodd yn y cyfnod yma ddarlunio a sgwennu straeon bach ei hun. Yna aeth i’r Coleg Normal ym Mangor i astudio ‘r cwrs Cyfathrebu yn 1985 . Dim ond ryw 7 ohonynt oedd yn astudio’r cwrs. Roedd y cwrs yn un weddol newydd ar y pryd ac yn dal i gael ei ddatblygu a’i greu. Un modiwl y dewisodd oedd Ysgrifennu Creadigol o dan arweiniad Rhiannon Davies Jones ac Ifor Wyn Williams sydd wedi ei ddylanwadu’n fawr. Ymgeisiodd am swydd gohebydd dan hyfforddiant efo grŵp papurau newydd yr Herald a bu’n llwyddiannus. Bu'n gweithio gyda'r Holyhead and Anglesey Mail, bu'n Ddirprwy Olygydd y Weekly News yng Nghyffordd Llandudno, a bu hefyd yn Olygydd Cynhyrchu'r Daily Post yng Nghymru. Mae bellach yn gweithio gyda’r Daily Mail gan weithio ar y ddesg fusnes. Mae’n gweithio o adref sy’n grêt. Mae o hefyd yn darlithio mewn ysgrifennu creadigol. Mae wedi ysgrifennu nifer o gyfrolau yn y ddwy iaith, ac mae bob amser nofel neu sgript ar y gweill.

Sun, 24 Apr 2022 13:00:00 +0000

Chwarae Lawrlwythwch

Dai Jones

Fel teyrnged i’r diweddar Dai Jones Llanilar, dyma gyfle eto i wrando ar ei sgwrs gyda Beti George o 2002 , rhaglen arbennig a recordiwyd gyda chynulleidfa yn Neuadd Rhydypennau, Aberystwyth.

Sun, 17 Apr 2022 13:00:00 +0000

Chwarae Lawrlwythwch

Carren Lewis

Carren Lewis yw gwestai Beti George ac mae ei stori yn mynd a ni o Penrhyndeudraeth i Dwrci a nôl i Sir Benfro. Yn ganolog i'r stori mae hanes ei mab bach mabwysiedig gafodd ei adael mewn bocs ar y ffin rhwng Syria a Thwrci. Merch o Benrhyndeudraeth ydi Carren, bu'n byw ym Mhwllheli am gyfnod ac wedyn fe aeth draw i Dwrci i weithio yn Marmaris. Yno cyfarfu â'i gwr, ac ar ôl cyfnod anodd yn derbyn triniaeth IVF fe benderfynon nhw fabwysiadu. Mae Carren yn sôn am y cartref plant amddifaid yn Diyarbakır yn Nhwrci lle y daeth hi o hyd i'w mhab. Hogan fach a ddaliodd ei sylw, ond roedd ei mhâm Ann wedi gwirioni ar fachgen bach gyda gwên anferth, brech yr ieir, trwyn budr a llygaid croes. Pan gafodd Carren wybod nad oedd mabwysiadu'r ddau yn opsiwn, roedd yn rhaid dewis. Dydi Carren ddim wedi celu dim rhagddo. Wrth i blant eraill glywed straeon dychmygol gyda'r nos, roedd Bedri'n clywed am ei hanes mewn cartref yn Nhwrci. Mae bellach yn gwybod am ddyddiau cynharaf ei fywyd hefyd, yn cael ei ddarganfod yn fabi gan hogyn a glywodd sŵn cath ar ei ffordd i'r ysgol. Dyma stori ryfeddol Carren ac yn ganolbwynt i'r stori mae Bedri Lewis.

Sun, 10 Apr 2022 13:00:00 +0000

Chwarae Lawrlwythwch

Beks - Rebekah James

Beks - Rebekah James yw gwestai Beti George, cyn-gyflwynydd ar Radio Cymru, sydd bellach yn byw yn Hong Kong. Ganwyd Beks yng Nghaerdydd cyn i'r teulu symud i Abertawe pan oedd yn ei harddegau. 20 mlynedd nol roedd hi'n un o sêr Radio Cymru, ac ond wedi iddi gyfarfod a'i gwr, Rhodri fe symudodd i fwy gydag ef i Hong Kong. Eleni fe fydd yn dathlu ei phen-blwydd yn 50, mae hi'n sôn am ei theulu, ei bywyd yn Hong Kong a'r sefyllfa sydd ar hyn o bryd yna yn sgil covid.

Sun, 03 Apr 2022 13:00:00 +0000

Chwarae Lawrlwythwch

Tegryn Jones

Tegryn Jones Prifweithredwr Awdurdod Parc Cenedlaethol Arfordir Penfro yw gwestai Beti George. Mae'r Parc yn dathlu 70 mlynedd eleni, ac mae'n trafod yr heriau fu yn 1952 i sefydlu'r Parc a'r heriau gwahanol y maent yn eu hwynebu heddiw. Mae Tegryn wedi gwneud amrywiol swyddi ac mae'n rhannu straeon a phrofiadau personol, yn ogystal â dewis ambell i gân sydd wedi creu argraff.

Sun, 27 Mar 2022 13:00:00 +0000

Chwarae Lawrlwythwch

Elin Mai

Elin Mai, Perchennog y cwmni Style Doctors sydd yn cadw cwmni gyda Beti George. Fe dreuliodd y rhan fwyaf o’i phlentyndod yn Llangristiolus, Ynys Môn a dyma le wnaeth hi ddechrau ei chwmni cyn symud i Lundain, Efrog Newydd, Miami, Dubai... Mae Elin yn cyflogi dros 50 o staff ac maen nhw’n cynnig gwasanaeth steilo dillad i bwy bynnag sydd yn dymuno. Mae hi wedi steilio Malala Yousafzai, Amanda Holden a'r comedïwr Keith Lemon. Mae'n rhannu straeon a phrofiadau personol, yn ogystal â dewis ambell i gân sydd wedi creu argraff.

Sun, 20 Mar 2022 14:00:00 +0000

Chwarae Lawrlwythwch

Gwenan Roberts

Gwenan Roberts ydi gwestai Beti a'i Phobol - mae hi wedi bod yn gweithio am flynyddoedd fel Therapydd iaith a lleferydd, ond bellach yn Athro meddylgarwch. Mae hi’n sôn am ei gwaith a’r amrywiaeth o swyddi gwahanol mae hi wedi ei wneud o weithio gyda throseddwyr ifanc i dreulio blwyddyn yn Calcutta. Yn wreiddiol o bentref Dinmael ger Corwen mae hi'n siarad am ddylanwad y fagwraeth glos yna arni. Cafodd ei chyflwyno i feddylgarwch tua deunaw mlynedd yn ôl ac yr oedd ei ymarfer yn hanfodol iddi yn ystod y cyfnod ansicr a gafodd. Tra'n gweithio llawn amser llawn amser dechreuodd gwrs ôl radd i fod yn athro meddylgarwch.

Sun, 13 Mar 2022 14:00:00 +0000

Chwarae Lawrlwythwch

Siân Elen Tomos

Beti George yn sgwrsio gyda Siân Elen Tomos. Fel Prif Weithredwr GISDA mae Siân yn rheoli ac arwain GISDA ers Hydref 2011 i sicrhau gwasanaeth o ansawdd i bobl ifanc bregus yng Ngogledd Cymru. Law yn llaw gyda hynny mae Siân yn ceisio sicrhau parhad mewn gwahanol wasanaethau drwy geisio am grantiau a thendro am arian. Cyn ymuno a’r tîm yn GISDA roedd Siân yn gweithio fel gweithiwr Cymdeithasol yng ngwasanaethau plant Cyngor Gwynedd, aeth yna ymlaen i fod yn Rheolwr Tîm yng ngwasanaeth i blant anabl yng Ngwynedd. Yn enedigol o Ddeiniolen, mynychodd Ysgol Gwaun Gynfi, ac Ysgol Uwchradd Brynrefail, mae hi bellach yn byw yng Nghaernarfon. Mae ei diddordebau yn cynnwys cerdded, bod allan yn yr awyr agored, teithio, materion cymunedol a gwleidyddiaeth, ac mae hi'n rhannu straeon bywyd ac yn dewis ambell i gan sydd yn agos at ei chalon.

Mon, 07 Mar 2022 12:54:00 +0000

Chwarae Lawrlwythwch

Wyn Thomas

Wyn Thomas, mab fferm o Geredigion, sydd yn weinidog ac yn gweithio gydag elusen Tir Dewi yw gwestai Beti George. Mae yn byw bellach yn Drefach Felindre gyda'i ŵr Mathew ac yn bridio peunod a chadw asynod ar eu tyddyn. Mae wedi wynebu sawl her, ac mae'n siarad am ei fywyd ac yn dewis ambell gân.

Sun, 20 Feb 2022 14:00:00 +0000

Chwarae Lawrlwythwch

Edward Keith Jones

Edward Keith Jones yw gwestai Beti George. Mae'n Brif Ymgynghorydd Newid Hinsawdd gyda'r Ymddiriedolaeth Genedlaethol yng Nghymru, Lloegr a Gogledd Iwerddon. Mynydda yw ei ddiléit pennaf, ac fe ddringodd pob mynydd yng Nghymru, 183 ohonynt, i ddathlu ei ben-blwydd yn hanner cant. Yn yr 8 mis diwethaf fe gafodd salwch difrifol a olygodd wythnosau lawer yn yr ysbyty yn ymladd am ei fywyd.

Sun, 13 Feb 2022 14:00:00 +0000

Chwarae Lawrlwythwch

Elin Prydderch

Elin Prydderch yw gwestai Beti George, merch sydd yn wreiddiol o Nasareth yn Nyffryn Nantlle. Mae hi'n Faethegydd ac yn Adweithegydd, yn Fam i 3 a bellach wedi ymgartrefu yng Nghaerdydd. Mae ganddi ddiddordeb mawr yn y corff ac mewn bwyta bwyd iach sydd yn gwneud i ni deimlo'n well. Fe gafodd ddiagnosis o Ddyslecsia'n oedolyn ac mae hi'n rhannu profiadau bywyd ac yn dewis ambell i gan sydd yn agos at ei chalon o Sunami i Sia.

Sun, 06 Feb 2022 14:00:00 +0000

Chwarae Lawrlwythwch

Theo Davies-Lewis

Beti George yn sgwrsio gyda Theo Davies-Lewis y sylwebydd gwleidyddol am ei fagwraeth yn Llanelli, ei gyfnod yn Coleg Llanymddyfri, a Phrifysgol Rhydychen. Yn 24 mlwydd oed mae'n ysgrifennu colofnau i'r cylchgrawn The Spectator ac yn cyfrannu i'r Times ac fe yw prif sylwebydd gwleidyddol y National Wales. Mae'n rhannu profiadau ac yn dewis darnau o gerddoriaeth sydd yn agos at ei galon.

Sun, 30 Jan 2022 14:00:00 +0000

Chwarae Lawrlwythwch

Rebecca Elizabeth Roberts

Beti George yn sgwrsio gyda'r nofelydd Rebecca Roberts o Brestatyn. Mae hi wedi ysgrifennu pedair nofel ac wedi ennill gwobr Tir na n-Og a Llyfr y Flwyddyn i bobol ifanc, ac yn un o'i llyfrau mae'r prif gymeriad gydag anabledd ac yn gwisgo coesau prosthetig yn union fel mae merch yr awdur. Mae hi hefyd yn Weinydd Dyneiddiol ac yn rhannu straeon a phrofiadau personol, yn ogystal â dewis ambell i gân sydd wedi creu argraff.

Sun, 23 Jan 2022 14:00:00 +0000

Chwarae Lawrlwythwch

Geraint Jones

Yr Athro Geraint Jones, Pennaeth Gwyddoniaeth y Planedau, UCL Llundain yw gwestai Beti George. Mae ganddo asteroid sydd wedi ei enwi ar ei ôl a hefyd mae ganddo record yn y Guinness Book of Records gan iddo ddarganfod cynffon comed hiraf erioed ar y pryd. Mab fferm Bryn Hyrddin, Pentraeth Ynys Môn ydi Geraint, fe aeth i Ysgol Gynradd Pentraeth. Roedd ganddo ddiddordeb yn y gofod bryd hynny ond doedd na neb arall yn wyddonwyr yn y teulu. Bu wedyn yn ddisgybl yn Ysgol Gyfun David Hughes ym Mhorthaethwy, cyn symud i Lundain i astudio Seryddiaeth yn yr UCL, y Coleg lle mae o’n gweithio rŵan.

Sun, 16 Jan 2022 14:00:00 +0000

Chwarae Lawrlwythwch

Samuel Kurtz

Beti George yn sgwrsio gyda Samuel Kurtz Aelod Ceidwadol Gorllewin Caerfyrddin a De Sir Benfro yn ein Senedd ni yn y Bae. Mae'n weithgar iawn gyda'r Ffermwyr Ifanc ac yn cefnogi elusen DPJ, sefydliad ac elusen iechyd meddwl yng Nghymru sydd yn cefnogi’r rheini mewn cymunedau gwledig ac mewn amaethyddiaeth sydd â phroblemau iechyd meddwl. Mae'n dewis ambell gân sydd wedi creu argraff gan gynnwys Dafydd Iwan a Shed Seven.

Sun, 09 Jan 2022 14:00:00 +0000

Chwarae Lawrlwythwch

Kristoffer Hughes

Kristoffer Hughes, Pennaeth Derwyddon Ynys Môn ac awdur toreithiog llyfrau am fytholeg a chwedlau Cymru, yw gwestai Beti George. Mae newydd ddathlu ei ben-blwydd yn hanner cant ac wedi penderfynu rhoi'r gorau i'w waith fel 'anatomical pathology technologist'- technegydd patholegol mewn marwdy. Fe fydd hefyd yn gyfarwydd i lawer fel Maggi Noggi, ac mae Kris yn sôn ei fod angen Maggi yn ei fywyd. Mae'n sôn ei fod wedi dioddef o 'body dysmorphia' - " Oni byth yn ffitio mewn, 'o ni'n tyfu i fyny fel hogyn yn symud i mewn i gymdeithas hoyw ac roedd y rheini mor beautiful a doeddwn i jest ddim yn teimlo hynny". Mae Kristoffer hefyd yn siarad am baganiaeth, derwyddiaeth ac yn dewis caneuon sydd yn agos at ei galon, gan gynnwys rhai gan Eden a Bronwen Lewis.

Sun, 02 Jan 2022 14:00:00 +0000

Chwarae Lawrlwythwch

Mei Jones

Rhaglen deyrnged i'r diweddar Mei Jones yr actor, sgriptiwr ac awdur wnaeth greu rhai o gymeriadau comedi mwyaf hoffus a chofiadwy yn y Gymraeg, Fe recordiodd Beti George ddwy raglen gydag ef yn 2004 ac fe'i darlledwyd ar ddau Sul yn olynol - a dyma gyfle i chi eu clywed.

Sun, 19 Dec 2021 14:00:00 +0000

Chwarae Lawrlwythwch

John Alwyn Griffiths

Awdur nofelau Ditectif a cyn Ditectif Arolygydd yn yr Adran dwyll yng Ngogledd Cymru John Alwyn Griffiths yw gwestai Beti George. Cawn glywed am ei fagwraeth ym Mangor a'i waith fel plismon, ditectif ac fe ddaeth yn Bennaeth yr Adran Dwyll. Pan oedd John yn fachgen ifanc yn yr ysgol doedd gan yr athrawon ddim llawer o hyder ynddo, medda fo. Feddyliodd neb y byddai’r bachgen hwnnw rhyw ddiwrnod yn awdur poblogaidd ac wedi cael gyrfa lwyddiannus yn yr heddlu. Mi helpodd ei brofiad o weithio efo’r Heddlu i ddatblygu fel person. Ar ôl ymddeol mae wedi bod yn brysur yn ysgrifennu nofelau ditectif yn y Gymraeg. .Mae John yn rhannu straeon a phrofiadau personol, yn ogystal â dewis ambell i gân sydd wedi creu argraff

Sun, 12 Dec 2021 14:00:00 +0000

Chwarae Lawrlwythwch

Laura Karadog

Laura Karadog ydi'r cwmni, ac fe gawn glywed am ei magwraeth yn Nhal-y-bont ger Bangor, a'i chyfnod hapus yn Ysgol Llanllechid ac Ysgol Dyffryn Ogwen - a'i thaith yn 12eg mlwydd oed i Czechoslovakia. Mae hi'n sôn am y profiad o fyw yn Tokyo, gweithio yn San Steffan a'i chyfnod yn Philadelphia yn dysgu mwy am y Crynwyr. Fe fu'n brwydro'r clefyd anorecsia yn ystod ei chyfnod yn y Brifysgol yn Aberystwyth, a dyna wnaeth iddi droi at Yoga. Erbyn hyn mae hi'n byw ym Mhontyberem ar ôl cyfnod o fyw gyda'r teulu yn Llydaw. Mae hi'n rhannu straeon rif y gwlith ac yn sôn am ei phrofiadau personol, yn ogystal â dewis ambell i gân sydd wedi creu argraff, o Bendigeidfran gan Lleuwen i 'This is Me' - cân allan o’r sioe The Greatest Showman.

Sun, 05 Dec 2021 14:00:00 +0000

Chwarae Lawrlwythwch

Dr Robin Parry

Dr Robin Parry, meddyg teulu yn Llanberis am dros 30 mlynedd ydi gwestai Beti George. Ei gariad cyntaf yw pysgota ac mae ganddo ddiddordeb arbennig yn y Torgoch sy'n byw yn Llyn Padarn. Mae newydd ymddeol ac yn sôn am ei gyfnod yn hyfforddi ym Manceinion ac yn trafod yr heriau mae meddygon wedi ei wynebu yn ystod y pandenig. Mae'n rhannu straeon a phrofiadau personol, yn ogystal â dewis ambell i gân sydd wedi creu argraff, o Edward H i ganeuon Opera Eidalaidd.

Sun, 28 Nov 2021 14:00:00 +0000

Chwarae Lawrlwythwch

Steffan Huws

Beti George yn sgwrsio gyda pherchennog Poblado Coffi, Steffan Huws. Cawn glywed am ei fagwraeth ym Mhontypridd, ei hanes yn dysgu Saesneg yn Nhaiwan a Colombia lle bu yng nghanol achos hunllefus o herwgipio a'i fusnes yn Ddyffryn Nantlle sydd yn rhostio coffi. Mae Steffan hefyd yn rhannu straeon rif y gwlith ac yn dewis ambell i gân sydd wedi creu argraff.

Sun, 21 Nov 2021 14:00:00 +0000

Chwarae Lawrlwythwch

Elin Llwyd Morgan

Mae Beti George yn sgwrsio gydag Elin Llwyd Morgan am ei gyrfa fel newyddiadurwraig, cyfarfod Peris ei chymar a sut wnaeth ei bywyd newid pam symudodd i Glyn Ceiriog i fyw a phan ddaeth ei mab Joel i'r byd. Mae hi'n sôn am ei magwraeth, ei hoffter o nofio yn y môr ac yn rhannu ei phrofiadau personol o fagu mab sydd ag awtistiaeth. Mae hi hefyd yn dewis ambell i gân sydd wedi creu argraff.

Sun, 07 Nov 2021 14:00:00 +0000

Chwarae Lawrlwythwch

Dr Paula Roberts

Beti George yn sgwrsio gydag Dr Paula Roberts sydd wedi treulio amser yn yr Arctig ac Antartica, ac wedi seiclo yn yr Himalayas a Uzbekistan.

