"> Podlediad Y Coridor Ansicrwydd

-> Eich Ffefrynnau

Hysbysebu ar wasanaeth Y Pod

Podlediad Y Coridor Ansicrwydd

Y Coridor Ansicrwydd

Owain Tudur Jones a Malcolm Allen sydd yn "Y Coridor Ansicrwydd" ac yn barod i drafod digwyddiadau diweddar y byd pêl-droed yn ogystal â phob math o bethau eraill yng nghwmni Dylan Griffiths.

Gwefan: Y Coridor Ansicrwydd

Chwarae Y Coridor Ansicrwydd

Gwers? Oedd hyn yn ddynion yn erbyn hogiau.

Wedi’r wers bêl-droed yn Wembley nos Iau, lle mae hyn yn gadael tîm Craig Bellamy, sydd yn wynebu her arall enfawr nos Lun - yn erbyn Gwlad Belg, un o gewri pêl-droed y byd - mewn gêm y mae’n rhaid ei hennill os oes unrhyw obaith o orffen ar frig y grŵp ac ennill lle yn Nghwpan y Byd 2026. Hefyd, pwt o werthfawrogiad i’r capten Ben Davies, fydd yn cyrraedd ei 100fed cap dros Gymru nos Lun.

Fri, 10 Oct 2025 13:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Gall Cymru gladdu 'hoodoo' Lloegr?

Dylan Griffiths, Malcolm Allen ac Owain Tudur Jones sy'n asesu gobeithion Cymru i guro Lloegr am y tro cyntaf mewn wyth gêm, a'r tro cyntaf yn Wembley ers 1977. Fydd y rheolwr Craig Bellamy yn dewis ei dîm cryfaf wrth ystyried yr her 'bwysicach' i ddilyn yn erbyn Gwlad Belg? Ai dyma garfan gwanaf Lloegr ers tro?

Ac ar ôl i Russell Martin gael ei ddiswyddo gan Rangers, mae Ows yn rhoi blas o'r driniaeth sarhaus mae ei ffrind wedi ei ddioddef yn yr Alban.

Wed, 08 Oct 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Dwrn gan Jan Molby

Wrth i Abertawe nesu at safleoedd ail-gyfle y Bencampwriaeth diolch i fuddugoliaeth oddi cartref yn Blackburn, mae'r criw yn trafod os ydi dal yn rhy gynnar yn y tymor i gymryd unrhyw sylw o safleoedd ein clybiau yn y tabl. Wedi pedair gêm gartref, dal i ddisgwyl am fuddugoliaeth ar y Cae Ras mae Wrecsam - fydd hynny'n newid gydag ymweliad Birmingham nos Wener?

A sôn am ganlyniadau siomedig gartref, beth yn y byd ddigwyddodd i Gaerdydd yn erbyn Burton Albion, oedd ar waelod Adran Un ar gychwyn y gêm? Parhau mae problemau enbyd Casnewydd - oes unrhyw arwyddion bod gan y rheolwr Dave Hughes atebion i atal rhediad o naw colled mewn 10 gêm.

Ac ar ôl i amddiffynnwr Arsenal rhywsut lwyddo i osgoi unrhyw gosb am ddyrnu Nick Woltemade, mae gan Mal ac Ows atgofion o dderbyn dwrn neu benelin slei ar y cae.

Thu, 02 Oct 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Gwalia United ar garlam i gyrraedd y brig

Mae gan Gwalia United gynlluniau uchelgeisiol iawn. Stadiwm newydd, chwaraewyr yng ngharfan Cymru ac, yn bennaf oll, cyrraedd prif adran clybiau Lloegr, y Women's Super League. Hyn oll o fewn y pum mlynedd nesaf.

Dau yng nghanol y prosiect ydi Trystan Bevan a Casi Gregson. Tra bod Trystan yn defnyddio ei brofiad helaeth ym myd rygbi proffesiynol i geisio gosod y sylfaen am gynnydd a llwyddiant oddi ar y cae, sgorio goliau yw nod Casi er mwyn cychwyn y daith o drydedd haen Lloegr i'r brig. Mae'r ddau yn esbonio wrth Ows a Mal sut yn union maen nhw'n bwriadu gwneud hynny...

Wed, 24 Sep 2025 15:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Cymru'n symud cartref a Parky dan bwysau

Mae bron i saith mlynedd bellach wedi mynd heibio ers i Gymru chwarae yn Stadiwm Principality, ond fydd hynny'n newid cyn hir o dan gynllun Cymdeithas Bêl-droed Cymru. Ymateb cymysg sydd wedi bod gan y cefnogwyr, ond mae Ows a Mal yn gweld synnwyr y syniad er mwyn paratoi at y posibilrwydd o chwarae gemau yn y stadiwm yn Ewro 2026...cyn belled bod gemau rhagbrofol ddim yn symud o Stadiwm Dinas Caerdydd.

Mae cryn amser hefyd ers i Wrecsam golli gymaint o gemau. QPR oedd y diweddaraf i guro criw y Cae Ras ddydd Sadwrn. Oes 'na bwysau ar y rheolwr Phil Parkinson? Mae gan Ows neges chwyrn at unrhyw gefnogwr sy'n galw am ei ddiswyddo. Ac mae gan Dyl her annisgwyl i Conor Coady...

Thu, 18 Sep 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Cip i'r dyfodol wrth i Ganada danio Bellamy

Roedd 'na gyfle i gael cip o'r dyfodol yn Abertawe wrth i rai o chwaraewyr ifanc Cymru wynebu tîm graenus Canada mewn gêm gyfeillgar. Ac er colli 1-0, mi welodd y criw ddigon i gredu bod 'na genhedlaeth newydd yn barod i dorri drwodd. Digon i'r rheolwr Craig Bellamy - doedd ddim rhy hapus gyda dathliadau'r ymwelwyr - asesu cyn y ddwy her enfawr i ddod yn erbyn Lloegr a Gwlad Belg fis nesaf.

Nôl i'r bara menyn dros y penwythnos wrth i'r gemau clybiau ddychwelyd, a chyfle i Wrecsam ac Abertawe gynnwys rhai o'r chwaraewyr arwyddodd ar ddiwedd y ffenestr drosglwyddo am y tro cyntaf.

Thu, 11 Sep 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Cymru yn crafu buddugoliaeth yn erbyn Kazakhstan

Roedd hi'n bell o fod yn gyfforddus, ond llwyddodd Cymru i adael Kazakhstan gyda thri phwynt hollbwysig yn rowndiau rhagbrofol Cwpan y Byd - tri phwynt sydd yn mynd â nhw i frig y grŵp. Rhoddodd gôl Kieffer Moore y sylfaen berffaith i Gymru yn yr hanner cyntaf, ond siomedig oedd yr ail hanner. Tarodd y tîm cartref y trawst ddwywaith - gydag un o'r ergydion hynny yn dod gyda chic ola'r gêm. Oes 'na le i boeni am y perfformiad, ta'r canlyniad ydi'r unig beth sy'n cyfri? Roedd 'na dipyn o anghytuno ynglŷn â hynny rhwng y criw!

Ond un peth sy'n sicr, roedd pawb wedi rhyfeddu gan berfformiad di-fai Dylan Lawlor yng nghanol yr amddiffyn wrth iddo ennill ei gap cyntaf. Seren newydd y dyfodol

Fri, 05 Sep 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Dwi'n licio'r positifrwydd 'ma!

Am y tro cyntaf ers sbel, mae gan y criw ddigon o reswm i deimlo'n obeithiol am obeithion clybiau Cymru. Yn ogystal â chanlyniadau addawol, mae Abertawe wedi cryfhau'r garfan gan wario'n sylweddol ar chwaraewyr newydd am y tro cyntaf ers tro. Ac er nad ydi canlyniadau Wrecsam wedi bod cystal, does dim posib cwestiynu’r uchelgais wrth i'w gwariant nhw dros yr haf fynd heibio £30m.

Mae Caerdydd hefyd wedi synnu nifer drwy arwyddo Omari Kellyman ar fenthyg - chwaraewr canol cae symudodd i Chelsea am £19m y llynedd. A phrin fod cefnogwyr yn gallu cwyno efo'r perfformiadau ar y cae wrth i'r Adar Gleision godi i frig Adran Un. Dydi pethau ddim cystal yng Nghasnewydd, ond dyddiau cynnar ydi hi i'r rheolwr newydd Dave Hughes...

Ac wrth gwrs, mae gan Gymru daith hir i Kazakstan ar gyfer gêm ragbrofol Cwpan y Byd 2026. Ydi diffyg munudau rai o amddiffynwyr Cymru am greu penbleth i'r rheolwr Craig Bellamy?