Sun, 31 Oct 2021 14:00:00 +0000

Chwarae Lawrlwythwch

Philippa Gibson

Philippa Gibson sydd yn sgwrsio gyda Beti George, merch o Fryste sydd wedi setlo yn Llanrgannog ac yn gwneud llawer o waith yn ei chymuned. Mae hi hefyd yn fardd yn diwtor iaith ac yn blymar ac yn ymgyrchu dros newid hinsawdd.

Sun, 24 Oct 2021 13:00:00 +0000

Chwarae Lawrlwythwch

Yr Archdderwydd, Myrddin ap Dafydd.

Cyn i'r Eisteddfod AmGen ddechrau, mae Beti George yn sgwrsio gyda'r Archdderwydd Myrddin Ap Dafydd am ei gefndir a'i ddylanwadau cynnar yn Llanrwst, ac am ei natur o fentergarwch.

Mon, 13 Sep 2021 14:42:00 +0000

Chwarae Lawrlwythwch

Dylan Rhys Jones

Beti George yn sgwrsio gyda'r cyn-gyfreithiwr troseddol, Dylan Rhys Jones. Dylan yw awdur y llyfr "The Man in Black" sydd yn sôn am brofiadau Dylan o fod yn gyfreithiwr amddiffynnol i'r llofrudd Peter Moore ynghanol nawdegau'r ganrif ddiwethaf.

Sun, 12 Sep 2021 13:38:00 +0000

Chwarae Lawrlwythwch

Andria Doherty

Gwestai Beti George yw'r actores Andria Doherty, ddaeth i'r amlwg yn y gyfres "It's a Sin" fel y cymeriad Eileen Morris-Jones. Cawn ei hanes cynnar yng Nghwm Tawe ac am ei gwaith fel nyrs cyn i salwch ei tharo a golygu bod hi'n newid cyfeiriad o ran gyrfa.

Sat, 11 Sep 2021 09:23:00 +0000

Chwarae Lawrlwythwch

D. L. Davies

Beti George yn sgwrsio gydag un o frodorion Cwm Cynon, yr hanesydd a'r athro Cymraeg, D. L. Davies. Cawn hanes ei blentyndod fel un o blant cyntaf yr Ysgol Gymraeg yn Aberdâr, a hefyd ei brofiad fel athro Cymraeg Ail Iaith am dros chwarter canrif yn Ysgol Uwchradd Afon Taf.

Fri, 10 Sep 2021 14:00:00 +0000

Chwarae Lawrlwythwch

Llinos Medi Huws

Gwestai Beti George yw Arweinydd Cyngor Sir Ynys Môn, Y Cynghorydd Llinos Medi Huws. Cawn gyfle i glywed am ei magwraeth ar fferm fach Ffleicws ger Llanddona, ac am gyfnodau heriol wrth iddi dyfu fyny.

Fri, 10 Sep 2021 13:30:00 +0000

Chwarae Lawrlwythwch

Tomos Grace

Beti George yn sgwrsio â Tomos Grace, Pennaeth cynnwys Chwaraeon Youtube yn Ewrop, y Dwyrain Canol ac Affrica.

Fri, 10 Sep 2021 13:00:00 +0000

Chwarae Lawrlwythwch

Owain Fôn Williams

Gwestai Beti George ar ddechrau Cystadleuaeth yr Ewro's yw'r gôl-geidwad ac un o garfan tîm llwyddiannus Cymru yn Ewros 2016, Owain Fôn Williams.

Fri, 10 Sep 2021 12:30:00 +0000

Chwarae Lawrlwythwch

Tom Evans

Gwestai Beti George yw'r Parch. Tom Evans a fu'n gweithio i Gymorth Cristnogol am nifer o flynyddoedd cyn troi at gaplaniaeth gwirfoddol gyda Heddlu Dyfed Powys.

Fri, 10 Sep 2021 12:00:00 +0000

Chwarae Lawrlwythwch

Paul Sambrook

Gwestai Beti yr wythnos hon yw'r archeolegydd Paul Sambrook o Gastell-Nedd sydd yn sôn am ei fagwraeth yn y dre ac am gyfnod yng Nghanada, cyn darganfod y Gymraeg yn ei arddegau hwyr.

Fri, 10 Sep 2021 11:30:00 +0000

Chwarae Lawrlwythwch

Maxine Hughes

Gwestai Beti George yw'r newyddiadurwraig Maxine Hughes, o Gonwy yn wreiddiol ond nawr yn byw yn Washington DC. Cawn glywed am ei phrofiadau fel newyddiadurwraig yn Nhwrci ac yn gohebu ar farwolaeth George Floyd yn yr Unol Daleithiau.

Fri, 10 Sep 2021 10:45:00 +0000

Chwarae Lawrlwythwch

Sara Yassine

Fel rhan o Tafwyl, mae Beti George yn holi'r ferch ifanc o Gaerdydd Sara Yassine lle mae hi'n sôn am dyfu fyny fel merch Mwslemaidd Gymraeg yn y brifddinas.

Fri, 10 Sep 2021 10:17:00 +0000

Chwarae Lawrlwythwch

Llinos Elin Owen

Gwestai Beti yw'r baswnydd Llinos Elin Owen, sydd yn Brif Faswnydd i Symffonia'r Ballet Brenhinol yn Birmingham. Mae hi'n sôn am y ddamwain cafodd hi yn 2009 a newidiodd ei bywyd yn llwyr. Erbyn hyn mae hi'n ceufadu (kayaking) i dîm Paralympaidd Prydain.

Fri, 10 Sep 2021 09:15:00 +0000

Chwarae Lawrlwythwch

Jên Angharad

Y ddawnswraig egniol Jên Angharad yw gwestai Beti George. Mae hi'n son am ei chyflwyniad i'r iaith Gymraeg ac am ddylanwad anferthol ei hathrawes yn Ysgol Morgan Llwyd, Gwawr Davies tuag at y gyrfa mae hi'n dilyn heddiw.

Thu, 27 May 2021 09:54:00 +0000

Chwarae Lawrlwythwch

Jeremy Vaughan, Prif Gwnstabl Heddlu De Cymru

Beti George yn sgwrsio gyda Phrif Gwnstabl Heddlu De Cymru Jeremy Vaughan am ei fagwraeth yn Nolgellau, a'i yrfa yn yr heddlu. Mae hefyd yn trafod y gwaith mae wedi ei wneud yn hybu'r iaith Gymraeg gyda Heddlu De Cymru.

Wed, 26 May 2021 09:47:00 +0000

Chwarae Lawrlwythwch

Rhys Patchell

Beti George yn sgwrsio gyda'r chwaraewr rygbi rhyngwladol Rhys Patchell, sy'n trafod ei ddylanwadau cynnar, a'i ddyfalbarhad a'i alluogodd i wireddu ei freuddwyd o gynrychioli ei wlad ar y maes rygbi.

Tue, 25 May 2021 09:40:00 +0000

Chwarae Lawrlwythwch

Gerallt Pennant

Un o leisiau cyfarwydd Radio Cymru, Gerallt Pennant sy'n cadw cwmni i Beti George. Mae'n sôn am farwolaeth ei dad pan oedd e'n fachgen ifanc ac effaith hynny arno, yn ogystal â'i fagwraeth ym Mryncir, ble roedd ei rieni yn "cadw fisitors".

Mon, 24 May 2021 20:55:00 +0000

Chwarae Lawrlwythwch

Y Parchedig John Gillibrand

Y gwestai yw'r Parchedig John Gillibrand, ficer yn ardal Pontarddulais sydd wedi bod yn brwydro yn ddiweddar dros gael y brechlyn i'w fab Adam sydd yn awtistig. Mae John yn wreiddiol o ardal Manceinion ac yn sôn am ei gyfnod ym Mhrifysgol Rhydychen yn astudio Hanes cyn troi ei olygon at Gymru, Y Gymraeg a'r Eglwys.

Mon, 24 May 2021 16:00:00 +0000

Chwarae Lawrlwythwch

Dr. Meinir Jones

Beti George yn sgwrsio gyda'r Dr. Meinir Jones sydd wedi bod yn brysur yn ystod y flwyddyn ddiwethaf, yn gyfrifol am yr holl ysbytai maes ym Mwrdd Iechyd Hywel Dda. Mae hi'n trafod ei magwraeth yn ardal Pontardawe, yn ogystal â'i phrofiadau fel meddyg yn Awstralia ac Ynysoedd Arran.

Mon, 24 May 2021 14:00:00 +0000

Chwarae Lawrlwythwch

Mared Gwyn

Yn cadw cwmni i Beti George mae'r Ymgynghorydd Cyfathrebu gyda chwmni BCW ym Mrwsel, Mared Gwyn. Mae hi'n sôn am ei chyfnod anodd ym Mhrifysgol Caergrawnt, ei hoffter o ddysgu ieithoedd ac o deithio, a sut mae ei gwaith fel ymgynghorydd cyfathrebu wedi newid yn ystod y Cyfnod Clo.

Mon, 24 May 2021 12:32:00 +0000

Chwarae Lawrlwythwch

Mared Lewis

Gwestai Beti George yw'r awdures o Sir Fôn, Mared Lewis. Mae'n awdures llyfrau megis Esgid Wag, Y Maison Du Soleil a Mîn y Môr a chawn glywed am ei magwraeth ac am ei chariad amlwg tuag at ysgrifennu.

Wed, 12 May 2021 22:30:00 +0000

Chwarae Lawrlwythwch

Llinos Rowlands

Yn cadw cwmni i Beti George mae Llinos Rowlands o Gwmni Gwin Dylanwad yn Nolgellau. Cawn hanes ei phlentyndod yn ardal Arthog, sefydlu'r busnes a sut mae'r busnes wedi ymdopi yn y cyfnod yma.

Wed, 12 May 2021 22:01:00 +0000

Chwarae Lawrlwythwch

David T C Davies

Gwestai Beti George yw Aelod Seneddol Mynwy David T C Davies, lle cawn wybod am ei yrfa fel gwleidydd, ac am ei gefndir a'i berthnasau diddorol.

Sat, 08 May 2021 12:24:00 +0000

Chwarae Lawrlwythwch

Eric Jones

Beti George yn sgwrsio gydag Eric Jones, cyfansoddwr y darn corawl "Y Tangnefeddwyr". Mae'n sôn am ei yrfa fel athro a phrifathro, ei gyfnod fel cyfeilydd Côr Meibion Pontarddulais a hefyd am gydweithio gyda'r band Pink Floyd.

Fri, 07 May 2021 12:15:00 +0000

Chwarae Lawrlwythwch

10/01/2021

Prif Weithredwr Green Finance Institute yn Llundain, Dr Rhian-Mari Thomas yw'r cwmni. Yn wreiddiol o Gaerdydd, aeth hi ymlaen i astudio Ffiseg yng Nghaerfaddon a Dulyn cyn troi i'r byd arian, ac erbyn hyn yn arwain y Chwyldro Gwyrdd ar yr ochr ariannol.

Fri, 07 May 2021 11:39:00 +0000

Chwarae Lawrlwythwch

Paul Carey Jones

Y canwr opera Paul Carey Jones yw'r cwmni, ac mae'n sôn am ei blentyndod yng Nghaerdydd, astudio Ffiseg yn Rhydychen a mynd i ddysgu cyn newid gyrfa a throi at ganu Opera. Mae Paul hefyd wedi cyhoeddi blog am ei brofiadau fel canwr yn ystod y cyfnod clo, ac am ei brofiad o gael ei daro gan Covid 19 ym mis Ebrill.

Fri, 07 May 2021 09:59:00 +0000

Chwarae Lawrlwythwch

Anna Aleko Skalistira Bakratseva

Beti George yn sgwrsio efo Anna Aleko Skalistira Bakratseva, sy'n wreiddiol o Fwlgaria. Mae'n trafod y profiad o symud ei theulu cyfan i Gymru ac wedyn yr her o ddysgu Cymraeg, ac yn sgwrsio am ei magwraeth yn Sofia ac am wreiddiau ei theulu yng Ngwlad Groeg.

Mon, 26 Apr 2021 11:00:00 +0000

Chwarae Lawrlwythwch

Prif Weinidog Cymru, Mark Drakeford

Beti George yn sgwrsio gyda Phrif Weinidog Cymru, Mark Drakeford ar amser anodd iawn i bawb yn ystod y pandemig. Cawn hefyd wybod am ei fagwraeth yng Nghaerfyrddin, ei waith fel Swyddog Prawf a darlithydd, cyn troi at wleidyddiaeth.

Thu, 31 Dec 2020 22:30:00 +0000

Chwarae Lawrlwythwch

Geraint Talfan Davies

Beti George yn sgwrsio gyda chyn-bennaeth y BBC yng Nghymru, Geraint Talfan Davies am ei linach enwog ac am ei blentyndod yn Abertawe, Y Barri a Chaerdydd. Cawn wybod am ei waith fel newyddiadurwr gyda'r Western Mail ac am yr hyn sydd yn ei gadw'n brysur nawr sef ceisio datblygu Castell Cyfarthfa ym Merthyr yn ganolfan dreftadaeth ddiwydiannol i Gymru.

Thu, 24 Dec 2020 22:18:00 +0000

Chwarae Lawrlwythwch

Gwenllian Lansdown Davies

Prif Weithredwr y Mudiad Meithrin, Gwenllian Lansdown Davies ydi'r cwmni. Mae'n trafod yr heriau mae hi wedi gorfod wynebu yn arwain y Mudiad Meithrin yn ystod y cyfnod diweddar.

Thu, 24 Dec 2020 15:10:00 +0000

Chwarae Lawrlwythwch

06/12/2020

Beti George yn sgwrsio gyda'r cerddor Dulais Rhys, sydd o Gaerfyrddin yn wreiddiol ond bellach yn byw yn nhalaith Montana yn yr Unol Daleithiau. Cawn wybod am ei arbenigedd yng ngwaith y cerddor Joseph Parry a hefyd am ei farn ynglŷn â'r etholiad diweddar yn ei wlad.

Thu, 24 Dec 2020 10:00:00 +0000

Chwarae Lawrlwythwch

22/11/2020

Gwestai Beti George yr wythnos hon yw'r Cynghorydd Meirick Lloyd Davies sef Cadeirydd Cyngor Sir Ddinbych. Cawn ddarganfod am ei blentyndod trist pan gollodd ei fam, ei frawd a'i chwaer mewn amser byr. Mae e hefyd yn sôn am ei gariad tuag at ei ardal, ei deulu ac at y Gymraeg.

Wed, 23 Dec 2020 18:57:00 +0000

Chwarae Lawrlwythwch

Robert Joseph Jones

Un o drigolion yr Unol Daleithiau sef Robert Joseph Jones yw'r gwestai - mae o dras Gymreig ac yn enedigol o Pennsylvania, ond yn byw nawr yn nhalaith Efrog Newydd. Mae'n sôn am ddysgu Cymraeg pan oedd yn unarddeg oed ac am ei hoffter o ieithoedd yn gyffredinol. Mae hefyd yn trafod yr etholiad arlywyddol diweddar ac am ei anfodlonrwydd gyda Donald Trump.

Wed, 23 Dec 2020 17:47:00 +0000

Chwarae Lawrlwythwch

Anna Jane Evans

Y Parchedig Anna Jane Evans yw gwestai Beti George. Cawn gyfle i ddysgu am ei phrofiad o weithio i elusen Cymorth Cristnogol am dros ugain mlynedd, lle cafodd hi'r cyfle i ymweld â gwledydd fel Bangladesh a Sierra Leone. Mae hi hefyd yn sôn am ei phrofiad o gael ei hordeinio yn weinidog yn ystod y Cyfnod Clo.

Wed, 23 Dec 2020 16:35:00 +0000

Chwarae Lawrlwythwch

Tegwen Ellis

Gwestai Beti George yw Prif Weithredwr Academi Genedlaethol ar gyfer Arweinyddiaeth Addysgol Cymru, Tegwen Ellis. Yn wreiddiol o'r Barri cafodd ei phenodi yn bennaeth Ysgol Cynwyd Sant, Maesteg cyn symud mlaen i'w swydd newydd yn cynghori penaethiaid yn y byd addysg.

Wed, 23 Dec 2020 14:00:00 +0000

Chwarae Lawrlwythwch

Aran Jones

Gwestai Beti George yw sylfaenydd Say Something in Welsh sef Aran Jones. Mae'n sôn am ei blentyndod yn teithio'r byd gyda'i deulu, ei addysg mewn ysgolion preswyl ac am gyfnod anodd yn ei fywyd. Mae e hefyd yn sôn am ei ddeffroad ieithyddol, ei wreiddiau Cymraeg ac am lwyddiant Say Something In Welsh.

Wed, 23 Dec 2020 13:01:00 +0000

Chwarae Lawrlwythwch

Carl Morris

Beti George yn sgwrsio gyda Carl Morris sydd yn arbenigwr ar y We ac yn ymgyrchydd dros yr iaith Gymraeg, ac sydd am weld Cymru yn symud ymlaen yn yr oes ddigidol. Wedi ei eni yn Slough, mae e'n sôn am ei gefndir Tseiniaidd, ei gariad at gerddoriaeth ac am ei waith fel DJ.

Wed, 23 Dec 2020 12:00:00 +0000

Chwarae Lawrlwythwch

Dr Bleddyn Bowen

Gwestai Beti George yw'r arbenigwr ar Wleidyddiaeth y Gofod, Dr Bleddyn Bowen o Brifysgol Caerlŷr. Yn wreiddiol o Landysul mae'n son am sylfeini ei ddiddordeb yn ei bwnc, pwy yw'r pwerau mawr yng ngwleidyddiaeth y Gofod a lle mae rôl Cymru yn hyn. Cawn hefyd glywed rhai o ddarnau cerddorol ei hoff gemau cyfrifiadurol.

Wed, 23 Dec 2020 11:30:00 +0000

Chwarae Lawrlwythwch

Dr Nia Williams

Beti George yn sgwrsio gyda'r seicolegydd plant Dr Nia Williams o Brifysgol Bangor. Mae'r sgwrs yn sôn am ei magwraeth fel "How Get" ym Methesda, ei phrofiad yn byw gyda dyslecsia, teithio'r byd a nofio gydag Orcas yn y gwyllt.

Wed, 23 Dec 2020 11:00:00 +0000

Chwarae Lawrlwythwch

Jeremy Miles

Beti yn sgwrsio gyda Chwnsler Cyffredinol Cymru a'r Gweinidog Pontio Ewropeaidd, Jeremy Miles. Cawn hanes ei fagwraeth ym Mhontarddulais, ei gyfnod ym Mhrifysgol Rhydychen a'i waith fel cyfreithiwr cyn troi at wleidyddiaeth.

Fri, 04 Dec 2020 18:00:00 +0000

Chwarae Lawrlwythwch

Ena Thomas

Yn dilyn marwolaeth y gogyddes Ena Thomas yn gynharach eleni, cyfle arall i wrando ar ei chyfweliad gyda Beti George yn 1996.

Fri, 04 Dec 2020 16:30:00 +0000

Chwarae Lawrlwythwch

Andrew 'Tommo' Thomas

Yn dilyn marwolaeth yr unigryw Andrew "Tommo" Thomas cyfle arall i wrando ar ei gyfweliad gyda Beti George yn 2016. Mae Tommo'n sôn am ei blentyndod yn Aberteifi ac am ei yrfa fel DJ a darlledwr. Cewch glywed am ei frwydr yn erbyn salwch ond hefyd am ei gred bod angen edrych ar yr ochr bositif trwy'r amser.

Fri, 04 Dec 2020 14:23:00 +0000

Chwarae Lawrlwythwch

Chris Needs a Margaret Rose

Yn dilyn marwolaeth y darlledwr Chris Needs fis dwetha, dyma gyfle i ail glywed sgwrs rhyngddo fe, ei fam Margaret Rose a Beti George nol yn 1997 ar ol i Chris ddechrau fel cyflwynydd gyda Radio Cymru. Cawn glywed am ei fagwraeth yng Nghwmafan, ei yrfa fel pianydd llwyddiannus yn chwarae gyda chantorion enwog fel Bonnie Tyler a Shirley Bassey ac hefyd am ei lwyddiant fel darlledwr poblogaidd.

Fri, 04 Dec 2020 12:04:00 +0000

Chwarae Lawrlwythwch

Siôn Eirian

Beti George yn sgwrsio gyda'r Prifardd a'r dramodydd Sïon Eirian a fu farw yn gynharach eleni. Yn fab i'r Parchedig Eirian Davies a'i wraig Jennie Eirian Davies, mae'n sôn am ei fagwraeth, ei dueddiad i fod yn rebel, ac wrth gwrs ei waith anhygoel fel dramodydd a bardd. Fe ddarlledwyd y rhaglen gynta yn1991.

Fri, 04 Dec 2020 10:58:00 +0000

Chwarae Lawrlwythwch

Manon Williams

Gwestai Beti George yw Manon Williams sydd yn fetron yn Ward Alaw, Ysbyty Gwynedd a hefyd yn Adran Gancr Ysbyty Glan Clwyd. Cawn glywed am ei phrofiadau ers iddi ddechrau fel nyrs yn 1984, ac wrth gwrs am ei phrofiadau ers cychwyn Covid 19.

Tue, 01 Dec 2020 17:32:00 +0000

Chwarae Lawrlwythwch

Aled Davies

Beti George yn sgwrsio gydag Aled Davies, dyn busnes o'r Dryslwyn a sefydlodd busnes o'r enw Pruex. Mae'r busnes yn creu bacteria naturiol allan o bridd er mwyn cadw ein hanifeiliaid yn iach ac adeiladu imiwnedd naturiol ynddyn nhw, i leihau gorddibyniaeth ar feddyginiaethau gwrthfiotig, a hynny yn y pendraw hefyd yn ein helpu ni fel pobl i gadw'n iach.

Tue, 01 Dec 2020 15:08:00 +0000

Chwarae Lawrlwythwch

Aled Roberts

Cyfle i glywed sgwrs o 2020 gyda'r diweddar Aled Roberts, fu'n Gomisiynydd y Gymraeg. O hanes ei fagwraeth yn Rhosllannerchrugog, i'w waith fel cyfreithiwr cyn cael ei ddewis yn Aelod Cynulliad dros Ogledd Cymru.

Tue, 01 Dec 2020 13:06:00 +0000

Chwarae Lawrlwythwch

Ann Griffith

Beti George yn sgwrsio gyda'r ymgyrchydd Ann Griffith o Washington DC, un sydd yn wreiddiol o Aberystwyth ond wedi byw mewn mannau fel Lesotho, Sri Lanka, India a Bolifia. Mae hi'n sôn am ei magwraeth Gristnogol, ei phrofiadau yn byw yn y gwahanol wledydd, ei gwaith yn ymgyrchu, a'i barn am yr hyn sydd yn digwydd yn wleidyddol ac yn gymdeithasol yn yr Unol Daleithiau.

Tue, 01 Dec 2020 11:03:00 +0000

Chwarae Lawrlwythwch

Tedi Millward

Cyfle i wrando eto ar sgwrs rhwng Beti George a'r ysgolhaig, Yr Athro Tedi Millward a fu farw yn gynharach eleni. Yn y rhaglen mae e'n sôn am ei fagwraeth yng Nghaerdydd ac am ddylanwad yr athro Elvet Thomas arno i ddysgu'r Gymraeg. Cawn hanes dechreuad Cymdeithas yr Iaith a hefyd ei waith fel tiwtor personol i Dywysog Cymru cyn iddo gael ei Arwisgo nôl yn 1969.

Tue, 01 Dec 2020 09:00:00 +0000

Chwarae Lawrlwythwch

Robert Llewellyn Tyler

Yr hanesydd teithiol Robert Llewellyn Tyler yw gwestai Beti George yr wythnos hon, sydd erbyn hyn yn gweithio ac yn byw yn Abu Dhabi. Mae e'n sôn am ei faes arbenigol, sef y Cymry alltud mewn gwledydd fel yr Unol Daleithiau ag Awstralia, ac hefyd yn sôn am ei brofiadau mewn gwledydd fel Siapan, Saudi Arabia ac Bosnia a Herzegovina.

Mon, 30 Nov 2020 09:25:00 +0000

Chwarae Lawrlwythwch

Sian Reese-Williams

Gwestai Beti yw'r actores, Sian Reese-Williams sy'n portreadu'r Ditectif Cadi John yn y gyfres Craith. Yma mae hi'n son am ei magwraeth yn Aberhonddu, ei gyrfa wrth ymddangos mewn cyfresi fel Emmerdale a'r Gwyll ac yn trafod marwolaeth ei brawd Llŷr llynedd.

Sun, 29 Nov 2020 09:07:00 +0000

Chwarae Lawrlwythwch

Patrick Rimes

Beti George yn sgwrsio gyda'r cerddor Patrick Rimes. Mae e'n sôn am ei fagwraeth ym Methesda ac am gwrdd â'i dad am y tro cyntaf pan oedd yn dair ar ddeg oed. Cawn wybod am ei sylfeini cerddorol ac am ei ddylanwadau cerddorol ac wrth gwrs hanes sefydlu'r band gwerin Calan. Mae e hefyd yn sôn am helpu ei fam gyda'i busnes gwneud caws dafad yn ystod cyfnod Covid 19.

Sat, 28 Nov 2020 09:34:00 +0000

Chwarae Lawrlwythwch

Robin Anderson

Beti George yn holi Prif Weithredwr Cwmni Aspen Healthcare, Rob Anderson, am ei fagwraeth a'i addysg yng Nghaerdydd, gan gynnwys mai ei dad oedd un o'r meddygon cyntaf i gyrraedd y trychineb yn Aberfan. Mae Rob hefyd yn trafod y Gwasanaeth Iechyd Gwladol ac ysbytai preifat, a sut mae'r ddau yn delio gyda Cofid-19.

Fri, 27 Nov 2020 09:26:00 +0000

Chwarae Lawrlwythwch

Matt Spry

Beti George yn sgwrsio gyda Dysgwr y Flwyddyn 2018, Matt Spry, o Aberplym (Plymouth) yn wreiddiol a chawn ei hanes yn dysgu'r Gymraeg, ei waith gyda ffoaduriaid a cheiswyr lloches ac hefyd ei frwydr ag iselder meddwl.

Thu, 26 Nov 2020 11:51:00 +0000

Chwarae Lawrlwythwch

Aneurin Rhys Hughes

Yn dilyn marwolaeth Aneurin Rhys Hughes, a oedd yn ei dro yn llysgennad Yr Undeb Ewropeaidd i Norwy a hefyd i Awstralia, ym mis Mawrth, dyma gyfle i ail glywed y sgwrs gafodd e gyda Beti George yn 1991.

Fri, 20 Nov 2020 18:43:00 +0000

Chwarae Lawrlwythwch

Catrin Ellis Williams

Beti George yn sgwrsio gyda'r meddyg teulu Catrin Elis Williams, fydd yn trafod Covid 19, ei chefndir cerddorol ac hefyd yn son am awtistiaeth ei mab Daniel.

Fri, 20 Nov 2020 16:49:00 +0000

Chwarae Lawrlwythwch

Cai Wilshaw

Beti George yn sgwrsio gyda'r sylwebydd gwleidyddol Cai Wilshaw, lle mae'n sôn am ei ddyddiau ym Mhrifysgol Rhydychen, ei waith gyda "The Economist" a "Pink News", a'i gyfnod yn gweithio yn swyddfa Nancy Pelosi yn Washington DC.

Fri, 20 Nov 2020 14:04:00 +0000

Chwarae Lawrlwythwch

Gethin Rhys

Beti George yn sgwrsio gyda'r Parchedig Gethin Rhys o Gaerdydd sydd yn gweithio gyda mudiad Cytûn. Cawn hanes ei gyfnod ym Mhrifysgol Rhydychen, yn gofalu am Goleg Trefeca ac yn gweinidogaethu ym Mhen-rhys.

Fri, 20 Nov 2020 13:01:00 +0000

Chwarae Lawrlwythwch

Owen Evans

Gwestai Beti'r wythnos hon yw Prif Weithredwr S4C, Owen Evans. Mae'n sôn am ei fagwraeth yn Aberystwyth, ei ysfa i weithio o oedran ifanc ac ar wahân i helyntion S4C cawn hanes ei yrfa faith o fod yn ddarlithydd mewn Astudiaethau Busnes i werthu cotwm ar draws y byd.

Fri, 20 Nov 2020 12:25:00 +0000

Chwarae Lawrlwythwch

22/03/2020

Beti George yn sgwrsio gyda'r Dr Radha Nair Roberts sydd yn niwro-wyddonydd o Singapore yn wreiddiol, ac erbyn hyn yn dioddef o Sglerosis Ymledol. Yma mae hi'n sôn am ei chefndir diddorol, ei gwaith ymchwil mewn i'r cyflwr niwrolegol Alzheimer's ac am ei chariad tuag at ei theulu a Chymru, ei gwlad fabwysiedig.

Thu, 19 Nov 2020 11:47:00 +0000

Chwarae Lawrlwythwch

Rhys Jones

Beti George yn sgwrsio gyda'r Athro Rhys Jones o Adran Ddaearyddiaeth Prifysgol Aberystwyth. Cawn wybod am y "Plynlumon Man", yr ymchwil gan y Brifysgol i mewn i borthladdoedd Cymru, a hefyd, beth yn union yw'r Fro Gymraeg?

Mon, 27 Apr 2020 07:08:00 +0000

Chwarae Lawrlwythwch

Sian Stephen

Yr ymgyrchydd gyda Gwrthryfel Difodiant Sian Stephen sy'n sgwrsio gyda Beti George am ei phryderon ynglyn â newid hinsawdd. Mae hefyd yn sôn am ei chyfnod yn gweithio ym Mrwsel, ac yna yn Guatemala a Colombia.

Sat, 25 Apr 2020 17:47:00 +0000

Chwarae Lawrlwythwch

Lleuwen Steffan

Beti George yn holi'r gantores Lleuwen Steffan am ei bywyd a'i cherddoriaeth. Mae Lleuwen hefyd yn sôn am y gyfrinach mae hi wedi ei gadw yn dawel ers amser maith ac am ei phenderfyniad i ddychwelyd i Lydaw i fyw.

Thu, 05 Mar 2020 21:00:00 +0000

Chwarae Lawrlwythwch

Alis Hawkins

Beti George yn sgwrsio'r gyda'r awdures Eingl Gymreig Alis Hawkins, gan drafod ei nofelau a'u cefndir Cymraeg, ei phlentyndod yng Nghwm Cou, ei haddysg yn Aberteifi a Rhydychen a'r broses hir o gael llyfr wedi ei gyhoeddi.

Tue, 03 Mar 2020 16:20:00 +0000

Chwarae Lawrlwythwch

Non Williams

Mae'r gantores Non Williams, yn sgwrsio gyda Beti George am ei iselder, am anhwylder ei gwr Iwan, ac am ddychwelyd i'r llwyfan gyda'r grŵp Eden.

Fri, 28 Feb 2020 12:36:00 +0000

Chwarae Lawrlwythwch

Yr Athro Aled Rees

Mae Beti George yn cael cwmni'r Athro Ddoctor Aled Rees, sy'n Athro Endocrinoleg yn yr Adran Newro Wyddorau a Sefydliad Ymchwil Iechyd Meddwl, Caerdydd. Mae'n rhannu ei amser rhwng gwaith academaidd, ymchwil a gwaith meddygol.

Fri, 21 Feb 2020 18:55:00 +0000

Chwarae Lawrlwythwch

Lowri Gwilym (14/03/2010)

Cynhyrchydd gwreiddiol Beti a'i Phobol, y diweddar Lowri Gwilym, yn sgwrsio gyda Beti George. Darlledwyd y sgwrs ar y 14eg o Fawrth 2010.

Thu, 20 Feb 2020 12:38:00 +0000

Chwarae Lawrlwythwch

Elinor Snowsill

Ar ddechrau pencampwriaeth y Chwe Gwlad ,y chwaraewraig rygbi Elinor Snowsill sydd yn cadw cwmni i Beti George yr wythnos hon.

Sun, 02 Feb 2020 16:08:00 +0000

Chwarae Lawrlwythwch

John Gwyn Jones

Prif Weithredwr grŵp o ysgolion yn y Dwyrain Canol a brodor o Frynaman Ucha, John Gwyn Jones, sy'n sgwrsio gyda Beti George.

Sun, 26 Jan 2020 15:53:00 +0000

Chwarae Lawrlwythwch

Elinor Wyn Reynolds

Yr awdur Elinor Wyn Reynolds, sydd hefyd yn gweithio i Undeb yr Annibynwyr Cymraeg, sy'n sgwrsio gyda Beti George. Author Elinor Wyn Reynolds chats to Beti George.

Sun, 19 Jan 2020 12:00:00 +0000

Chwarae Lawrlwythwch

Mary Lloyd Jones

Yr artist Mary Lloyd Jones sy'n sgwrsio gyda Beti George. Artist Mary Lloyd Jones chats to Beti George.

Thu, 09 Jan 2020 13:07:00 +0000

Chwarae Lawrlwythwch

Martyn Johnes

Mae'r Athro Martin Johnes yn dysgu yn Adran Hanes Prifysgol Abertawe, gan arbenigo ar hanes Cymru Gyfoes a hanes chwaraeon. Y cwestiwn o hunaniaeth sy'n ganolog i'w ymchwil, a'i brif ddiddordeb yw sut mae pobol yn meddwl am eu hunain ac am eu lle yn y byd.

Sun, 05 Jan 2020 12:00:00 +0000

Chwarae Lawrlwythwch

Ann Evans

Y rhedwr marathonau ultra Ann Evans sy'n sgwrsio gyda Beti George. Ultra marathon runner Ann Evans chats to Beti George.

Mon, 25 Nov 2019 09:49:00 +0000

Chwarae Lawrlwythwch

Gwen Màiri

Y delynores o'r Alban Gwen Màiri sy'n sgwrsio gyda Beti George.

Mon, 25 Nov 2019 09:13:00 +0000

Chwarae Lawrlwythwch

Dr Dylan Foster Evans

Beti George yn sgwrsio gyda Dr Dylan Foster Evans, Pennaeth Ysgol y Gymraeg ym Mhrifysgol Caerdydd. Beti George's guest is Dylan Foster Evans from Cardiff University.

Thu, 07 Nov 2019 13:46:00 +0000

Chwarae Lawrlwythwch

Siri Wigdel

Beti George yn sgwrsio gyda'r ddawnswraig a'r coreograffydd Siri Wigdel. Beti George in conversation with dancer and choreographer Siri Wigdel.

Thu, 17 Oct 2019 18:00:00 +0000

Chwarae Lawrlwythwch

Iwan Roberts

Beti George yn sgwrsio gyda'r actor, canwr a'r nofelydd Iwan "Iwcs" Roberts. Beti George's guest is actor, singer and novelist Iwan Roberts.

Thu, 03 Oct 2019 09:05:00 +0000

Chwarae Lawrlwythwch

Siôn Tomos Owen

Beti George yn sgwrsio gyda'r artist, awdur a chyflwynydd Siôn Tomos Owen. Beti George's guest is the artist, author and presenter Siôn Tomos Owen.

Thu, 19 Sep 2019 12:51:00 +0000

Chwarae Lawrlwythwch

Stifyn Parri

Beti George yn sgwrsio gyda'r cyflwynydd a'r cynhyrchydd Stifyn Parri. Beti George chats to Stifyn Parri.

Sun, 08 Sep 2019 11:00:00 +0000

Chwarae Lawrlwythwch

Gwyn Pierce Owen

Beti George yn sgwrsio gyda'r dyfarnwr pêl-droed Gwyn Pierce Owen mewn fersiwn fyrrach o raglen o 1997. Beti George chats to referee Gwyn Pierce Owen.

Sun, 01 Sep 2019 11:00:00 +0000

Chwarae Lawrlwythwch

Orig Williams

Beti George yn sgwrsio gyda'r reslwr Orig Williams mewn fersiwn fyrrach o raglen o 2002. Beti George's guest is wrestler Orig Williams.

Sun, 25 Aug 2019 11:00:00 +0000

Chwarae Lawrlwythwch

Rod Richards

Beti George yn holi Rod Richards am ei fywyd a'i yrfa, mewn rhaglen a gafodd ei darlledu'n wreiddiol yn 1993. Beti George's interview with Rod Richards in 1993.

Thu, 22 Aug 2019 17:00:00 +0000

Chwarae Lawrlwythwch

Mair Penri

Beti George yn holi Mair Penri o'r Parc sy'n wyneb cyfarwydd ar lwyfannau'r eisteddfodau a nosweithiau llawen. Beti George interviews Mair Penri.

Thu, 15 Aug 2019 17:00:00 +0000

Chwarae Lawrlwythwch

Dafydd Apolloni

Beti George yn sgwrsio gyda Dafydd Apolloni, un o gymeriadau tref Llanrwst. Mae'n hanner Cymro a hanner Eidalwr, gyda'i dad yn dod o Rufain a'i fam yn ferch i Idwal Jones, y dyn wnaeth greu SOS Galw Gari Tryfan! Yn fesitr ar ddysgu iaith, mae ef ei hun yn siarad Cymraeg, Saesneg, Eidaleg, Almaeneg a Ffrangeg., a threuliodd gyfnodau yn byw yn Prague, Paris a'r Eidal. Yn y rhaglen, mae'n trafod pa mor ddosbarth canol ac elît yw'r Eisteddfod.

Sun, 28 Jul 2019 11:00:00 +0000

Chwarae Lawrlwythwch

Betsan Moses

Beti George yn sgwrsio gyda Betsan Moses, Prif Weithredwr yr Eisteddfod Genedlaethol. Yn ogystal â thrafod y Brifwyl ei hun, gan gynnwys ei dyfodol a'r trafferthion cyn Eisteddfod Sir Conwy 2019, mae hi hefyd yn sôn wrth Beti am ei magwraeth yng Nghwm Gwendraeth, a'i chred anhygoel mewn ofergoelion.

Sun, 21 Jul 2019 11:00:00 +0000

Chwarae Lawrlwythwch

Gwen Parrott

Cafodd Gwen Parrott ei magu yn Sir Benfro, cyn treulio deugain mlynedd yn byw ym Mryste. Wrth sgwrsio gyda Beti George, mae'n sôn am fagwraeth syml ym mhentref Bwlchygroes, a sut y dechreuodd hi sgwennu ar ôl cael gradd ym Mhrifysgol Caerdydd. Mae'n briod gyda meddyg teulu sy'n hannu o Tsieina.

Sun, 14 Jul 2019 11:00:00 +0000

Chwarae Lawrlwythwch

Eirian Jones

Beti George yn sgwrsio gydag Eirian Jones, a dreuliodd dair blynedd ar ddeg yn dyfarnu yn Wimbledon. Yn wreiddiol o Flaenpennal, mae nawr yn olygydd llyfrau Saesneg gyda'r Lolfa, ac yn byw yn Llangeitho. Mae'n awdures, yn gyn-athrawes, ac yn flaenor yng Nghapel Gwynfil. Mae wedi parasiwtio, rhedeg marathonau, a dringo Everest.