Wed, 03 Sep 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Crwydro draw i Kazakhstan

Owain Llyr sy’n ymuno ag OTJ a Mal i edrych ymlaen at gêm Cymru yn Kazakhstan

Thu, 28 Aug 2025 14:00:00 +0000

Chwarae Play

Chwarae Lawrlwythwch

Mwy

Chwarae Y Coridor Ansicrwydd

Aduniad cyn llinell flaen Watford

Mae Dylan Griffiths a Malcolm Allen yn cael cwmni Iwan Roberts. Mae yna atgofion am ganu gyda Elton John, ac wedi’r dechrau da mae o wedi ei gael gyda Chaerdydd y tymor yma fydd clybiau yn cadw golwg ar Rubin Colwill?

Wed, 20 Aug 2025 16:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

'Pan o'n i'n tŷ Kevin Keegan ddoe...'

Dylan Griffiths, Owain Tudur Jones a Malcolm Allen sy'n asesu perfformiadau a chanlyniadau cynnar pedwar prif glwb Cymru, a'r safleoedd sydd angen eu cryfhau yn y garfan.

Ac yn ddigon lwcus i Mal, ddoth sefyllfa Alexander Isak yn Newcastle United i fyny yn y sgwrs... cyfle perffaith felly i ddangos bod o dal yn cymysgu yn yr un cylchoedd â rhai o'r mawrion!

Thu, 14 Aug 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Gobaith, gwynt a glaw ar faes Eisteddfod Wrecsam

Cyn hir, mi fydd Wrecsam yn chwarae yn ail haen pêl-droed Lloegr am y tro cyntaf mewn 43 o flynyddoedd. Lle gwell, felly, i drafod gobeithion a disgwyliadau'r clwb nag ar faes Eisteddfod Genedlaethol Wrecsam? Ac er gwaetha'r gwynt a'r glaw, mae Dylan, Mal ac Ows yn cael cwmni tri aelod o'r clwb. Yn gyntaf, sgwrs efo Huw Birkhead, sydd yn dysgu Cymraeg i chwaraewyr, staff a chefnogwyr y clwb. Ac yna Cledwyn Ashford, y sgowt a'r gwirfoddolwr sydd wedi gwneud cymaint dros y clwb. Ac mae ganddo egsliwsif neu ddau i rannu hefyd...

Mi fydd tymor Abertawe hefyd yn cychwyn ddydd Sadwrn. Oes 'na obaith am fwy na thymor arall yng nghanol y tabl? A beth fydd effaith mewnbwn Snoop Dogg a Luka Modric? Ac wrth gwrs, mae'r tymor wedi cychwyn yn barod i Gaerdydd a Chasnewydd.

Tue, 05 Aug 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Cychwyn newydd, gobaith newydd?

Dylan Griffiths, Owain Tudur Jones a Malcolm Allen sy'n pwyso a mesur sut dymor fydd hi i Gaerdydd a Chasnewydd o dan eu rheolwyr newydd. A pham bod cefnogwyr Abertawe yn dechrau troi ar gefnogwyr Wrecsam..?

Tue, 29 Jul 2025 18:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Diwedd yr antur ond cychwyn y daith

Dylan Griffiths, Owain Tudur Jones a Malcolm Allen sy'n trafod sut all Cymru adeiladu ar ei ymddangosiad hanesyddol cyntaf yn rowndiau terfynol un o'r prif gystadlaethau rhyngwladol. Colli tair, chwarae tair ydi'r ffeithiau moel. Ond y gobaith yw fydd effaith cyrraedd Y Swistir i'w deimlo am flynyddoedd i ddod.

A pham yn y byd bod y rapiwr Snoop Dogg yn hyrwyddo crys newydd Abertawe..?!

Tue, 15 Jul 2025 18:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Ewro 2025: Jess, pwy arall?!

Fel y disgwyl, roedd Ffrainc yn rhy gryf i Gymru ond roedd digon o reswm i ddathlu. Roedd wyneb Jess Fishlock, ac ymateb yr holl garfan, yn adrodd cyfrolau wrth iddi ddathlu sgorio gôl gyntaf Cymru yn rowndiau terfynol Pencampwriaeth Ewrop... a chreu record newydd yn y broses fel y sgoriwr hynaf yn hanes yn gystadleuaeth.