Thu, 11 Jul 2019 11:00:00 +0000

Chwarae Lawrlwythwch

Richard Lewis

Daw Richard Lewis o Borth Tywyn, ac wedyn Meinciau. Wedi gadael Ysgol y Strade, aeth i wneud gradd daearyddiaeth ym Mhrifysgol Aberystwyth, cyn treulio dwy flynedd yn dysgu yn Ysgol Uwchradd Aberteifi. Penderfynodd ei fod am ymuno â'r heddlu, a chafodd swydd fel cwnstabl yng Ngheredigion. Dringodd ysgol gyrfa yn gyflym iawn, a chael ei benodi'n Brif Gwnstabl Heddlu Cleveland yn Ebrill 2019. Mae'n parhau i fyw yn Aberaeron, gan deithio yn ôl ac ymlaen bob penwythnos. Roedd yn chwaraewr rygbi addawol iawn, a bu'n chwarae i dîm ieuenctid y Scarlets. Mae hefyd yn ddeiliad tocyn tymor i dîm pêl-droed yr Elyrch.

Thu, 04 Jul 2019 06:30:00 +0000

Chwarae Lawrlwythwch

Gwerfyl Roberts

Beti George yn sgwrsio gyda Gwerfyl Roberts. Yn enedigol o Lanbrynmair, ac wedi gweithio fel nyrs a darlithydd yng Nghaerdydd, Aberystwyth a Bangor, mae wedi bod yn ymgyrchu ers blynyddoedd lawer i wella statws y Gymraeg yn y Gwasanaeth Iechyd.

Thu, 27 Jun 2019 11:00:00 +0000

Chwarae Lawrlwythwch

16/06/2019

Beti George yn sgwrsio gydag un o bobl Cymru. Chat show with Beti George.

Mon, 17 Jun 2019 17:15:00 +0000

Chwarae Lawrlwythwch

Arwyn 'Groe' Davies

Beti George yn sgwrsio gydag Arwyn 'Groe' Davies, y bardd a'r amaethwr o Ddyffryn Banw. Beti George interviews Arwyn 'Groe' Davies.

Thu, 13 Jun 2019 11:00:00 +0000

Chwarae Lawrlwythwch

Elin Parisa Fouladi

Beti George yn sgwrsio gydag Elin Parisa Fouladi. Beti George chats to Elin Parisa Fouladi.

Sun, 02 Jun 2019 11:08:00 +0000

Chwarae Lawrlwythwch

26/05/2019

Beti George yn sgwrsio gydag un o bobl Cymru. Chat show with Beti George.

Sun, 26 May 2019 11:00:00 +0000

Chwarae Lawrlwythwch

Llinos Dafydd

Beti George yn sgwrsio gyda Llinos Dafydd, sy'n cyfuno gwaith fel cyfieithydd, golygydd, newyddiadurwraig a ffotograffydd. Mae'n disgrifio ei magwraeth fel un ddelfrydol, yn llawn bwrlwm y Clwb Ffermwyr Ifanc a chymeriadau diddorol. Newidiodd ei bywyd pan oedd yn ei harddegau, o ganlyniad i gael ei threisio, a mae'n sôn wrth Beti am fyw gyda'r ôl-effeithiau. Gydag ysgrifennu wedi bod yn rhan o'i bywyd erioed, arweiniodd hynny at swydd gyda chylchgrawn Golwg wedi gadael yr ysgol. Mae'n cyfuno sawl swydd bellach, gan gynnwys arwain prosiect i gyhoeddi e-gylchgrawn Cymraeg ar gyfer merched ifanc, sef Lysh. Mae'r dull yma o weithio'n caniatáu iddi aros yn ei hardal enedigol, ac i fagu teulu yno, sydd yn hollbwysig iddi.

Sun, 19 May 2019 12:00:00 +0000

Chwarae Lawrlwythwch

Dylan Huws

Beti George yn sgwrsio gyda Dylan Huws, Rheolwr-Gyfarwyddwr Cwmni Da. Celf oedd yn mynd â'i fryd yn yr ysgol, a mae'n cofio'r bwrlwm a'r cyffro wrth astudio'r pwnc yn Lerpwl ddiwedd y 70au. Darlithiodd mewn celf am rai blynyddoedd, cyn cael cynnig swydd gyda chwmni teledu, a bwrw ei brentisiaeth ar y gyfres Hel Straeon. Yn un o sylfaenwyr Cwmni Da, yn ddiweddar daeth y cwmni i fod yn un sydd ym mherchenogaeth ei weithwyr. Mae'n trafod pwysigrwydd gwrando ar eich greddf, rhedeg, Deian a Loli, a her cystadlu'n y farchnad deledu ryngwladol.

Tue, 14 May 2019 09:26:00 +0000

Chwarae Lawrlwythwch

Catrin Williams

Mae'r artist Catrin Williams wedi'i disgrifio fel chwa o awyr iach yn y byd celfyddydol, oherwydd ei defnydd o liw; serch hynny, mae pobl yn prynu ei gwaith yn parhau i'w synnu. Cafodd ei magu ar fferm ger Y Bala, ac mae'r profiad o fyw yng Nghymru wedi dylanwadu'n fawr ar ei chelf. Astudiodd ym Mangor gyda'r arlunydd Peter Prendergast, ac yna yng Nghaerdydd. Ar daith i Baris fel myfyriwr, gwelodd arddangosfa o waith Matisse. Cafodd ei hysbrydoli, a mae'n dweud iddi ddarganfod ei harddull ei hun fel artist o ganlyniad. Paentio mae hi gan fwyaf, ond mae hefyd yn gweithio gyda chyfryngau a deunyddiau amrywiol, ac yn hen law ar gynnal gweithdai celf ar hyd a lled Cymru. Mae'n sgwrsio gyda Beti am orfod creu, teithio gydag Anhrefn, ac am bwysigrwydd cerddoriaeth.

Sun, 05 May 2019 12:00:00 +0000

Chwarae Lawrlwythwch

Llion Pughe

Un sy'n fodlon mentro, ac yn fodlon methu, yw'r dyn busnes Llion Pughe. Wedi ei fagu yng Nghwm Ystwyth ac ym Mro Ddyfi, mae'n credu bod sefydlu busnesau lleol yn ddull o gadw gwaith a grym yng nghefn gwlad Cymru. Astudiodd Gymraeg a Thwristiaeth cyn gweithio i Menter a Busnes, ac yna fel swyddog marchnata i Brifysgol Caerdydd. Roedd yn benderfynol o ddychwelyd i Fro Ddyfi, a mae wedi sefydlu sawl busnes er mwyn galluogi hynny. Mae'r gwaith yn anodd ar adegau, ac ambell syniad yn aflwyddiannus, ond mae'n mwynhau'r heriau, ac yn parhau i fwynhau datblygu syniadau newydd.

Sun, 28 Apr 2019 12:00:00 +0000

Chwarae Lawrlwythwch

Ifana Savill

Menyw ei milltir sgwâr yw Ifana Savill, wedi dychwelyd i fyw yn y pentref lle cafodd ei magu. Mae chwe chenhedlaeth o'r teulu wedi byw ym Mlaenpennal ger Tregaron, a mae'n sôn wrth Beti am hanes rhai ohonynt. Pan oedd yn ifanc, roedd wrth ei bodd yn darllen, a byddai wedi hoffi astudio celf, ond hyfforddi fel athrawes wnaeth hi'n y pen draw. Un diwrnod yn unig y parodd ei gyrfa fel athrawes. Roedd yn gwybod yn syth iddi wneud camgymeriad, a fe drodd yn lle hynny at lenyddiaeth ac ysgrifennu. Cafodd foment o ysbrydoliaeth wrth sgwennu rhaglenni ar gyfer S4C, sef i ddefnyddio rhai o gymeriadau enwog yr awdur Mary Vaughan Jones ar gyfer cyfres deledu newydd o'r enw Caffi Sali Mali. Daeth rhan o gartre'r teulu'n set ar gyfer Pentre Bach, ac er bod y gyfres honno wedi dod i ben, mae Ifana a'i gŵr wedi troi Pentre Bach yn bentref gwyliau.

Sun, 14 Apr 2019 12:00:00 +0000

Chwarae Lawrlwythwch

Paul Flynn

Beti George yn holi'r Aelod Seneddol Paul Flynn yn 1995. Beti George's interview with Paul Flynn MP in 1995.

Thu, 11 Apr 2019 16:41:00 +0000

Chwarae Lawrlwythwch

Siân Grigg

Yn ei harddegau, roedd Siân Grigg yn bendant nad oedd am ddilyn ei mham, a oedd yn golurydd gyda'r BBC. Aeth i goleg celf gyda'r bwriad o fod yn artist, ond sylweddolodd nad oedd yn mwynhau gweithio ar ei phen ei hun mewn stiwdio. Cafodd hyfforddiant fel colurydd, gan ddechrau gweithio ar raglenni teledu a ffilmiau. Wrth weithio ar y ffilm Titanic yn 1996, cwrddodd â Leonardo DiCaprio, a Siân sy'n gwneud colur yr actor ar gyfer pob ffilm ers hynny. Mae'n sôn wrth Beti am ei dyslecsia, crefft bod yn golurydd, a heriau gweithio ar ffilmiau fel Titanic a The Revenant.

Sun, 31 Mar 2019 12:10:00 +0000

Chwarae Lawrlwythwch

Matt Ward

Ym Manceinion a Llanrug y cafodd Matt Ward ei fagu. Rhedeg oedd yn mynd â'i fryd yn yr ysgol, gan gynrychioli'r sir a Chymru, cyn gorfod rhoi'r gorau iddi oherwydd anaf. Mae wedi gweithio i'r Llu Awyr, fel DJ, gwerthwr ceir, a rheolwr marchnata i gwmni nwyddau beics. Ar ôl ymgartrefu yng nghanolbarth Cymru, mae wedi dychwelyd at ei hoffter o redeg a'r awyr agored. Mae wedi sefydlu cwmni sy'n marchnata nwyddau chwaraeon, yn cynnig sylwebaeth ar ddigwyddiadau awyr agored, ac yn trefnu digwyddiadau.

Sun, 24 Mar 2019 13:01:00 +0000

Chwarae Lawrlwythwch

Siân Tesni

Uwch-ymgynghorydd addysg i CBM yw Siân Tesni, sef elusen sy'n gweithio i drawsnewid bywydau pobl ag anableddau yn rhai o wledydd tlota'r byd. Mae gan bawb hawl i addysg, yn ôl Siân, a sicrhau chwarae teg i blant ag anableddau yw prif bwyslais ei gwaith. Yn ferch i bobydd, cafodd ei magu ym Mhencae ger Llanarth. Dechreuodd ymddiddori mewn byddardod pan oedd yn yr ysgol, a datblygodd y diddordeb wrth iddi hyfforddi fel athrawes. Yn 1989, enillodd ysgoloriaeth i ymchwilio i hawliau plant byddar yn Singapore, Papua Guinea Newydd ac Indonesia. Wedi gorffen yr ymchwil, dechreuodd weithio i CBM ym Mhapua Guinea Newydd, gan aros yno am saith mlynedd. Mae'n parhau i deithio'n helaeth gyda'i gwaith, ond yn mwynhau ochr ysgafn bywyd hefyd, yn enwedig mynd i gigs gyda'i mab.

Sun, 17 Mar 2019 12:45:00 +0000

Chwarae Lawrlwythwch

Huw Thomas

Newid bywyd a thirlun y brifddinas oedd un o amcanion Huw Thomas pan gafodd ei ethol yn Arweinydd Cyngor Caerdydd yn 2017. Mae'n cydnabod bod hynny'n her, yn enwedig mewn cyfnod o lymder, ond yn benderfynol o fynd i'r afael ag anhafaledd. Wrth gael ei fagu yng Ngheredigion, yr oedd yn gerddor ac yn chwaraewr rygbi brwd. Astudiodd gerddoriaeth yn Rhydychen, gan ymdaflu i fywyd y Brifysgol. Er na chafodd fagwraeth wleidyddol, datblygodd ddiddordeb mewn gwleidyddiaeth, a mewn sosialaeth yn enwedig. Gweithiodd fel rheolwr prosiect i Airbus, a bu hefyd yn bennaeth Cymorth Cristnogol yng Nghymru. Cafodd ei ethol yn gynghorydd yn 2012, ac yn 2015 fe oedd ymgeisydd seneddol y Blaid Lafur yng Ngheredigion.

Sun, 10 Mar 2019 13:58:00 +0000

Chwarae Lawrlwythwch

Ciaran Jenkins

Beti George yn sgwrsio gyda'r newyddiadurwr Ciaran Jenkins, sydd hefyd yn gerddor. Beti George chats with journalist and musician Ciaran Jenkins.

Sun, 03 Mar 2019 12:16:00 +0000

Chwarae Lawrlwythwch

John Phillips

Treuliodd John Phillips flynyddoedd yn gweithio ym myd addysg. Bu'n athro, yn swyddog addysg bellach, yn ddirprwy gyfarwyddwr addysg, a hefyd yn gyfarwyddwr addysg. Yn Sir Aberteifi, ac yna yn Nyfed, roedd yng nghanol y trafod a’r dadlau ynglŷn ag addysg Gymraeg yn y 60au a’r 70au. Cafodd ei eni a'i fagu yng Ngwauncaegurwen, yn fab i löwr, a mae ganddo atgofion melys o'r gymuned lofaol, a chof plentyn o Abertawe'n cael ei bomio'n ystod yr Ail Ryfel Byd. Yn yr ysgol ramadeg daeth dan ddylanwad Eic Davies, cyn astudio ym Mhrifysgol Aberystwyth. Y peth gorau am y coleg, meddai John, oedd cwrdd â Bethan, a ddaeth yn wraig iddo'n ddiweddarach. Gweithiodd y ddau yn Llundain am gyfnod, cyn penderfynu dychwelyd i Gymru, ac i Geredigion yn y pen draw. Mae dementia wedi achosi dirywiad yn iechyd Bethan yn y blynyddoedd diwethaf, a mae John yn sôn wrth Beti am ei ymdrech i sicrhau gofal llawn amser iddi.

Sun, 24 Feb 2019 13:00:00 +0000

Chwarae Lawrlwythwch

Jill-Hailey Harries

Pan deimlodd Jill-Hailey Harries alwad i'r weinidogaeth, roedd yn 'sgytwad iddi. Er ei bod yn mynychu'r ysgol Sul, doedd hi ddim yn siŵr beth yn union oedd gwaith gweinidog, nac ychwaith yn nabod gweinidog benywaidd. Doedd hi ddim yn or-hoff o waith ysgol, ac yn fwy awyddus i ddechrau gweithio ac ennill arian na mynd i'r coleg, ond roedd yr alwad yn rhy gryf, ac yn y pen draw aeth i Aberystwyth i astudio diwinyddiaeth. Mae'n sôn wrth Beti George am ei magwraeth yn Sir Benfro, ei mwynhad o'i gwaith fel Bugail y Stryd, ac am beryglon pregethu yn Saesneg.

Sun, 17 Feb 2019 12:55:00 +0000

Chwarae Lawrlwythwch

Carys Eleri

Beirniadaeth deg, Marilyn Manson a niwrowyddoniaeth yw rhai o'r pynciau trafod wrth i'r actores Carys Eleri gadw cwmni i Beti George. Wedi ei magu yn Y Tymbl, mae'n ystyried ei magwraeth yn un breintiedig, gan dderbyn pob cefnogaeth a chariad gan ei rhieni. Astudiodd Theatr, Cerdd a'r Cyfryngau yng Ngholeg y Drindod, cyn cael gwaith fel un o actorion craidd Theatr Genedlaethol Cymru. Er ei bod yn bennaf adnabyddus fel actores, mae'n cymryd diddordeb mawr mewn gwyddoniaeth, gan ddatblygu sioe yn trafod dylanwad yr ymennydd ar gariad. Wrth sgwennu'r sioe, cafodd wybod bod ei thad â chlefyd motor neuron, a mae'n sôn wrth Beti am bwysigrwydd teulu a chyfeillgarwch wrth alaru amdano.

Fri, 08 Feb 2019 11:02:00 +0000

Chwarae Lawrlwythwch

Valériane Leblond

Un o Ffrainc yn wreiddiol yw'r artist Valériane Leblond. Cafodd ei magu gan ei thad o Ganada, a oedd yn llawn dychymyg ac yn dyfeisio pob math o bethau. Yn y coleg, cwrddodd â Chymro o Langwyryfon, a mae bellach yn magu tri mab yng Nghymru. Mae gwaith celf Valériane yn aml yn ymwneud â'r syniad o berthyn. Darlunio llyfrau yw ei phrif waith erbyn hyn, ond mae hefyd yn gweithio ar arddangosfa am hanes y Cymry a ymfudodd i Orllewin Virginia.

Sun, 27 Jan 2019 13:00:00 +0000

Chwarae Lawrlwythwch

Heulwen Haf

Beti George yn sgwrsio â Heulwen Haf yn 2008. Beti George in conversation with Heulwen Haf in 2008.

Sun, 20 Jan 2019 13:00:00 +0000

Chwarae Lawrlwythwch

Rhys Mwyn

Archeoleg, angerdd ac Anhrefn yw rhai o'r pynciau trafod wrth i Rhys Mwyn sgwrsio gyda Beti George. Un o Sir Drefaldwyn yw Rhys, a mae'n cael ei adnabod fel un sydd â dim ofn dweud ei farn a siarad yn ddi-flewyn-ar-dafod. Pan oedd yn ifanc, roedd yn teimlo nad oedd cerddoriaeth Gymraeg yn rhoi llais iddo fe a'i debyg. Cafodd ei ysbrydoli wrth wrando ar raglen radio John Peel, a chlywed grwpiau fel Sex Pistols, Delta 5 a'r Mekons. Daeth yn aelod o'r grŵp pync Cymraeg Anhrefn, cyn troi at reoli a hyrwyddo cerddorion. Yn golofnydd i'r Herald Cymraeg, mae hefyd wedi dychwelyd at ei bwnc gradd, sef archeoleg. Dyna ble mae hapusaf, yn cloddio gyda ffrindiau.

Sun, 13 Jan 2019 13:00:00 +0000

Chwarae Lawrlwythwch

Dylan Griffith

Amsterdam yw cartref Dylan Griffith, ers iddo gael cynnig swydd gydag MTV yn y ddinas. Mae'n dychwelyd i Gymru yn aml, gan hiraethu am ei mynyddoedd. Teipograffeg, brandio a hyrwyddo yw ei gefndir, a fe oedd yn gyfrifol am ailfrandio S4C yn 2006. Treuliodd flwyddyn yn teithio'r byd gyda ffrindiau ar ôl graddio, gan greu cyfres o raglenni am y profiad. Mae wedi teithio'n helaeth ers hynny hefyd, gan fyw yn Awstralia am gyfnod, a chael ei daflu allan o Tibet. Mae bellach yn gydberchennog cwmni Smörgåsbord, sydd â swyddfeydd yng Nghaerdydd ac Amsterdam. Mae'n disgrifio'r cwmni fel stiwdio syniadau, ac yn gweithio gyda Croeso Cymru ymhlith eraill.