Catrin Heledd sy'n ymuno efo Dylan Griffiths, Malcolm Allen ac Owain Tudur Jones i ddadansoddi noson hanesyddol i Gymru, ac edrych ymlaen at yr her olaf yn erbyn yr hen elyn.

Thu, 10 Jul 2025 13:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Ewro 2025: Cymru (ac OTJ) yn teimlo gwres Y Swistir

Oedd yr emosiwn yn ormod? Oedd tactegau Rhian Wilkinson yn anghywir? Oes rhaid derbyn bod Cymru lefel yn is na goreuon Ewrop? Dyna rai o'r cwestiynau i'w hateb wrth i gyn flaenwr Cymru Gwennan Harries ymuno gyda Dylan Griffiths, Malcolm Allen ac Owain Tudur Jones i ddadansoddi'r golled o 3-0 yn erbyn Yr Iseldiroedd yn Ewro 2025.

Ond y cwestiwn pwysicaf oll - pam bod OTJ wedi dychryn am ei fywyd mewn sawna..?!

Tue, 08 Jul 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Ewro 2025: Yr aros mawr bron ar ben

Mae Kath Morgan wedi cyrraedd Y Swistir - ac mae'r emosiynau'n hedfan. Bron i 20 mlynedd ers iddi roi'r gorau i chwarae dros ei gwlad, prin fod Kath yn gallu coelio bod Cymru yn cystadlu ymysg prif dimau Ewrop am y tro cyntaf. Fydd hyn yn gam rhy bell i'r merched? Fydd Sophie Ingle yn cychwyn y gêm gyntaf? Pa mor bwysig fydd profiad Rhian Wilkinson yn arwain y garfan? Mae 'na lot i drafod efo Dyl, Ows a Mal!

Thu, 03 Jul 2025 13:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Ffydd, Gobaith, Cariad

Rhyfedd sut mae colled gallu teimlo mor dda a buddugoliaeth mor siomedig. Bu bron i ni weld un o ganlyniadau gorau yn hanes Cymru yng Ngwlad Belg wrth frwydro nôl o dair gôl i lawr, ond gadael yn waglaw bu'n rhaid gwneud. Tridiau yng nghynt, digon fflat oedd yr ymateb ar ôl curo Liechtenstein o dair gôl i ddim. O ganlyniad, mae Cymru wedi disgyn i ail yn y grŵp yn rowndiau rhagbrofol Cwpan y Byd 2026.

Pa wersi ddysgodd Craig Bellamy o'r ddwy gêm? Pa mor arwyddocaol fydd peidio cymryd pwyntiau oddi ar Wlad Belg? Pam na allith Kevin de Bruyne ddim ymddeol?!

A pam bod Caerdydd yn cael gymaint o drafferth i benodi rheolwr? Mae gan Malcolm neges arbennig i Vincent Tan...

Thu, 12 Jun 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Siom a phryder i Gymru cyn antur fawr Ewro 2025

Doedd hi ddim y ffarwel delfrydol i garfan Rhian Wilkinson wrth chwarae am y tro olaf cyn Ewro 2025 yn Y Swistir. Roedd y gêm yn Abertawe wedi ei cholli cyn hanner amser wrth i'r Eidal sgorio pedair gôl yng ngem olaf yr ymgyrch yng Nghrŵp A Cynghrair Y Cenhedloedd. Mi fydd Cymru felly yn mynd i'w ymddangosiad cyntaf yn rowndiau terfynol un o brif gystadlaethau'r byd heb ennill yn eu chwe gêm ddiwethaf.

Pa wersi fydd Wilkinson wedi eu dysgu o'r ymgyrch? Sut all Cymru gynnig fwy o fygythiad ymosodol? Pwy sydd heb wneud digon i ennill lle yn y garfan? Fydd Sophie Ingle yn rhedeg allan o amser er mwyn profi ei ffitrwydd?

Mae hi'n gyfnod prysur i'r dynion hefyd gyda dwy gêm yn rowndiau rhagbrofol Cwpan y Byd. Buddugoliaeth swmpus yw'r disgwyliad yn erbyn Liechtenstein. Fydd 'na noson "hanesyddol" i ddilyn yng Ngwlad Belg..?

Thu, 05 Jun 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Croeso Kpakio!