Sun, 06 Jan 2019 13:00:00 +0000

Chwarae Lawrlwythwch

Osian Williams

Ers pan oedd yn ifanc, roedd Osian Williams yn gwybod mai cerddor yr oedd am fod. Mae'n teimlo mai dyna'r unig beth y gallai fod wedi ei wneud. Cafodd ei fagu ar aelwyd gerddorol yn Llanuwchllyn, gan ddysgu gan ei dad sut i chwarae'r drymiau a'r gitâr. Roedd ei dad yn un o sylfaenwyr Cwmni Theatr Maldwyn, a sioeau cerdd y cwmni yn rhan o fagwraeth Osian. Astudiodd mewn coleg cerdd yn Lerpwl, gan adael ar ôl tymor. Doedd e ddim yn gyfforddus yno, nag yn barod i astudio bryd hynny. Wedi gweithio am gwpl o flynyddoedd, aeth i Brifysgol Bangor, gan gwblhau gradd a gradd meistr. Enillodd Dlws y Cerddor yn Eisteddfod Genedlaethol Maldwyn a'r Gororau yn 2015, a mae wedi trefnu cerddoriaeth ar gyfer rhai o gyngherddau'r brifwyl, gan gynnwys un Geraint Jarman yn 2018. Mae Osian yn adnabyddus fel prif leisydd y grŵp Candelas, ond fe oedd y drymiwr yn wreiddiol, gan taw'r drymiau oedd ei gariad cyntaf.

Sun, 23 Dec 2018 13:00:00 +0000

Chwarae Lawrlwythwch

Sally Holland

Cafodd Sally Holland ei phenodi'n Gomisiynydd Plant Cymru yn 2015. O’r Alban yn wreiddiol, cwrddodd â Chymro o Gasnewydd wrth weithio gyda phobl ddigartref yn Llundain. Fe briodon nhw, gan benderfynu byw yng Nghymru am gyfnod, ac yna symud i'r Alban. Flynyddoedd yn ddiweddarach, yng Nghymru maen nhw o hyd! Roedd diddordeb mewn hawliau a chyfiawnder cymdeithasol yn amlwg yn nheulu Sally, a mae hynny wedi dylanwadu'n fawr arni. Roedd un perthynas yn Siartydd, ac yn aelod o'r Rochdale Pioneers a oedd yn gyfrifol am sefydlu'r mudiad cydweithredol. Y sylweddoliad nad yw'r byd yr un mor deg i bawb sbardunodd Sally i faes gwaith cymdeithasol. Fel Comisiynydd Plant, mae wedi ymgynghori'n helaeth gyda phlant a phobl ifanc, ac yn angerddol dros roi cyfle iddynt i fynegi barn, ac i gyflawni eu potensial.

Sun, 16 Dec 2018 13:00:00 +0000

Chwarae Lawrlwythwch

Steffan Lewis

Steffan Lewis oedd yr Aelod Cynulliad ifancaf yng Nghymru pan gafodd ei ethol i gynrychioli rhanbarth Dwyrain De Cymru yn 2016. Mae’n dweud na all ddychmygu bywyd heb wleidyddiaeth, ar ôl i'w ddiddordeb yn y maes ddechrau pan oedd yn ifanc. Yn un ar ddeg oed, roedd yn sgwennu at Dafydd Wigley yn Nhŷ'r Cyffredin, ac yn bedair ar ddeg anerchodd Plaid Cymru am y tro cyntaf. Roedd gwleidyddiaeth hyd yn oed yn ddylanwad wrth ddewis pa dîm pêl-droed i'w gefnogi. Ddiwedd 2017, cafodd Steffan wybod fod ganddo ganser y coluddyn, a hynny yn ei bedwerydd cyfnod, ac wedi lledaenu i rannau eraill o’r corff. Mae'n sôn wrth Beti am y diagnosis, am y gefnogaeth fawr y mae wedi ei derbyn, ac am ei ddyhead i godi ymwybyddiaeth o'r salwch.

Sun, 09 Dec 2018 13:00:00 +0000

Chwarae Lawrlwythwch

Arthur Thomas

Llyfrau, straeon, cerddoriaeth werin a rygbi yw rhai o hoff bethau Arthur Thomas. Er hynny, astudio gwyddoniaeth wnaeth e yn y coleg, gan droi at ddysgu'r pwnc ar ôl graddio. Wedi blynyddoedd o gael ei nabod fel mab y tenor Richie Thomas, mae'n hoffi dweud ei fod bellach yn cael ei nabod fel tad y delynores Elen Hydref. Treuliodd gyfnod ym ymgyrchu dros Gymdeithas yr Iaith Gymraeg, yn aml yng nghwmni Gruff Miles o grŵp Y Dyniadon Ynfyd Hirfelyn Tesog. Roedd y ddau yn teithio gyda'i gilydd pan gafodd y cerddor ei ladd mewn damwain ffordd yn y 70au.

Sun, 02 Dec 2018 13:00:00 +0000

Chwarae Lawrlwythwch

Karen Elli

Beti George yn sgwrsio gyda Karen Elli. Hi oedd Cilla yn Pobol y Cwm, ond mae plant Cymru'n ei hadnabod fel Heini. Mae hi hefyd yn hyfforddwr ffitrwydd, ac yn cynllunio tai.

Sun, 25 Nov 2018 17:56:00 +0000

Chwarae Lawrlwythwch

Hedd Ladd-Lewis

Erbyn ei fod yn un ar ddeg oed, roedd Hedd Ladd-Lewis wedi byw yn Kenya ac yn Zambia. Dychwelodd y teulu i Gymru, ac i lethrau Carn Ingli, pan ddaeth yn amser iddo fynd i'r ysgol uwchradd. Cafodd ei ysbrydoli gan ei athro hanes yn Ysgol y Preseli, yr arlunydd Aneurin Jones, a oedd yn defnyddio dulliau anghyffredin i gynnau diddordeb ei ddisgyblion. Yn ddeuddeg oed, cloddiodd Hedd gyda thîm o archeolegwyr am y tro cyntaf, ac ers hynny hanes ac archaeoleg sydd wedi mynd â'i fryd. Ar ôl cyfnod yn gweithio yn Llundain, dychwelodd i Gymru a chymhwyso fel athro hanes. Mae'n dweud ei bod yn fraint cael defnyddio ei bwnc bob dydd.

Sun, 18 Nov 2018 13:00:00 +0000

Chwarae Lawrlwythwch

Bethan Bryn

Dyw'r cerdd dantwraig Bethan Bryn ddim yn or-hoff o’r gair arbrofi. Yn hytrach, mae'n credu y dylid dangos bod mwy i gerdd dant na chystadlu, a bod angen gwthio'r grefft tu hwnt i'r llwyfan eisteddfodol. Ei chwaer Angharad a oedd i fod i gael gwersi telyn yn wreiddiol, ond buan iawn y dechreuodd Bethan ddysgu canu'r offeryn yn ei lle. Bu'n aelod o Gerddorfa Ieuenctid Cymru, ac yn yr ysgol daeth dan ddylanwad Aled Lloyd Davies, er iddi ei gythruddo gyda'i gosodiad cyntaf ar gyfer Rhianedd Môn. Cafodd le i astudio chwaraeon mewn coleg yn Lerpwl, a bu bron iddi ddilyn y trywydd hwnnw yn lle astudio cerddoriaeth. Cerddoriaeth aeth â hi yn y pen draw, gan arwain at flynyddoedd o berfformio, cyfeilio a hyfforddi; a nid pawb all ddweud i Delynores Maldwyn a Thelynores Eryri ddechrau cecru yng nghanol ei phriodas.

Sun, 04 Nov 2018 13:00:00 +0000

Chwarae Lawrlwythwch

Neville Evans

Ffiseg yw prif ddiddordeb y gwyddonydd Neville Evans. Mae'n dweud ei fod yn wyddor sy'n mynd ar ôl y manwl, ond hefyd yn gweld y darlun ehangach. Treuliodd ei fywyd ym myd addysg, fel athro, arolygwr, ac yna llywodraethwr. Cafodd ei ddiddordeb yng ngwyddonwyr Cymreig cyfoes ei sbarduno wedi iddo glywed hanesion lleol yn blentyn am E. G. Bowen a'i arbrofion radar. Mae'n credu y dylid gwneud rhagor i hybu gwybodaeth disgyblion Cymru am wyddonwyr cyfoes, a fe sy'n gyfrifol am y posteri o wyddonwyr Cymreig mewn ysgolion ledled y wlad. Mae hefyd yn sgwrsio gyda Beti am ei atgofion o fagwraeth braf yn Gendros, Fforestfach, ac am bwysigrwydd ffydd iddo fe.

Sun, 28 Oct 2018 13:00:00 +0000

Chwarae Lawrlwythwch

Llinos Dryhurst-Roberts

Braf 'di cael bod yn hapus, yn ôl Llinos Dryhurst-Roberts. Mae hi bob amser wedi bod yn hoff o antur, ac wedi treulio blynyddoedd yn y fyddin, gan wasanaethu yn Bosnia sawl tro. Mae wedi gweithio hefyd i'r Weinyddiaeth Amddiffyn, ac i gwmni preifat yn Irac, lle cafodd ei hanafu'n ddifrifol. Wedi’r anaf, daeth cyfnod gyda'r gwasanaeth cudd, ond erbyn hyn mae'n cydreoli ac yn coginio mewn caffi yng Nghaernarfon. Mae'n dweud ei bod yn fodlon ei byd, wedi cael gwireddu sawl breuddwyd, ac wedi dod i ddeall beth sy'n bwysig mewn bywyd.

Sun, 21 Oct 2018 11:59:00 +0000

Chwarae Lawrlwythwch

Mike Parker

Mae naws lle yn bwysig i Mike Parker, ac mae'n dweud ei fod bob amser wedi bod eisiau byw yng Nghymru. Cafodd ei fagu yn Kidderminster, tua deugain milltir o'r ffin. Gwahanodd ei rieni pan oedd yn bedair oed, a symudodd ei fam i Ffrainc. Mae'n amau mai dyna a arweiniodd at ei hoffter o fapiau, oherwydd eu bod yn fodd iddo gael trefn ar fyd cymhleth. Astudiodd ddrama a Saesneg yn Llundain, gan droi at 'sgrifennu yn y pen draw fel bywoliaeth. Yn gydawdur The Rough Guide to Wales, symudodd i'r wlad yn 2000 gan ddysgu Cymraeg, ac yn 2015 fe oedd ymgeisydd Plaid Cymru yng Ngheredigion.

Sun, 14 Oct 2018 12:05:00 +0000

Chwarae Lawrlwythwch

Aled Rees

Methiant yw peidio â mentro yn y lle cyntaf yw beth sy'n gyrru Aled Rees, “bachgen stwbwrn o Langwyryfon”, i ddatblygu syniadau a busnesau newydd. Er gwaethaf diffyg cymwysterau, aeth i weithio yn labordy Ysbyty Bronglais, gan fynd yn ei flaen i gwblhau cwrs gradd a meistr. Bu'n rhaid rhoi’r gorau i’r gwaith hwnnw yn y pen draw, i ganolbwyntio ar ei wahanol fusnesau. Penderfynodd ddysgu Sbaeneg, ac arweiniodd hynny at gwrdd â'i wraig, Angeles, a hefyd at sefydlu cwmni Teithiau Tango. Mae gan Aled ac Angeles dri o blant, ac mae'n sôn wrth Beti pa mor bwysig yw teulu iddo, ac am ei edmygedd o'i ddiweddar fam.

Sun, 07 Oct 2018 12:00:00 +0000

Chwarae Lawrlwythwch

Sarah Reynolds

Wedi'i geni a'i magu yn Surrey, doedd Sarah Reynolds prin yn ymwybodol o Gymru a'r Gymraeg cyn iddi gwrdd â'i gŵr, Geraint, ar ddêt cudd yn Llundain. Yn byw yng Nghymru erbyn hyn, cyrhaeddodd rownd derfynol Dysgwr y Flwyddyn yn 2016. Yn ifanc, ceisiodd wrthryfela trwy fod yn actores, cyn newid trywydd wedi cyfnod o iselder. Mae wedi gweithio yn y cyfryngau, ac yn un o'r criw a oedd yn dyfeisio tasgau ar gyfer preswylwyr tŷ Big Brother, ond fel awdures sy'n magu ei theulu yng Nghymru y mae'n teimlo iddi ddod o hyd i'r lle mae hi’n perthyn.

Sun, 30 Sep 2018 12:00:00 +0000

Chwarae Lawrlwythwch

David John

Rhyddid meddwl, bywydau preifat unigolion a hawliau dynol yw'r themâu sy'n mynd â sylw'r awdur David John (D.B. John), dro ar ôl tro yn ei waith. Yn enedigol o Efail Isaf, bu'n gweithio yn adran gytundebau cwmni cyhoeddi mawr yn Llundain, cyn newid cyfeiriad a gweithio fel golygydd llyfrau i'r un cwmni. Trwy gymryd cyfnodau di-dâl o'r gwaith, cafodd gyfle i deithio yn helaeth, gan gynnwys cyfnodau yn Ynysoedd Cook a De America. Cafodd brofiad brawychus yn Wrwgwái, wrth i leidr ei fygwth gyda dryll. Ysbrydolodd hynny stori fer ganddo, gan ailgynnau ei ddiddordeb mewn 'sgrifennu. Penderfynodd ddilyn cwrs M.A. mewn ysgrifennu creadigol, a ffrwyth y cwrs oedd ei nofel gyntaf, Flights to Berlin. Mae hefyd yn sôn wrth Beti George am ei gyfnodau yng Ngogledd Corea, yn ymchwilio ar gyfer ei ail nofel, ac am weithio fel cynorthwy-ydd i'r Gordon Brown a'r Tony Blair ifanc yn San Steffan.

Sun, 23 Sep 2018 12:00:00 +0000

Chwarae Lawrlwythwch

Sian Lloyd

Mae newyddiaduraeth wedi bod o ddiddordeb i Sian Lloyd ers pan oedd yn ifanc. Roedd yn rhan o griw a sefydlodd bapur newydd yn ei hysgol, ac ar gyfer ei herthygl gyntaf ymunodd â'r wasg yng ngorsaf reilffordd Wrecsam, i adrodd ar ymweliad gan y Dywysoges Diana. Wrth sgwrsio â Beti George, mae'n gweithio i wasanaeth newyddion rhwydwaith y BBC, yn gohebu ar straeon o Gymru, neu'n dod â gogwydd Cymreig i straeon newyddion y dydd. Cafodd Sian ei magu yn Birmingham, cyn i'r teulu symud i Wrecsam pan oedd yn 7 oed. Daw ei thad o Eifionydd yn wreiddiol, ond cwrddodd ei rhieni mewn capel yn Llundain, ac adleoli i Ganolbarth Lloegr. Yn ogystal â darlithio ym maes adeiladu, roedd ei thad yn teithio dramor gyda'r Cyngor Prydeinig, yn enwedig i wledydd yn Affrica, i sefydlu cyrsiau yno. Astudiodd Sian y gyfraith yn y coleg, a threuliodd gyfnodau yn hyfforddi yn Llundain a Hong Kong, cyn dilyn ei breuddwyd a chwilio am waith ym myd newyddiaduraeth. Mae wedi dal sawl swydd yng Nghymru, yn ogystal â gweithio i'r BBC yn Llundain a Chanolbarth Lloegr.

Sun, 16 Sep 2018 12:00:00 +0000

Chwarae Lawrlwythwch

Elin Fflur

Mae Elin Fflur yn gwybod ers pan oedd yn ifanc na fyddai'n medru gwneud swydd sy'n golygu gwneud yr un peth bob dydd. Roedd ei magwraeth yn ardal Dwyran yn un ddelfrydol, meddai, ac mae wedi etifeddu ei dawn greadigol gan sawl aelod o'r teulu. Ystyriodd weithio gyda'r heddlu, cyn penderfynu canolbwyntio ar yrfa fel cantores, ac erbyn hyn fel cyflwynwraig hefyd. Wrth sgwrsio gyda Beti George, mae'n trafod y cyfleoedd a gafodd i ganu y tu allan i Gymru, gan gynnwys treulio amser yn America gyda'r rheolwr David Aspden a'r cynhyrchydd Jim Steinman. Yn y pen draw, fodd bynnag, plesio'r gynulleidfa o'i blaen yw'r peth pwysicaf un. Rai blynyddoedd yn ôl, cafodd wybod na allai feichiogi'n naturiol, ac mae'n ystyried ei phrofiadau o driniaeth IVF yn rhes o rwystrau. Mae'n credu'n angerddol bod angen trafod IVF yn fwy agored, er mwyn cynorthwyo eraill i ddeall y broses.

Sun, 09 Sep 2018 12:00:00 +0000

Chwarae Lawrlwythwch

Tuduriaid

Beti George yn sgwrsio â Sion, Ffion ac Owain Tudur o Gaerdydd. O gyfrinachau'r maes carafanau i helyntion ieuenctid Maes B, mae'r tri yn sgwrsio â Beti ar achlysur Eisteddfod Genedlaethol Caerdydd 2018.

Sun, 29 Jul 2018 11:02:00 +0000

Chwarae Lawrlwythwch

Hefin Jones

Beti George yn sgwrsio â Dr. Hefin Jones o Ysgol y Biowyddorau ym Mhrifysgol Caerdydd. Yn ogystal â bod yn uwch ddarlithydd yn y brifddinas, mae'n brysur iawn gyda'r Coleg Cymraeg Cenedlaethol hefyd, ac yn llais ac wyneb cyfarwydd ar y radio a'r teledu. Mae'n gwmni i Beti ar achlysur derbyn Medal Wyddoniaeth a Thechnoleg Eisteddfod Genedlaethol Caerdydd 2018, a hynny am ei gyfraniad oes i wyddoniaeth drwy gyfrwng y Gymraeg.

Sun, 22 Jul 2018 11:17:00 +0000

Chwarae Lawrlwythwch

Meic Birtwistle

Beti George yn sgwrsio â'r newyddiadurwr a chyn-swyddog undebol Meic Birtwistle am ei fagwraeth yn Surrey, a'r penderfyniad i ddysgu Cymraeg o ddifrif yn 13 oed. Enillodd ysgoloriaeth i Sandhurst, ond fe drodd ei gefn ar y fyddin wedi iddo gael ei radicaleiddio'n wleidyddol yn y coleg yn Abertawe. Bu'n cynorthwyo Jeremy Corbyn yn ystod ei ymgyrch i ddod yn arweinydd y Blaid Lafur, ac mae'n angerddol am yr angen i amddiffyn hawliau'n y gweithle a hawliau ieithyddol.

Sun, 15 Jul 2018 12:00:00 +0000

Chwarae Lawrlwythwch

Alaw Griffiths

Beti George yn sgwrsio gydag Alaw Griffiths. Beti George chats with Alaw Griffiths.

Sun, 08 Jul 2018 11:15:00 +0000

Chwarae Lawrlwythwch

Hefin Jones-Roberts

Beti George yn sgwrsio gyda Hefin Jones-Roberts. Beti George chats with Hefin Jones-Roberts.

Sun, 01 Jul 2018 11:25:00 +0000

Chwarae Lawrlwythwch

Siriol Burford

Beti George yn sgwrsio â Siriol Burford, enillydd un o wobrau elusen Chwarae Teg yn 2017, sy'n cydnabod pob agwedd ar fywydau menywod. Beti George chats with Siriol Burford.

Sun, 24 Jun 2018 11:30:00 +0000

Chwarae Lawrlwythwch

Deri Tomos

Er bod Deri Tomos wedi ymddeol o'i waith bob dydd ym Mhrifysgol Bangor, mae ei frwdfrydedd dros wyddoniaeth a thros annog pobl i astudio a thrafod gwyddoniaeth yn Gymraeg yr un mor heintus â phan oedd yn fyfyriwr yng Nghaergrawnt. Treuliodd Deri ei flynyddoedd cynnar yn Gillingham, cyn i'r teulu symud i Gaerdydd. Dysgodd Gymraeg, ond mae'n difaru iddo beidio â chael cyfle i ddysgu tafodiaith Gwenhwyseg teulu ei dad. Mae'n sôn wrth Beti am ei ffydd, traddodiadau asgell chwith Coleg y Brenin yn ystod ei gyfnod fel myfyriwr, drwghoffi ffonau o bob math, cadw gwenyn a dysgu canu. Mae hefyd yn trafod datblygiadau gwyddonol o bob math ym maes iechyd, technoleg a'r gofod.

Mon, 18 Jun 2018 12:51:00 +0000

Chwarae Lawrlwythwch

Eleri Twynog Davies

Mae syniad da, sy'n cydio yn nychymyg pobl, yn medru mynd yn bell iawn, a dyna sydd wedi gyrru Eleri Twynog Davies trwy gydol ei gyrfa ym myd marchnata. Mae wedi hyrwyddo gwyliau fferm i'r Bwrdd Croeso, ac arwain gwaith marchnata'r Eisteddfod mewn cyfnod pan oedd y syniad hwnnw'n un newydd. Bu hefyd yn bennaeth marchnata yn S4C, gan reoli cyllideb o £3 miliwn, a chyflwyno'r syniad o sioeau Cyw. Cafodd ei magu yn Aberteifi, ac mae'r atgofion am ei phlentyndod yn rhai hynod hapus. Pan oedd yn y chweched dosbarth, daeth hi a chriw o ferched eraill yr ysgol at ei gilydd i ffurfio'r grŵp Cwlwm, gan ryddhau sawl albwm a theithio'n helaeth. Astudiodd ddrama a Chymraeg ym Mangor, cyn symud i Guildford i ddilyn cwrs M.A. mewn twristiaeth a marchnata. Er ei bod yn rhy swil i fod yn actores ei hun, mae wrth ei bodd gefn llwyfan, ac wedi dychwelyd i fyd drama ers gadael S4C. Y syniad sy'n ei gyrru hi heddiw yw cyflwyno hanes Cymru i ddisgyblion ysgol. Sefydlodd gwmni Mewn Cymeriad, sy'n darparu sioeau un person yn seiliedig ar gymeriadau hanesyddol, a hefyd Gŵyl Hanes Cymru i Blant. Mae'n credu'n angerddol bod dysgu hanes eich gwlad yr un mor bwysig â dysgu ei hiaith, er mwyn creu ymdeimlad o berthyn.

Tue, 12 Jun 2018 08:07:00 +0000

Chwarae Lawrlwythwch

Bleddyn Jones

Rygbi, crefydd ac addysg yw conglfeini bywyd Bleddyn Jones. Wedi ei fagu ym Mrynaman, symudodd i Gaerlŷr i fod yn athro ysgol gynradd, gan ymuno â thîm rygbi'r Leicester Tigers ar ei ddiwrnod cyntaf yn y swydd. Er bod sawl un wedi dweud wrtho nad oedd yn ddigon tal na chryf i chwarae rygbi, bu'n faswr i Gaerlŷr 333 gwaith, ac mae nawr yn sylwebu ar eu gemau i orsaf leol y BBC ers deng mlynedd ar hugain.

Sun, 27 May 2018 12:00:00 +0000

Chwarae Lawrlwythwch

David Williams

Yn wreiddiol o Drawsfynydd, fe symudodd David Williams i'r Ganllwyd pan benodwyd ei dad yn brifathro yno. Symudodd y teulu i Seland Newydd pan oedd yn blentyn gan fod galw mawr am athrawon yno. Golygai hyn siwrnai 6 wythnos ar long. Pan oedd David Williams yn ei arddegau fe ddaeth y teulu yn ôl i Gymru ac fe aeth David ati i astudio newyddiaduraeth. Bu'n gweithio fel is-olygydd newyddion yn Swansea Sound, a rhwng 1977 ac 1987 roedd yn wyneb cyfarwydd ar ein sgriniau teledu fel gohebydd 'Wales Today' a 'Wales This Week' gydag ITV. Daeth David Williams i sylw'r wasg ryngwladol yn sgil ambell i stori yr aeth ar ei hol, a bu hefyd yn gyflwynydd y rhaglen deledu Dragon's Eye, oedd yn cadw llygad ar weithgareddau ym Mae Caerdydd.

Fri, 25 May 2018 09:37:00 +0000

Chwarae Lawrlwythwch

Arfon Jones

Beti George yn sgwrsio gydag Arfon Jones, Swyddog Maes Gobaith i Gymru, am gerddoriaeth Stravinsky, cyfnodau yn y carchar dros y Gymraeg, iachâd gwyrthiol ac argyfyngau ffydd. Ar ôl rhoi'r gorau i'w freuddwyd o fod yn chwaraewr ac athro soddgrwth oherwydd salwch, astudiodd am radd mewn diwinyddiaeth. Ers hynny, mae wedi gweithio i hybu'r ffydd Gristnogol, yn enwedig ymysg pobol ifanc. Mae'n angerddol ynglŷn â chynorthwyo pobl i fynegi eu ffydd mewn dull sy'n berthnasol i'r ganrif hon. Fe sy'n gyfrifol am beibl.net, cyfieithiad llafar o'r Beibl, a bu'n rhaid iddo ddychwelyd i astudio Groeg a Hebraeg er mwyn cwblhau'r gwaith hwnnw.

Sun, 20 May 2018 12:00:00 +0000

Chwarae Lawrlwythwch

Gladys Pritchard

Monwysyn i'r carn yw Gladys Pritchard. Wedi ei geni a'i magu yng Nghaergybi, mae'n parhau i fyw yn yr ardal, a hi yw Trysorydd a Meistres y Gwisgoedd Eisteddfod Môn. Er na chafodd Gladys erioed 10 allan o 10 mewn gwersi mathemateg, cadw cyfrifon a llaw fer oedd yn mynd â'i bryd yn yr ysgol. Pan adawodd yr ysgol, aeth i weithio fel clerc i gyfrifydd yng Nghaergybi, a dyna sydd wedi llunio cyfeiriad ei bywyd hyd heddiw. Wedi cyfnod yn magu ei meibion, aeth i Ysgol Uwchradd Caergybi fel derbynnydd, ac yna fel swyddog gweinyddol, gan gymryd cyfrifoldeb am gyfrifon yr ysgol. Pan ddaeth Eisteddfod Môn i Gaergybi yn 1979, pwy well i fod yn drysorydd, gan barhau yn y swydd honno hyd heddiw. Mae Gladys hefyd yn weithgar gyda mudiad y Sgowtiaid ers 1979, gan ddechrau cyrsiau canŵio ar eu cyfer yn Y Bala ac yn Islwyn. Er nad oes ganddi fawr o amser rhydd, mae'n frodwraig brwd ac yn 'yarn bomber'.

Sun, 13 May 2018 11:59:00 +0000

Chwarae Lawrlwythwch

Siân Lewis

Beti George yn sgwrsio â Siân Lewis, Prif Weithredwr Urdd Gobaith Cymru. Dychwelyd at yr Urdd wnaeth Siân, wedi cyfnod yn gweithio gyda'r mudiad ar ddechrau'r 90au, ac mae'n disgrifio'r rôl fel swydd ei breuddwydion, er bod dychwelyd i Wersyll Glan-llyn fel aelod o staff yn hytrach na disgybl ysgol yn brofiad rhyfedd. Cafodd ei magu yng Nghaerdydd, a dyw hi ddim wedi crwydro'n bell iawn o'r brifddinas. Er ei bod wrth ei bodd yn gymdeithasol yn Ysgol Glantaf, doedd y pwyslais academaidd ddim yn plesio. Ailddarganfyddodd ei hoffter o fyd addysg yng Ngholeg Rhymni, cyn symud i Brifysgol Morgannwg i astudio busnes, ac yna cwblhau cwrs ôl-radd mewn busnes a chyllid. Wedi ei chyfnod cychwynnol yn gweithio i'r Urdd, symudodd i Fenter Caerdydd, a thra wrth y llyw yno roedd yn gyfrifol am ddatblygu gŵyl Tafwyl. Gyda throsiant o £10 miliwn, dros 300 o staff, a hefyd 10,000 o wirfoddolwyr, beth yw gobeithion Siân ar gyfer dyfodol yr Urdd?

Sun, 29 Apr 2018 12:00:00 +0000

Chwarae Lawrlwythwch

Meirion Davies

Yn actor ac yn ysgrifennwr, treuliodd Meirion Davies bron i ugain mlynedd yn gweithio mewn gwahanol swyddi yn S4C. Erbyn hyn, fe yw Pennaeth Cyhoeddi Gwasg Gomer, ond yr hyn sy'n rhoi'r mwynhad mwyaf iddo yw rhedeg Bridfa Heniarth yn Sir Gaerfyrddin. Etifeddodd Merion ei ddiddordeb mewn ceffylau gan ei rieni, ac fe etifeddodd hefyd ddawn artistig ei fam. Celf oedd ei fyd pan oedd yn ifanc, gan dderbyn gwersi yn Ysgol y Preseli gan yr artist Aneurin Jones. Mae ei ddyled yn fawr iddo am ei ysbrydoli a'i herio. Wedi cyfnod mewn coleg celf, aeth i astudio drama cyn dechrau gwneud bywoliaeth fel perfformiwr a sgriptiwr. I genhedlaeth o Gymry Cymraeg, bydd bob amser yn cael ei gysylltu â'r rhaglenni teledu Swig o'r 'Steddfod, a chymeriadau fel Horni a'r ddau Frank. Er hynny, yr hyn sydd wedi ei yrru trwy ei yrfa yw'r dyhead i wneud bywoliaeth er mwyn cynnal ei ddiddordeb ym myd bridio ceffylau.

Sun, 22 Apr 2018 12:00:00 +0000

Chwarae Lawrlwythwch

Lena Charles

Hel atgofion am ganrif o fywyd mae gwestai Beti George yn y rhaglen hon. Cafodd Lena Charles ei magu ym Mlaengarw, wedi i'r teulu symud yno o Benmachno i weithio'n y pyllau glo. Yr olaf ond un o dri ar ddeg o blant, bu farw ei thad pan oedd hi'n ddyflwydd oed, ond fe ailbriododd ei mam. Roedd ei llysdad, Dafydd Hughes, yn ddylanwad pwysig. Diolch iddo fe, mae Lena yn adroddwraig o fri, fel y clywn ni yn y rhaglen. Mae'n sôn wrth Beti am ei magwraeth ym Mlaengarw, gan gynnwys bywyd y cartref a dylanwad y capel, am Streic 1926, ac am weithio mewn ffatri arfau'n ystod yr Ail Ryfel Byd. Mae Lena hefyd wedi gweld sawl newid yn yr ardal yn ystod ei chan mlynedd o fywyd.

Sun, 15 Apr 2018 12:00:00 +0000

Chwarae Lawrlwythwch

Mari Williams

Beti George yn sgwrsio â'r steilydd bwyd a'r cogydd, Mari Williams. Yn un o bedwar o blant, cafodd ei magu ar fferm ger Llannefydd. Aeth i Ysgol Glan Clwyd, ac ymlaen wedyn i Brifysgol Caerdydd i astudio bwyd a maetheg. Ar ôl graddio, aeth i Efrog Newydd i weithio fel nani i deulu gyda chysylltiadau Cymreig. Dychwelodd i Brydain, gan weithio gyda rhai o'r archfarchnadoedd mwyaf fel steilydd bwyd, cyn symud i olygu cylchgronau bwyd. Mae bellach yn gweithio ar ei liwt ei hun, a newydd gyhoeddi ei llyfr ryseitiau cyntaf. Mae'n byw gyda'i phartner a'i mab yn Swydd Hertford ers dros bymtheng mlynedd.

Sun, 08 Apr 2018 11:13:00 +0000

Chwarae Lawrlwythwch

Roger Williams

Dramodydd ac awdur yw gwestai Beti, Roger Williams. Ganwyd Roger yng Nghasnewydd ond ei fagu yng Nghaerfyrddin. Roedd yn ysgrifennu'n greadigol tra yn yr ysgol, cyn mynd i Brifysgol Warwick i astudio Llenyddiaeth Saesneg ac Americanaidd. Mae Roger Williams wedi creu dramâu Cymraeg a Saesneg ac mae ei waith wedi ennyn sylw a chlod, gan gynnwys enwebiad BAFTA. Mae cyfres arall o "Bang" ar y gweill ac ar hyn o bryd mae'n gweithio ar ffilm fydd i'w gweld yn y sinema. Mae Roger yn byw gyda'i ŵr a'i fab yng Nghastell Nedd.

Sun, 25 Mar 2018 11:09:00 +0000

Chwarae Lawrlwythwch

Mair Jones, Dinbych

Mair Jones o Ddinbych yw gwestai Beti'r wythnos hon. Mae'n un o sefydlwyr Ymddiriedolaeth Mary Dei sy'n cynnig cefnogaeth i ofalwyr yr ardal. Mae'n credu yn angerddol bod angen gwell darpariaeth ddiwedd oes i'r henoed ac i'r sawl sydd â Dementia, yn enwedig ar ôl gofalu am ei rhieni. Mae hi hefyd yn gwybod pa mor ysgytwol yw colli aelod o'r teulu yn ddisymwth. Mae hi'n treulio ei amser heddiw yn rhannu ei phrofiadau yn y gobaith o fedru cynorthwyo eraill.

Sun, 18 Mar 2018 12:20:00 +0000

Chwarae Lawrlwythwch

Roger Scully

Yr Athro Roger Scully, Athro Gwyddor Gwleidyddiaeth, yw gwestai Beti George. Cafodd ei eni a'i fagu yn Luton, a'i addysgu ym Mhrifysgolion Caerhirfryn a Thalaith Ohio. Ymunodd â Chanolfan Llywodraethiant Cymru yn 2012, a chyn hynny Roger oedd Cyfarwyddwr Sefydliad Gwleidyddiaeth Cymru ym Mhrifysgol Aberystwyth. Mae'n hoff iawn o gerddoriaeth jazz, yn aelod o Academi'r Gwyddorau Cymdeithasol ac yn Gymrawd yng Nghymdeithas Ddysgedig Cymru.

Thu, 08 Mar 2018 12:13:00 +0000

Chwarae Lawrlwythwch

Tim Hartley

Un o gyfarwyddwyr elusen Gôl Cymru, sydd wedi ei enwebu am wobr Dewi Sant, yw gwestai Beti George. Mae Tim Hartley yn gyn-newyddiadurwr ac yn gyn-gyfarwyddwr materion corfforaethol S4C ac wrth ei fodd yn teithio'r byd i wylio pêl-droed.

Sun, 25 Feb 2018 12:17:00 +0000

Chwarae Lawrlwythwch

John Rea

Aeth John Rea i Ysgol Gyfun Llanhari ac wedyn i Brifysgol Caerdydd lle bu'n astudio cwrs cyfansoddi dan oruchwyliaeth yr Athro Alun Hoddinott. Gan weithio o'i stiwdio recordio yng Nghaerdydd, mae John yn mwynhau arbrofi gydag offeryniaeth draddodiadol a thechnoleg stiwdio fel ei gilydd. Mae wedi ennill dwy wobr BAFTA yn y categori 'Cerddoriaeth Wreiddiol Orau', ac wedi cydweithio gyda sawl artist o'r byd pop a roc, gan gynnwys y Manic Street Preachers, Charlotte Church a John Cale.

Sun, 18 Feb 2018 12:13:00 +0000

Chwarae Lawrlwythwch

Judith Owen

Daw Judith Owen o'r Bala'n wreiddiol, yn brifathrawes yn ers 20 mlynedd a mwy ar ôl cyfnod fel gwarchodwraig ac arweinydd Cylch Meithrin. Mae ganddi hi a'i gwr, Rhys, hefyd fusnes meithrinfa plant yn Llanwnda ers 14 mlynedd. Mae ganddynt ferch, Neli sydd yn 9 oed. Fe'i ganwyd ar ôl derbyn triniaeth IVF a gymysgodd had Rhys gydag ŵy gan chwaer Judith. Mae Judith a Rhys hefyd yn maethu plant.

Sun, 11 Feb 2018 10:12:00 +0000

Chwarae Lawrlwythwch

Robert David

Ganwyd y cynllunydd mewnol Robert David yn 1962 cyn cael ei fabwysiadu yn ychydig wythnosau oed gan Owen Morris Roberts a Mary Roberts, Penrhynydyn, Rhydyclafdy. Cafodd fagwraeth fendigedig ar fferm brysur ond celf oedd yn mynd a'i sylw, er mai dewis dilyn cwrs Celfyddydau Perfformio ym mhrifysgol Caerlŷr wnaeth Robert i ddechrau, cyn symud i Gaerdydd ac ymddangos fel actor mewn cyfresi fel Coleg a Dinas. Roedd Robert yn aelod o gast Pobol y Cwm yn y 90au ond ar ôl hir feddwl dyma benderfynu gadael y ddrama a dilyn ei freuddwyd i fod yn gynllunydd mewnol. Symudodd i Efrog Newydd i astudio, gan dderbyn Tystysgrif mewn Cynllunio o'r Parsons School of Design, Manhattan. Cafodd gyfnod wedyn yn adnewyddu tai ar raglenni teledu ond mae bellach yn ôl yn Llŷn, yn byw gyda'i bartner ac wedi sefydlu ei gwmni cynllunio mewnol ei hun.

Sun, 04 Feb 2018 12:15:00 +0000

Chwarae Lawrlwythwch

Manon Steffan Ros

Ganed Manon Steffan ym mhentref Rhiwlas ger Bangor a derbyniodd ei addysg yn Ysgol Gynradd Rhiwlas ac yn Ysgol Dyffryn Ogwen. Fe enillodd hi Fedal Ddrama Eisteddfod Genedlaethol Cymru ddwy flynedd yn olynol, yn 2005 ac yn 2006. Cyrhaeddodd ei nofel gyntaf ar gyfer oedolion, Fel Aderyn, restr fer Llyfr y Flwyddyn yn 2010, ac fe ddaeth Manon i'r brig yn y gystadleuaeth yn 2013 gan ennill y categori ffuglen orau gyda'i nofel Blasu. Enillodd Wobr Tir na n-Og hefyd yn 2010 am y nofel Trwy'r Tonnau, ac unwaith eto yn 2012 gyda Prism. Mae Manon hefyd yn gerddor ac aelod o'r grŵp Blodau Gwyllt, ac mae'n byw yn Nhywyn gyda'i meibion.

Sun, 28 Jan 2018 12:00:00 +0000

Chwarae Lawrlwythwch

Duncan Brown

Cafodd Duncan Brown ei eni yn Buxton, Swydd Derby, ond symudodd y teulu i fyw i Waunfawr yn 1949 pan oedd yn flwydd oed. Aeth i Cheltenham i ddilyn cwrs sylfaen mewn Celf ac yno y cyfarfu a'i ddarpar wraig, Gill. Ar ddiwedd y flwyddyn yn y coleg fe symudodd ei rieni i fyw i Wiltshire, oedd yn sioc i Duncan ar ôl 20 mlynedd o fyw yn Waunfawr. Aeth wedyn i Norwich i astudio celfyddyd gain; dechreuodd ddarllen gwaith Kate Roberts a T.H. Parry Williams a phenderfynu ei fod am ddychwelyd i Gymru i fyw a dyna ble y magodd ei ferch, Beca. Ar ôl rhoi'r gorau i ddysgu, treuliodd Duncan Brown gweddill ei yrfa yn rheoli coedwigoedd Dolgarrog ac Abergynolwyn ac yn gweithio i warchodfeydd natur. Cafodd y syniad o greu'r papur Llên y Llysiau, sydd bellach yn wefan dan yr enw Llên Natur ac sydd yn cyd-weithio'n agos gyda Chymdeithas Edward Llwyd.