Ronan Kpakio oedd yr enw annisgwyl i'w gynnwys gan Craig Bellamy yng ngharfan Cymru ar gyfer y gemau yn erbyn Liechtenstein a Gwlad Belg yn rowndiau rhagbrofol Cwpan y Byd 2026. Chwe ymddangosiad yn unig sydd gan yr amddiffynnwr dros Gaerdydd, ond Bellamy yn proffwydo gyrfa ddisglair i'r chwaraewr 19 mlwydd oed.

Cyn y gemau hynny, bydd ymgyrch tîm Rhian Wilkinson yn dod i ben yng Nghynghrair y Cenhedloedd - dau gyfle olaf i geisio curo un o fawrion Ewrop cyn Ewro 2025. Fydd Sophie Ingle ar yr awyren i'r Swistir?

Mae 'na Gymro wrth y llyw yng Nghasnewydd... a Chymraes swnllyd yn dod efo fo!

Thu, 29 May 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Gwobrau Diwedd Tymor 2024/25

Dylan Griffiths, Owain Tudur Jones and Malcolm Allen sy'n trafod y da, y drwg a'r digri o'r tymor a fu.

Thu, 08 May 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Joe Allen - un o'r goreuon erioed

Dylan Griffiths, Owain Tudur Jones a Malcolm Allen sy'n i chwaraewr canol cae Cymru ac Abertawe Joe Allen wrth iddo gyhoeddi fod ei yrfa hynod lwyddiannus ar fin dod i ben.

Mae'r hogia' hefyd yn trafod y gwaith fydd gan reolwr Abertawe Alan Sheehan i ddenu chwaraewyr newydd i'r clwb dros yr haf, a'r dasg anoddach fyth sydd gan berchennog Caerdydd Vincent Tan i fabwysiadu strwythur gwell oddi car y cae er mwyn ceisio esgyn yn syth nol i'r Bencampwriaeth y tymor nesaf.

Fri, 02 May 2025 14:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Fyny, fyny a fyny eto!

Wrth ddathlu trydydd dyrchafiad yn olynol ar y Cae Ras nos Sadwrn, dim ond un cwestiwn oedd ar wefusau cefnogwyr Wrecsam... 'ble mae Waynne Phillips?!' Yn wyliwr cyson ers blynyddoedd lu bellach - unai fel sylwebydd neu gefnogwr - mae Waynne wedi dilyn y daith o'r Gynghrair Genedlaethol yn agosach na neb. Ond doedd o ddim yno i ddathlu gyda'r perchnogion Ryan Reynolds a Rob McElhenney, y rheolwr Phil Parkinson a'i chwaraewyr a'r miloedd o gefnogwyr. Pam? Gawn ni'r ateb gan y dyn ei hun, yn ogystal â'i farn am sut all Wrecsam gystadlu yn y Bencampwriaeth tymor nesaf.

Tue, 29 Apr 2025 09:30:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Rhy hwyr i Rambo greu gwyrth yng Nghaerdydd?

Gyda thair gêm yn weddill o'r tymor, mae Caerdydd wedi penderfynu ymateb i'r argyfwng amlwg drwy ddiswyddo'r rheolwr Omer Riza a gobeithio bydd yr arwr lleol Aaron Ramsey yn gallu ysbrydoli atgyfodiad. Ond wrth i'r timau eraill ger gwaelod y tabl barhau i ennill pwyntiau gwerthfawr, mae Mal ac Ows yn pryderu bod hi'n rhyw hwyr i newid trywydd tymor hynod siomedig.

Parhau i ennill mae Abertawe, serch hynny, ond tydi Ows dal ddim yn credu mai penodi Alan Sheehan yn rheolwr parhaol ydi'r ateb.

Ac am ddiweddglo sydd ar y gweill yn yr Adran Gyntaf wrth i Wrecsam a Wycombe gyfnewid lle unwaith eto yn yr ail safle hollbwysig. Gêm enfawr arall i ddod ar y Cae Ras ddydd Sadwrn wrth i Charlton ymweld, gyda'i rheolwr Nathan Jones yn ychwanegu hyd yn oed mwy o sbeis i'r achlysur wrth alw'r clwb yn "syrcas"!

Thu, 24 Apr 2025 09:30:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Va va voom bois bach

Dyl, Malcs ac OTJ sy'n trafod taith Owain i Como a buddsoddiad Luka Modric yn Abertawe.

Thu, 17 Apr 2025 09:37:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Pwy sydd angen Harry Kane pan mae gen ti Hanna Cain?

Dylan Griffiths, Owain Tudur Jones a Malcolm Allen sy'n dathlu perfformiadau a chanlyniadau merched Cymru yng Nghynghrair y Cenhedloedd a'r cynnydd o dan y rheolwr Rhian Wilkinson.

Er gwaethaf dwy gêm gyfartal oddi cartref, mae Caerdydd yn parhau yn y safleoedd disgyn yn y Bencampwriaeth. Ydi'r cefnogwyr wedi colli gobaith yn barod?

Mae'r momentwm tuag at ddyrchafiad yn parhau yn Wrecsam - mae eu dynged yn eu dwylo eu hun ar ôl i Wycombe ollwng rhag o bwyntiau.

Ac am y tro cyntaf erioed yn hanes y podlediad, mae ffocws Mal yn cael ei chwalu wrth weld ci yn neud ei fusnes yn ei ardd ffrynt.

Thu, 10 Apr 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Dim ond mis sydd i fynd o'r tymor!

Mwyaf sydyn, mae'r tymor wedi cyrraedd y pedwar wythnos olaf. Ac mi fydd hi'n ddiweddglo llawn tensiwn i Gaerdydd a Wrecsam, wrth iddyn nhw frwydro am bwyntiau gwerthfawr ar resymau gwahanol iawn.

Mae Wrecsam yn parhau tri phwynt yn glir o Wycombe yn y ras am yr ail safle yn Adran Un, ond wedi chwarae un gêm yn fwy. Be sydd orau adeg yma o'r tymor felly? Pwyntiau ar y bwrdd ta tynged yn nwylo eich hun? Wrth reswm, mae yna wahaniaeth barn rhwng Ows a Mal.

Mae'r ddau hefyd wedi anghytuno ers tro am dynged Caerdydd tymor yma. Ond ar hyn o bryd, does 'na fawr o dystiolaeth i awgrymu mai llwyddo i aros yn y Bencampwriaeth fydd yr Adar Gleision.

Ac ydi Rhian Wilkinson yn iawn i ofyn am fwy o gefnogaeth i ferched Cymru yng ngemau Cynghrair y Cenhedloedd?

Thu, 03 Apr 2025 10:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Brooks yn achub Cymru (ac Allen) yn Skopje

Wel am ddiweddglo yn Skopje! Camgymeriad hollol anarferol Joe Allen yn rhoi gôl ar blât i Ogledd Macedonia, cyn i David Brooks fanteisio ar ddau gamsyniad amddiffynnol gan y tîm cartref i achub gêm gyfartal oedd perfformiad Cymru yn ei haeddu. Hyn i gyd wedi'r cloc basio 90 munud!

Felly, mae record ddiguro Craig Bellamy fel rheolwr yn parhau, a Chymru yn gyfartal ar frig y grŵp gyda Gogledd Macedonia wedi dwy gêm. Digon i'r 'ogia drafod, ac yn rhoi amser i Owain "ro’n i'n barod i gwffio" Tudur Jones setlo lawr.

Thu, 27 Mar 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Haway Cymru!

Dylan Griffiths, Owain Tudur Jones a Malcolm Allen sy'n 'dathlu' buddugoliaeth Newcastle United yn erbyn Lerpwl yng Nghwpan y Gynghrair ac yn ysu i weld Cymru yn cychwyn eu hymgyrch yng ngemau rhagbrofol Cwpan y Byd 2026.

Wed, 19 Mar 2025 14:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Ergyd drom i Ramsey wrth i Gaerdydd faglu eto

Dylan Griffiths, Owain Tudur Jones a Malcolm Allen sy'n trafod anaf diweddaraf Aaron Ramsey mewn cyfnod allweddol i Gaerdydd a Chymru. Ac ydi dyfodol Omer Riza mewn peryg gyda'r Adar Gleision wrth i'w sefyllfa ddwysáu ger waelod y Bencampwriaeth?

Thu, 13 Mar 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Dwi ddim isho clod!

Mae Dylan Griffiths yn chwarae gêm beryglus. Nid yn unig ydi o'n penderfynu beirniadu Malcolm Allen am safon ei broffwydo, ond mae o hefyd yn mynd mor bell â dweud wrtho am ymddiheuro. Eithaf hawdd proffwydo pa fath o ymateb cafodd o i hyn...