Sun, 21 Jan 2018 14:34:00 +0000

Chwarae Lawrlwythwch

Iwan John

Yr actor Iwan John yw gwestai Beti George. Ganed Iwan yn Aberdâr ond fe symudodd y teulu i Abergwaun pan oedd yn dair oed. Yn un o dri o frodyr, fe gafodd ei addysg yn ysgol gynradd Abergwaun cyn symud unwaith eto, i Mynachlog-ddu y tro hwn. Mae Iwan yn adnabyddus am bortreadu cymeriadu doniol ac mae wedi ennill ei le yn oriel yr anfarwolion am ei gyfraniadau i deledu plant Cymru, yn eu plith Bwgan, Twm Tisian, Eddie Butler a DJ Sâl. Ond yn ogystal â rhaglenni plant mae wedi bod yn rhan o sawl rhaglen ddrama: Caryl, Cara Fi, Tair Chwaer a Beryl, Meryl a Cheryl.

Sun, 14 Jan 2018 12:12:00 +0000

Chwarae Lawrlwythwch

07/01/2018

Yn wreiddiol o Wauncaegurwen, roedd Barry Morgan yn ddisgybl yn Ysgol Ramadeg Ystalyfera cyn mynd i'r brifysgol yn Llundain i astudio hanes, ac yna i Gaergrawnt i wneud gradd mewn diwinyddiaeth. Cafodd ei ordeinio gan fynd yn giwrad i Ddinas Powys am dair blynedd a bu ar staff Coleg Mihangel Sant, Caerdydd, am ddwy flynedd yn ogystal ag yn darlithio mewn diwinyddiaeth yng Ngholeg y Brifysgol yng Nghaerdydd. Aeth Barry Morgan wedyn yn gaplan i Fangor, gan ddarlithio yn y Brifysgol yno cyn symud i Wrecsam fel offeiriad plwy. Fe'i galwyd nôl i Esgobaeth Bangor, i Gricieth, i fod yn Rheithor ac Archddiacon Meirionydd, cyn ei ethol yn Esgob Bangor yn 1993, yn Esgob Llandaf yn 1999, ac yna'n Archesgob Cymru yn 2003.

Sun, 07 Jan 2018 12:14:00 +0000

Chwarae Lawrlwythwch

Gwion Hallam

Y Prifardd Gwion Hallam yw gwestai Beti George yr wythnos yma. Magwyd Gwion yn Rhydaman yn un o 3 o frodyr, ond mae'n byw bellach yn y Felinheli gyda'i wraig a'u pedwar mab. Aeth i Ysgol Gynradd Gymraeg Rhydman, Ysgol Gyfun Maes-yr-Yrfa ac yna i Goleg Prifysgol Aberystwyth, gan raddio mewn drama. Cafodd Gwion fagwraeth Gristnogol gref ond nid yw'n arddel unrhyw enwad na chrefydd bellach. Mae'n gweithio yng Nghaernarfon fel cynhyrchydd teledu ac wedi creu rhaglenni yn arsylwi'r berthynas rhwng plant bychain a phobl sy'n byw gyda dementia. Cafodd ei gyffwrdd gan y profiad, a dyna'r hedyn ysbrydolodd ei gerdd "Trwy Ddrych" a arweiniodd at ennill y Goron.

Sun, 17 Dec 2017 12:13:00 +0000

Chwarae Lawrlwythwch

Lowri Ann Richards

Magwyd Lowri ar fferm Glanllynau ger Chwilog. Aeth i'r ysgol yng Nghricieth ac yna i ysgol breswyl Howell's yn Ninbych cyn mynd i'r coleg yn Llundain. Ar ôl gadel y coleg bu'n aelod o'r grwpiau pop Visage a Pleasure & the Beast. Mi sefydlodd y grŵp Shock gyda Gary Numan ac mi berfformiodd yn Wembley hefyd, cyn cyrraedd y 10 uchaf yn y siartiau Prydeinig gyda'r grŵp Tight Fit. Bu Lowri mewn sawl parti cofiadwy lle'r oedd Spandau Ballet, Boy George, Richard Branson ac Elton John yno hefyd. Mae'n siarad yn agored iawn ynglŷn â'i hanes gyda chyffuriau ac yn falch iawn o'i phenderfyniad i ddychwelyd i Gricieth ac at ei gwreiddiau.

Sun, 10 Dec 2017 12:15:00 +0000

Chwarae Lawrlwythwch

Helgard Krause

Beti George yn sgwrsio gyda'r Almaenes Helgard Krause, Prif Weithredwr Cyngor Llyfrau Cymru. Ar ôl cael gradd mewn gwleidyddiaeth yn Berlin, aeth i Brighton i astudio llenyddiaeth Saesneg, a dyna ddechrau ar yrfa ym maes cyhoeddi. Roedd ei swydd gyntaf gyda Chyngor Llyfrau Cymru yn 2002, ac ychydig flynyddoedd yn ddiweddarach daeth cyfle i ddysgu Cymraeg. Mae hi hefyd yn siarad Almaeneg, Ffrangeg a Saesneg, a dysgodd Rwseg pan oedd yn byw yn Rwsia am flwyddyn. Yn wir, mae'n credu'n gryf y dylai pawb ddysgu iaith pa bynnag wlad y maen nhw'n byw ynddi. Ar ôl symud i Wasg Prifysgol Cymru am gyfnod, daeth yn Brif Weithredwr y Cyngor Llyfrau yn 2017, a mae'n dweud wrth Beti fel y mae'n mwynhau'r her honno. Mae hefyd yn sôn am effaith anodd a thrist yr Ail Ryfel Byd ar ei theulu, ac am y profiad o ddweud wrth ei rhieni ei bod yn hoyw.

Tue, 05 Dec 2017 10:45:00 +0000

Chwarae Lawrlwythwch

Ieuan Edwards

Cafodd Ieuan Edwards brentisiaeth gyda chigydd yn Llanrwst ar ôl gadael yr ysgol, a sylweddolodd ei fod yn mwynhau delio â chig o safon, a chyfathrebu gyda chwsmeriaid. Pan yn 20 oed, gwelodd hysbyseb mewn papur lleol bod siop ar werth yng Nghonwy. Fe'i prynodd, ac mae'n dal yno hyd heddiw, yn cyflogi nifer o bobl leol. Heblaw am y busnes a'r teulu, ceir yw ei gariad pennaf.

Sun, 03 Dec 2017 12:16:00 +0000

Chwarae Lawrlwythwch

Rhydian Bowen Phillips

Cyflwynydd a chyn-aelod o'r band Mega yw gwestai Beti George yn y rhaglen hon. Cafodd Rhydian Bowen Phillips ei eni yn Aberdâr, ond symudodd y teulu i'r Rhondda, ac yno y bu ei dad yn weinidog. Bu'n ddisgybl yn Ysgol Llwyncelyn, ac roedd ymysg y cyntaf o ddisgyblion Ysgol Gyfun y Cymer, sydd yn destun balchder iddo. Aeth i Goleg y Drindod i astudio Theatr, Cerdd a'r Cyfryngau, a gweld hysbyseb yn holi am aelodau ar gyfer band newydd sbon. Y canlyniad oedd ffurfio Mega. Mae Rhydian wedi gweithio fel cyflwynydd Planed Plant, La Bamba, i-dot ac Uned 5, ac wedi ennill cystadleuaeth Cân i Gymru. Wrth sgwrsio gyda Beti, fe yw llais y stadiwm yn ystod gemau pêl-droed Cymru a Chaerdydd.

Thu, 16 Nov 2017 12:17:00 +0000

Chwarae Lawrlwythwch

Eryl Besse

Beti George yn sgwrsio gydag Eryl Besse, aelod o Fwrdd y Comisiwn Elusennau. Cafodd ei geni yn Keele, ond ei magu yn Aberystwyth a Comins Coch, ac ar ôl graddio bu'n gweithio i'r cwmni cyfreithiol hynaf yn y byd. Bu'n llwyddiannus yn ei gyrfa yn Llundain a Paris, ac ym mhrifddinas Ffrainc y magodd ei theulu.

Sun, 12 Nov 2017 12:21:00 +0000

Chwarae Lawrlwythwch

Sel Williams

Beti George yn holi Sel Williams o Ffestiniog. Wedi cyfnod o ansicrwydd ynghylch beth i'w wneud ar ôl graddio, i fyd addysg yr aeth yn y pen draw, gan dreulio blynyddoedd lawer ym Mhrifysgol Bangor. Yno, bu'n gweithio ar gyrsiau newydd, gan gynnwys rhai'n ymwneud â datblygiad cymunedol. Does ryfedd, felly, mai'r gymuned leol yw un o'r pethau pwysicaf yn ei fywyd ar ôl ymddeol. Mae tua dwsin o fentrau cymunedol yn Ffestiniog, ac wrth sgwrsio gyda Beti mae Sel yn pwysleisio pa mor hanfodol ydyn nhw yng nghyd-destun un o ardaloedd tlotaf Gorllewin Ewrop. Mae ganddo deimladau cryf am Gymru hefyd, a chyfraniad posib y wlad a'i phobl i'r byd yn ehangach. Ai'r cyfryngau cymdeithasol ydi'r ateb, tybed, yn hytrach na dibynnu ar sefydliadau fel prifysgolion?

Sun, 05 Nov 2017 12:13:00 +0000

Chwarae Lawrlwythwch

Catharine Huws Nagashima

Beti George yn sgwrsio gyda Catharine Huws Nagashima. Wedi'i geni yn Llundain, symudodd y teulu i Sir Fôn pan oedd ond yn bum mis oed. Peiriannydd a oedd wedi astudio cerfluniaeth yn Fienna oedd ei thad, ac artist a bardd oedd ei mham. Does ryfedd, felly, i Catharine ei hun deithio'r byd. Ar ôl cael ysgoloriaeth gan Lywodraeth Ffrainc i astudio yno, aeth ar ei beic modur bob cam o Lundain i Wlad Groeg, ac yng Ngroeg y cyfarfodd â'i gŵr, Kochi. Symudodd y ddau i Japan, a mae'r teulu'n dal yno hyd heddiw, yn byw yn Zushi y tu allan i Tokyo.

Sun, 29 Oct 2017 12:16:00 +0000

Chwarae Lawrlwythwch

David Sinclair

Beti George yn sgwrsio gyda'r Albanwr David Sinclair. Yn wreiddiol o Sterling, aeth i Brifysgol Aberdeen, ond gyda'i ddarpar wraig yn byw yng Nghaerdydd, daeth i Gymru i fyw am gyfnod. Ar ôl dysgu'r iaith, mae bellach yn siarad Cymraeg ers degawdau. Wedi cyfnod o fod yn weithiwr cymdeithasol, hyfforddodd i ddod yn weinidog, ac wrth sgwrsio gyda Beti mae ar fin dechrau ar gyfnod newydd yn ei fywyd. Ar ôl bron i ddeng mlynedd o waith mewn eglwys yn Glasgow, mae ef a'i wraig Mary yn paratoi i symud i Prague, gyda'r bwriad o ymddeol ymhen rhyw bedair blynedd.

Sun, 22 Oct 2017 11:18:00 +0000

Chwarae Lawrlwythwch

Andrew Tamplin

Beti George yn sgwrsio gydag Andrew Tamplin. Yn wreiddiol o Lanelli, cafodd ei fagu ar aelwyd ddwyieithog, a roedd y capel yn rhan bwysig o'r fagwraeth honno. Bu'n canu'r organ yno o oedran ifanc iawn, a daeth i arwain côr merched yn y dref, yn ogystal ag arwain cymanfaoedd canu yn yr ardal. Dod yn athro oedd y nod wrth fynd i Goleg y Drindod, ond newidiodd ei feddwl a mynd i fyd bancio. Aeth hynny ag o i sawl lle gwahanol, gan gynnwys Southampton, Ynysoedd y Philipinau a Manila. Yna, aeth yn sâl gyda blinder meddyliol a chorfforol, a dechreuodd deimlo'n isel iawn. Ar ôl ymddiswyddo o'r banc, a chyfnod o driniaeth i drechu'r iselder, dechreuodd feddwl am gynnig cymorth i eraill gyda'u datblygiad gyrfa. Canna Consulting ydi enw'r cwmni yng Nghaerdydd, a mae'n fusnes sydd wedi tyfu dros y blynyddoedd. Mae'n byw gyda John, ei bartner, sydd wedi bod yn graig iddo drwy'r cwbl, a mae'r ddau yn adeiladu tŷ yn Y Barri.

Sun, 15 Oct 2017 11:18:00 +0000

Chwarae Lawrlwythwch

Elin Jones

Beti George yn sgwrsio gydag Elin Jones. Ar ôl cael ei magu ar fferm yn Llanwnnen, aeth i Gaerdydd i astudio economeg. Doedd gwleidyddiaeth ddim o ddiddordeb mawr iddi pan yn ifanc, ond roedd buddugoliaeth Cynog Dafis yn etholiad cyffredinol 1992 yn ysbrydoliaeth. Ddwy flynedd wedi refferendwm 1997 o blaid datganoli, cafodd ei hethol yn Aelod Cynulliad Ceredigion, a hynny yn enw Plaid Cymru. Mae uchafbwyntiau ei gyrfa'n cynnwys blynyddoedd o fod yn Weinidog Materion Gwledig Cymru, yn ystod cyfnod o gydlywodraethu gyda Llafur. Hi yw Llywydd y Cynulliad erbyn hyn, sy'n golygu aros yn wleidyddol ddiduedd bob amser, yn ogystal â gweithio a chymdeithasu ar yr un pryd. Oherwydd hynny, does dim llawer o amser i hamddena.

Sun, 08 Oct 2017 11:30:00 +0000

Chwarae Lawrlwythwch

Hywel Davies

Beti George yn holi Hywel Davies. Wedi'i eni ym Mhontarddulais, symudodd y teulu i'r gogledd-ddwyrain pan oedd ond yn 18 mis oed, cyn symud yn ôl i'r de flynyddoedd yn ddiweddarach. Ar ôl blynyddoedd o fod yn newyddiadurwr yng Nghymru, gan gynnwys gweithio i HTV yng Nghaerdydd, symudodd i America. O'r wlad honno y daw ei wraig, Charlotte, ond roedd hi wedi dysgu Cymraeg cyn i'r ddau gwrdd. Yn ôl yng Nghymru, symudodd y teulu i Dreforys, ac roedd ei waith teledu'n cynnwys Hel Straeon. Yn 2007, dechreuodd gyhoeddi Y Papur Gwyrdd, sydd bellach yn wefan. Gyda chymorth Charlotte, tynnu sylw at honiadau difrifol gwyddonwyr ynghylch peryglon i'r Ddaear yw'r nod.

Sun, 01 Oct 2017 11:17:00 +0000

Chwarae Lawrlwythwch

Eleri Fôn Roberts

Beti George yn sgwrsio gydag Eleri Fôn Roberts o Lanfairpwll. Yn blentyn swil dros ben, cafodd ei hanfon i ysgol breifat i fagu hyder, ac mae'n diolch i'w rhieni am y penderfyniad hwnnw. Ar ôl colli ei thad, ei brawd a'i darpar ŵr o fewn ychydig flynyddoedd i'w gilydd, aeth i Henffordd i ddechrau o'r newydd. Bu'n gweithio fel nyrs yng Nghaeredin hefyd, ond daeth yn ôl i ogledd Cymru a dechrau canolbwyntio ar weithio gyda phlant a'u teuluoedd. Wrth sgwrsio gyda Beti, mae'n ymddeol fel nyrs arbenigol i blant gyda chanser, ac yn edrych ymlaen at wneud rhywfaint o deithio.

Sun, 24 Sep 2017 11:04:00 +0000

Chwarae Lawrlwythwch

Ian Cottrell

Beti George yn holi Ian Cottrell. Ar ôl dechrau ei yrfa fel athro yn Aberdâr, daeth yn adnabyddus fel cyflwynydd teledu ac aelod o'r grŵp Diffiniad. Mae cerddoriaeth yn dal yn rhan bwysig iawn o'i fywyd, a does ond angen mynd i Glwb Ifor Bach yng Nghaerdydd am brawf o hynny. Yno, mae'n un o DJs Dirty Pop pob nos Sadwrn.

Sun, 17 Sep 2017 11:04:00 +0000

Chwarae Lawrlwythwch

Sian Northey

Beti George yn sgwrsio gyda Sian Northey. Wedi'i magu yn Nhrawsfynydd, mae bellach yn byw ym Mhenrhyndeudraeth. Dod yn filfeddyg oedd ei nod ar un adeg, er bod athrawon Cymraeg a Saesneg yn anhapus iddi ddewis dilyn y gwyddorau, ond gydag amser daeth llenyddiaeth yn ôl i'w bywyd. Wedi sawl swydd, gan gynnwys cyfnodau yng Nghanolfan Ysgrifennu Tŷ Newydd a Gwasg y Bwthyn, penderfynodd weithio ar ei liwt ei hun. Gyda llyfrau i blant ac oedolion wedi'u cyhoeddi ganddi, mae wedi hen ennill ei phlwy fel awdur.

Sun, 10 Sep 2017 11:04:00 +0000

Chwarae Lawrlwythwch

Wyn Bowen Harries

Beti George yn sgwrsio gyda'r actor Wyn Bowen Harries. Wrth astudio biocemeg yn Aberystwyth, roedd yn treulio llawer iawn o'i amser yn Theatr y Werin, ac aeth i'r Coleg Cerdd a Drama yng Nghaerdydd i ddilyn cwrs ôl-radd. Gyda dyfodiad S4C, daeth yn wyneb cyfarwydd i wylwyr y sianel. Mae ei waith ar hyd y blynyddoedd yn cynnwys rhannau yn Dinas, Rownd a Rownd, Pengelli a 35 Diwrnod, ond y ffilm Gadael Lenin yw uchafbwynt ei yrfa. Yn fwy diweddar, dilynodd gwrs MA mewn Rheolaeth Amgylcheddol Gynaliadwy, gan arwain at sefydlu Pendraw - cwmni sy'n ceisio cyfuno profiadau theatrig gyda hanes a gwyddoniaeth.

Sun, 03 Sep 2017 11:05:00 +0000

Chwarae Lawrlwythwch

Albert Francis

Beti George yn holi Albert Francis, cyn-ofalwr ym Mharc yr Arfau a Gerddi Soffia. Beti George chats to Albert Francis, former groundsman at Cardiff Arms Park and Sophia Gardens.

Sun, 27 Aug 2017 11:05:00 +0000

Chwarae Lawrlwythwch

John Grisdale

Beti George yn sgwrsio gyda John Grisdale. Wedi'i eni ym Mangor a'i fagu ym Mhenisarwaun, symudodd i Gaernarfon pan oedd ond yn blentyn bach. Ar ôl gyrfa ym maes addysg, gan gynnwys dod yn bennaeth Ysgol Brynrefail yn Llanrug yn y 1990au, cafodd swydd gyda Heddlu Gogledd Cymru yn gweithio ar gynllun cyswllt rhwng yr heddlu a holl ysgolion Cymru. Mae bellach wedi ymddeol, ond yn dal yn aelod gwirfoddol o Dîm Achub Mynydd Llanberis. Fo hefyd oedd un o sylfaenwyr Clwb Mynydda Cymru ar ddiwedd y 1970au.