Mae Owain Tudur Jones yn ei chael hi hefyd, ac mae hwnnw yn ychwanegu cefnogwyr Aberystwyth arall i'w restr (hirfaith erbyn hyn) o bethau sy'n mynd "ar ei nyrfs". Tensiwn diwedd tymor bois bach, peidiwch â sôn!

Thu, 06 Mar 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Pot Meet Kettle!

Owain Tudur Jones, Malcolm Allen a Dylan Griffiths yn rhoi'r byd pêl-droed yn ei le.

Mae Dyl, Ows a Malcs yn trafod canlyniad gwych Cymru ac adfywiad Caerdydd ac Abertawe.

Thu, 27 Feb 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Sut mae datrys problemau Abertawe?

Mae Abertawe yn chwilio am eu 10fed rheolwr mewn naw mlynedd ôl diswyddo Luke Williams.. Ac mae Ows yn poeni fod y clwb yn syrthio mewn i "drwmgwsg" tuag at Adran Un. Pwy fydd y nesa' i gymryd yr awenau? Fydd y clwb yn barod i'w gefnogi drwy arwyddo mwy o chwaraewyr?

Tydi sefyllfa Caerdydd heb wella chwaith yn dilyn canlyniadau siomedig, ac mae Wrecsam wedi colli bach o dir yn y ras am ddyrchafiad awtomatig wrth golli eto ar y Cae Ras. Ond mae hi'n gyfnod cyffrous i dîm merched Cymru wrth iddyn nhw gychwyn eu hymgyrch yn Adran A Cynghrair y Cenhedloedd yn erbyn Yr Eidal a Sweden.

Thu, 20 Feb 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Fasa Trunds di chwarae i Uganda!

Ydi byw yng Nghymru am bum mlynedd yn ddigon i fod yn gymwys i ennill cap cenedlaethol? Dyna'r brif drafodaeth ymysg Dyl, Ows a Mal yn dilyn ymgais Cymdeithas Bêl-droed Cymru i newid y rheolau presennol er mwyn gallu cynnwys Matt Grimes yn y garfan.

Mae'r tri hefyd yn trafod y cyhoeddiad ynglŷn â pha glybiau fydd yn ymuno gyda'r Cymru Premier pan fydd y gynghrair genedlaethol yn ehangu i gynnwys 16 tîm yn nhymor 2026-27. Ac mae Dyl yn esbonio pam oedd o wedi gwylltio'n gacwn ddydd Sadwrn.

Thu, 13 Feb 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Pysgota mewn llyn heb bysgod...na dŵr!

Dylan Griffiths, Owain Tudur Jones a Malcolm Allen sy'n asesu sefyllfa Abertawe, Caerdydd, Wrecsam a Chasnewydd ar ddiwedd ffenestr drosglwyddo mis Ionawr. Ac ar ôl dangos ei wir deimladau am 'yr Ayatollah' yn ddiweddar, mae 'na rywbeth arall bellach yn mynd "ar nyrfs" OTJ...

Wed, 05 Feb 2025 14:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Ionawr i'w anghofio i Abertawe

Capten yn gadael, rheolwr yn gwylltio'r cefnogwyr, un pwynt o pum gêm - mae hi wedi bod yn fis hunllefus i Abertawe. Ydyn nhw mewn peryg o ddisgyn o dan Caerdydd yn y tabl mwyaf sydyn? Ond er gwaethaf y siom o weld yr Elyrch yn colli'n drwm yn Norwich, mi gafodd Owain noson i'w chofio yn un o'r tafarndai lleol...

Thu, 30 Jan 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

OTJ yn colli ei ben dros yr 'Ayatollah'

Mae buddugoliaeth fawr Caerdydd dros Abertawe wedi ennyn ymateb syfrdanol gan OTJ, wrth iddo droi ar un o ddathliadau enwocaf cefnogwyr Abertawe. Ac wrth gwrs, mae Malcolm Allen yn cymryd gryn bleser yn yr holl beth...

Thu, 23 Jan 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Mick McCarthy - bang!

Dylan Griffiths, Owain Tudur Jones a Malcolm Allen sy'n edrych ymlaen at darbi de Cymru rhwng Caerdydd ac Abertawe, ac yn trafod sefyllfa niwlog Uwch Gynghrair Cymru sy'n oedi'r hollt ganol tymor.