Tue, 15 Aug 2017 11:04:00 +0000

Chwarae Lawrlwythwch

Tony Bianchi

Beti George yn sgwrsio gyda'r llenor Tony Bianchi, enillydd Medal Ryddiaith Eisteddfod Genedlaethol Maldwyn a'r Gororau 2015. Beti George interviews litterateur Tony Bianchi.

Sun, 13 Aug 2017 11:05:00 +0000

Chwarae Lawrlwythwch

Irfon Williams

Beti George yn holi Irfon Williams o Fangor wrth iddo frwydro'n erbyn canser ac ymgyrchu er mwyn helpu eraill. Beti George interviews cancer patient and campaigner Irfon Williams.

Sun, 30 Jul 2017 11:05:00 +0000

Chwarae Lawrlwythwch

Vivian Parry Williams

Beti George yn sgwrsio â Vivian Parry Willams. Yn enedigol o Benmachno, mae bellach yn byw ym Mlaenau Ffestiniog, ac yn awdur llyfrau fel Plwyf Penmachno ac Elis O'r Nant - Cynrychiolydd y Werin.

Sun, 23 Jul 2017 11:10:00 +0000

Chwarae Lawrlwythwch

Meg Elis

Beti George yn sgwrsio â Meg Elis. Yn adnabyddus fel gwleidydd, cyfieithydd ac awdur, mae gan y ddwy ddigonedd i'w drafod. Beti George chats to Meg Elis.

Mon, 17 Jul 2017 13:00:00 +0000

Chwarae Lawrlwythwch

Sara Powys

Beti George yn sgwrsio â Sara Powys. Wedi cyfnodau yn gweithio ym meysydd y diwydiant ymwelwyr a iechyd meddwl, hi yw perchennog Coffi Cwtch yng Nghaerdydd.

Thu, 13 Jul 2017 11:05:00 +0000

Chwarae Lawrlwythwch

Dafydd Dafis

Beti George yn holi Dafydd Dafis mewn rhaglen a gafodd ei darlledu'n wreiddiol yn 1985. Wedi'r sgwrs, yn deyrnged i'r diweddar actor a cherddor, mae cyfle i glywed pedair o'r caneuon a gafodd eu recordio ganddo'n ystod ei yrfa.

Sun, 25 Jun 2017 11:45:00 +0000

Chwarae Lawrlwythwch

Marian Wyn Jones

Beti George yn sgwrsio â Marian Wyn Jones, cyn-bennaeth y BBC yng ngogledd Cymru sy'n aelod o sawl corff cyhoeddus ac ymddiriedolaeth elusennol. Beti chats to Marian Wyn Jones.

Sun, 18 Jun 2017 11:00:00 +0000

Chwarae Lawrlwythwch

Rhodri Morgan

Beti George yn holi Rhodri Morgan, cyn-brif weinidog Cymru. Beti George interviews Rhodri Morgan, the former first minister of Wales.

Sun, 11 Jun 2017 11:03:00 +0000

Chwarae Lawrlwythwch

Gwyneth Glyn

Beti George yn holi'r bardd a'r gantores Gwyneth Glyn. Beti George chats to poet and and singer Gwyneth Glyn,.

Fri, 02 Jun 2017 08:00:00 +0000

Chwarae Lawrlwythwch

Helen Greenwood

Beti George yn sgwrsio â Helen Greenwood wrth iddi ymddeol o Urdd Gobaith Cymru wedi chwarter canrif o weithio i'r mudiad yn y de-ddwyrain.

Sun, 28 May 2017 11:05:00 +0000

Chwarae Lawrlwythwch

Derith Rhisiart

Beti George yn holi'r seicotherapydd Derith Rhisiart. Beti George chats to psychotherapist Derith Rhisiart.

Sun, 21 May 2017 12:00:00 +0000

Chwarae Lawrlwythwch

Gwilym Prys-Davies

Beti George yn sgwrsio â'r Arglwydd Prys-Davies, gwleidydd a chyfreithiwr a ymgyrchodd gydol ei oes dros ddatganoli. Fel aelod o'r Blaid Lafur y gwnaeth hynny'n bennaf, wedi iddo adael Plaid Cymru ar ôl methiant ymgais grŵp o bobl i ddylanwadu ar wleidyddiaeth y blaid honno. Yn aelod o Dŷ'r Arglwyddi, daeth yn llefarydd yr wrthblaid ar Gymru, iechyd a Gogledd Iwerddon. Mae hon yn fersiwn fyrrach o sgwrs a gafodd ei darlledu'n wreiddiol mewn dwy ran yn 2007.

Sun, 14 May 2017 12:00:00 +0000

Chwarae Lawrlwythwch

Bryn Fôn

Beti George yn holi Bryn Fôn, un o actorion a chantorion mwyaf poblogaidd Cymru. Beti George chats to Bryn Fôn, one of Wales's most popular actors and singers.

Sat, 13 May 2017 06:00:00 +0000

Chwarae Lawrlwythwch

Beti a'i Phobol: Bryn Fôn - 29/01/1991

Cyfle i wrando eto ar Beti George yn sgwrsio gyda Bryn Fôn nôl yn 1991.

Mon, 10 Apr 2017 06:30:00 +0000

Chwarae Lawrlwythwch

Rosa Hunt

Beti George yn holi'r Parchedig Rosa Hunt, gweinidog ym Mhentre'r Eglwys a gafodd ei geni a'i magu yn Malta. Mae'n trafod ei chefndir teuluol, ei dyddiau yng Nghaergrawnt a Ffrainc, a nawr Cymru.

Thu, 06 Apr 2017 12:00:00 +0000

Chwarae Lawrlwythwch

Kevin 'Kev Bach' Williams

Beti George yn holi Kevin 'Kev Bach' Williams, DJ radio masnachol yng ngogledd Cymru. Beti George chats to Kevin 'Kev Bach' Williams, a commercial radio DJ in north Wales.

Thu, 30 Mar 2017 12:00:00 +0000

Chwarae Lawrlwythwch

Dennis Davies

Beti George yn holi Dennis Davies, un o hoelion wyth ardal Llanrwst sy'n gyfaill yr eisteddfodau bychain a'r gwyliau cenedlaethol. Beti George chats to Dennis Davies from Llanrwst.

Thu, 23 Mar 2017 08:59:00 +0000

Chwarae Lawrlwythwch

Richard Huws

Beti George yn sgwrsio â Richard Huws o fferm Pant Du ym Mhenygroes. Mae'r busnes llewyrchus hwn yn gwerthu gwin, seidr, sudd afal, a dŵr ffynnon.

Mon, 13 Mar 2017 15:02:00 +0000

Chwarae Lawrlwythwch

Siân Gwenllian

Beti George yn holi'r gwleidydd Siân Gwenllian o Blaid Cymru. Ar ôl gweithio fel newyddiadurwr, daeth yn swyddog cyfathrebu i Gyngor Gwynedd, cyn cael ei hethol i gynrychioli'r Felinheli ar y cyngor hwnnw. Newidiodd ei bywyd yn llwyr ym mis Mai 2016, pan gafodd ei hethol yn Aelod Cynulliad Arfon. Yn fam i bedwar o blant, mae'n parhau i fyw yn yr ardal ble cafodd ei magu.

Tue, 07 Mar 2017 17:30:00 +0000

Chwarae Lawrlwythwch

Prydwen Elfed-Owens

Beti George yn sgwrsio â Prydwen Elfed-Owens. Beti George chats to Prydwen Elfed-Owens.

Sun, 26 Feb 2017 12:00:00 +0000

Chwarae Lawrlwythwch

Emyr Glyn Williams

Mae Emyr Glyn Williams yn rhan annatod o ddiwylliant cerddorol Cymru. Yn un o sefydlwyr label recordio Ankst, fe weithiodd gyda rhai o grwpiau mwyaf poblogaidd y wlad fel Gorky's Zygotic Mynci, Catatonia a Super Furry Animals. Mae ei ddiddordeb mewn ffilmiau yr un mor heintus, ag yntau'n gyfarwyddwr ffilm ac awdur llyfr ar y pwnc. Mae bellach yn byw ar Ynys Môn, gan gyfuno bod yn gyfrifol am raglen sinema Pontio ym Mangor â'i waith gydag Ankst Music.

Sun, 19 Feb 2017 12:05:00 +0000

Chwarae Lawrlwythwch

Bethan Rhys Roberts

Mae Bethan Rhys Roberts wedi teithio'r byd yn sgîl ei gwaith fel newyddiadurwraig, yn ogystal â gweithio yn San Steffan am gyfnod. Yn wreiddiol o Fangor, mae'n siarad pedair iaith, ac i'w gweld yn gyson yn cyflwyno Newyddion 9 ar S4C.

Sun, 12 Feb 2017 12:05:00 +0000

Chwarae Lawrlwythwch

Mari Griffith

Cafodd Mari Griffith ei magu ym Maesteg, ond fe deithiodd y byd yn gweithio ar raglenni adloniant a cherddoriaeth. Dyna yw ei byd, ac roedd ei wyneb a'i llais yn gyfarwydd iawn i wylwyr Disc a Dawn. Ar ôl gyrfa faith, mae hi bellach wedi troi ei llaw at ysgrifennu.

Sun, 29 Jan 2017 12:05:00 +0000

Chwarae Lawrlwythwch

Dewi Tudur

Dewi Tudur, yr artist o'r Wyddgrug, yw gwestai Beti George. Fo oedd y cyntaf un i sefyll arholiad Lefel A celf drwy gyfrwng y Gymraeg. Bu'n athro mewn sawl ysgol uwchradd, ond newidiodd ei fywyd yn sgîl gwyliau arbennig yn yr Eidal. Oherwydd hynny, mae bellach yn byw ger Fflorens gyda'i deulu.

Sun, 22 Jan 2017 12:05:00 +0000

Chwarae Lawrlwythwch

Jeremy Turner

Mae Jeremy Turner, a gafodd ei eni'n Aberdâr, yn actor profiadol ac yn adnabyddus am sefydlu Cwmni Theatr Arad Goch yn Aberystwyth. Aeth ati i sefydlu gŵyl theatr ryngwladol Agor Drysau, gan wahodd cwmnïau o Gymru ac o dramor i berfformio. Mae wedi teithio'r byd yn perfformio, ac yn hoff o gynyrchiadau sydd yn delio â materion cyfoes.

Sun, 15 Jan 2017 12:05:00 +0000

Chwarae Lawrlwythwch

Mark Lewis Jones

Yr actor Mark Lewis Jones yw gwestai Beti George mewn rhaglen wedi'i recordio ychydig ar ôl iddo ennill categori'r actor gorau yng Ngwobrau BAFTA Cymru 2016 am ei bortread o Stanley yn Yr Ymadawiad. Wedi'i eni yn Rhosllannerchrugog, dechreuodd ei yrfa gyda Theatr Ieuenctid Clwyd cyn mynd ymlaen i Goleg Cerdd a Drama Caerdydd. Mae ei waith diweddar yn cynnwys Stella, Byw Celwydd a National Treasure.

Wed, 21 Dec 2016 09:29:00 +0000

Chwarae Lawrlwythwch

Ed Holden

Gwers rapio? Pam ddim! Ed Holden, y rapiwr adnabyddus o Borthmadog, sy'n ymuno â Beti George i rannu hanes ei fagwraeth a'i yrfa o Genod Droog i Mr Phormula. Yn ogystal â pherfformio ar hyd a lled Cymru, mae o hefyd wedi bod i lefydd fel Yr Eidal, America, Sbaen a Ffrainc.

Sun, 11 Dec 2016 12:03:00 +0000

Chwarae Lawrlwythwch

Huw Penallt Jones

Mae Huw Penallt Jones wedi dychwelyd at ei wreiddiau ar ôl gyrfa amrywiol a llwyddiannus yn y diwydiant ffilmiau. Cafodd gwrdd â rhai o sêr Hollywood, yn ogystal â James Bond, ac mae ganddo fwy nag un stori ogleisiol am hwn a'r llall. Roedd yn byw ger y ffin â Mecsico am gyfnod, ond mae bellach yn darlithio ym Mhrifysgol Aberystwyth ac ar fin newid cyfeiriad yn gyfan gwbl.

Sun, 04 Dec 2016 12:03:00 +0000

Chwarae Lawrlwythwch

Trefor Davies

Beti George yn holi'r entrepreneur cyfrifiadurol Trefor Davies. Cafodd ei eni yn Llundain cyn treulio cyfnodau yn Nolgellau, Waunfawr ac Ynys Manaw. Wedi gadael yr ysgol, aeth i'r brifysgol ym Mangor cyn symud i Lincoln i weithio i gwmni Marconi.

Sun, 27 Nov 2016 12:00:00 +0000

Chwarae Lawrlwythwch

Awen Iorwerth

Beti George yn holi Awen Iorwerth, llawfeddyg sy'n arbenigo ar yr ysgwydd a'r benelin. Yn wreiddiol o Fôn, fe dreuliodd gyfnodau yn Cape Town, Efrog Newydd a Sydney yn hyfforddi. Mae wedi bod yn ymgynghorydd trawma ac orthopedeg, a bellach yn Gyfarwyddwr Rhaglen Hyfforddiant Llawfeddygon Craidd Cymru.

Sun, 20 Nov 2016 12:00:00 +0000

Chwarae Lawrlwythwch

Brian Jones

Beti George yn sgwrsio â Brian Jones, rheolwr-gyfarwyddwr Bwydydd Castell Howell. Beti George interviews Brian Jones, managing director of Castell Howell Foods.

Sun, 06 Nov 2016 12:00:00 +0000

Chwarae Lawrlwythwch

Glenda Clwyd

Beti George yn holi'r delynores a'r cyn-gyflwynydd teledu, Glenda Clwyd. Beti George interviews Glenda Clwyd, a harpist and former television presenter.

Sun, 30 Oct 2016 12:00:00 +0000

Chwarae Lawrlwythwch

Ken Hughes

Beti George yn holi Ken Hughes o Borthmadog, Cadeirydd Pwyllgor Gwaith Gwyl Cerdd Dant 2016. Beti George interviews Ken Hughes ahead of the 2016 Cerdd Dant Festival.

Sun, 23 Oct 2016 11:00:00 +0000

Chwarae Lawrlwythwch

14/04/2013 - Sioned James

Beti George yn sgwrsio gyda'r arweinyddes ag asiant Sioned James.

Sun, 16 Oct 2016 11:00:00 +0000

Chwarae Lawrlwythwch

09/10/2016

Beti George yn holi Kees Huysmans, gwneuthurwr waffls o Dregroes ac enillydd Rhuban Glas Eisteddfod Genedlaethol 2016. Beti George interviews waffle-maker Kees Huysmans.

Sun, 09 Oct 2016 11:00:00 +0000

Chwarae Lawrlwythwch

Helen Kalliope Smith

Beti George yn holi Helen Kalliope Smith am ei gwreiddiau yng Ngroeg a'i chariad at gathod. Beti George chats to Helen Kalliope Smith about her Greek origins and love of cats.

Sun, 02 Oct 2016 11:00:00 +0000

Chwarae Lawrlwythwch

25/09/2016

Beti George yn holi prif weithredwr Dŵr Cymru, Chris Jones, a dreuliodd amser yr Yr Eidal a'r Almaen. Beti George interviews Chris Jones, chief executive of Welsh Water.

Sun, 25 Sep 2016 11:00:00 +0000

Chwarae Lawrlwythwch

18/09/2016

Beti George yn holi'r ffisegydd atmosfferig, yr Athro Huw Cathan Davies. Beti George interviews atmospheric physicist Professor Huw Cathan Davies OBE.

Thu, 22 Sep 2016 11:00:00 +0000

Chwarae Lawrlwythwch

04/09/2016

Beti George yn holi Cerys Matthews ac Owen Powell o Catatonia yn 1998. Beti George's interview with Cerys Matthews and Owen Powell of Catatonia from 1998.

Fri, 09 Sep 2016 12:10:00 +0000

Chwarae Lawrlwythwch

Stewart Jones (18/05/2008)

Beti George yn holi'r actor Stewart Jones yn 2008. Beti George talks to actor Stewart Jones, originally recorded in 2008.

Sun, 21 Aug 2016 11:45:00 +0000

Chwarae Lawrlwythwch

24/07/2016

Beti George yn holi David Williams o Miami, Florida wrth iddo ymweld â Chymru. Beti George interviews Miami Welshman David Williams on one of his visits to Wales.

Wed, 27 Jul 2016 15:43:00 +0000

Chwarae Lawrlwythwch

17/07/2016 - Elenid Jones

Beti George yn holi Elenid Jones am fyw yng Ngenefa, gweithio i elusen Cymorth Cristnogol, a'i pharatoadau ar gyfer antur fawr ym Madagasgar. Beti George interviews Elenid Jones.

Sun, 17 Jul 2016 11:00:00 +0000

Chwarae Lawrlwythwch

10/07/2016

Beti George yn holi Stephen Jones - cyn-filwr sydd wedi sefydlu busnes hyfforddi awyr agored dwyieithog. Beti George interviews Stephen Jones.

Sun, 10 Jul 2016 11:00:00 +0000

Chwarae Lawrlwythwch

03/07/2016 - Ieuan Jones

Y telynor dawnus o Faldwyn, Ieuan Jones, fydd gwestai Beti George yr wythnos hon. Beti George interviews talended harpist Ieuan Jones from Montgomeryshire.

Sun, 03 Jul 2016 11:00:00 +0000

Chwarae Lawrlwythwch

D Ben Rees

Beti George yn holi D Ben Rees. Yn wreiddiol o Landdewi Brefi,mae'n adnabyddus i wrandawyr Radio Cymru fel un o Gymry Lerpwl. Beti George interviews D Ben Rees.

Sun, 26 Jun 2016 11:00:00 +0000

Chwarae Lawrlwythwch

Gwen Ellis

Beti George yn holi Gwen Ellis - actores llwyfan a theledu sydd bellach yn gweithio fel cynghorydd i elusen Relate Cymru. Beti George interviews Gwen Ellis.

Thu, 16 Jun 2016 11:00:00 +0000

Chwarae Lawrlwythwch

Rhuanedd Richards

Beti George yn holi Rhuanedd Richards wrth i'w chyfnod yn brif weithredwr Plaid Cymru ddod i ben. Beti George interviews Rhuanedd Richards.

Sun, 12 Jun 2016 11:00:00 +0000

Chwarae Lawrlwythwch

Geraint Lovgreen

Beti George yn holi rhai o bobl mwyaf diddorol Cymru, heddiw Geraint Lovgreen. Beti George chats to Geraint Lovgreen.

Sun, 05 Jun 2016 11:00:00 +0000

Chwarae Lawrlwythwch

Alun Owens

Beti George yn holi Alun Owens wrth i'r cyn-barchedig pop obeithio dod yn feddyg. Beti George interviews Alun Owens.

Sun, 29 May 2016 11:01:00 +0000

Chwarae Lawrlwythwch

Iwan Morgan

Beti George yn holi Iwan Morgan. Beti George interviews Iwan Morgan.

Mon, 23 May 2016 07:43:00 +0000

Chwarae Lawrlwythwch

15/05/2016

Beti George yn holi Mair Penri o'r Parc sy'n wyneb cyfarwydd ar lwyfannau'r eisteddfodau a nosweithiau llawen. Beti George interviews Mair Penri.

Sun, 15 May 2016 11:00:00 +0000

Chwarae Lawrlwythwch

Yr Athro John Hughes

Beti George yn holi'r Athro John Hughes, Is-Ganghellor Prifysgol Bangor. Beti George interviews Professor John Hughes, vice chancellor of Bangor University.

Sun, 08 May 2016 11:03:00 +0000

Chwarae Lawrlwythwch

Beti a'i Phobol