Thu, 16 Jan 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Wyt ti 'di pwdu?!

Oes 'na gyfle a sioc yn nhrydedd rownd Cwpan FA Lloegr i Gaerdydd ac Abertawe? Fe all yr Adar Gleision anghofio am y pwysau o geisio osgoi disgyn i'r Adran Gyntaf wrth iddyn nhw deithio Sheffield United, ac mi fydd yr Elyrch yn edrych i fanteisio ar y blerwch sydd yn Southampton ar hyn o bryd.

Mae rheolwr Arsenal Mikel Arteta yn ei chael hi am ei sylwadau am safon y bêl yn rownd gynderfynol Cwpan y Gynghrair yn erbyn Newcastle - gêm mae'n debyg sydd wedi ysgogi tröedigaeth i Malcolm "Toon Army" Allen.

Thu, 09 Jan 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Chwilio am ddarnau coll y jig-so

Dylan Griffiths, Owain Tudur Jones a Malcolm Allen sy'n asesu cyfnod prysur y Nadolig i glybiau Cymru (ac yn mynnu trafod Lerpwl).

Fri, 03 Jan 2025 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Mynydd i'w ddringo yn Y Swistir a thaith bell i Kazakhstan

Profi pawb yn anghywir - dyna'r her i dîm Rhian Wilkinson yn ôl Malcolm ac Owain ar ôl cael grŵp anodd tu hwynt yn rowndiau terfynol Ewro 2025, sy'n cynnwys Ffrainc, Iseldiroedd a Lloegr. Ond roedd lwc o blaid Craig Bellamy pan ddaeth yr enwau allan o'r het ar gyfer rowndiau rhagbrofol Cwpan y Byd 2026. Mae'r hogia wedi cyffroi yn lan yn barod ac wedi mynd ati i wneud gwaith ymchwil manwl iawn ar y gwrthwynebwyr Gwlad Belg, Gogledd Macedonia, Kazakstan a Liechtenstein.

Roedd hi'n benwythnos eithaf siomedig ar y cyfan i bedwar prif glwb Cymru, ac mae Owain wedi gweld digon yn barod... "mae Caerdydd yn mynd i lawr!"

Thu, 19 Dec 2024 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Malcolm mewn stydiau pren a lledr

Dylan Griffiths, Owain Tudur Jones a Malcolm Allen sy'n canmol rhediad arbennig Wrecsam a chwarae graenus cyson Matt Grimes ond yn poeni am obeithion Caerdydd o godi fyny'r Bencampwriaeth. Ac mae Mal yn datgelu ffaith syfrdanol ei fod wedi chwarae pêl-droed yn y canol oesoedd...

Wed, 11 Dec 2024 15:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Dathliadau Dulyn wrth i Gymru gyrraedd Y Swistir

Dylan Griffiths, Owain Tudur Jones a Malcolm Allen sy'n dathlu buddugoliaeth hanesyddol Cymru i gyrraedd Pencampwriaeth Merched Ewro 2025. Roedd Ows yn ei chanol hi yn Nulyn yn gwylio tîm Rhian Wilkinson yn curo Gweriniaeth Iwerddon yn rownd derfynol y gemau ail-gyfle, ac yn fwy na hapus i ymuno yn y dathliadau yng nghanol y ddinas tan oriau man y bore.

Roedd 'na fwy o ddathlu ar y Cae Ras hefyd lle welodd Dyl fuddugoliaeth arall i Wrecsam, ac mae'r tri yn ddigon bodlon eu byd hefyd wrth weld cychwyn arbennig Arne Slot yn parhau gyda Lerpwl.

Thu, 05 Dec 2024 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Carrie Jones a Mared Griffiths

Owain Tudur Jones a Malcolm Allen sy'n cael cwmni Carrie Jones a Mared Griffiths o garfan Cymru cyn dwy gêm enfawr yn erbyn Gweriniaeth Iwerddon yn gemau ail-gyfle Ewro 2025. Cawn wybod pam fod Carrie wedi dewis symud i chwarae i Sweden a hithau dim ond yn 21 oed, tra bod Mared yn adrodd ei thaith o Drawsfynydd i Manchester United - a sut mai "gweithio fel ci" yn hel defaid ar y fferm deuluol oedd ei ymarfer ffitrwydd.

Hefyd, fydd Caerdydd yn cynnig y swydd rheolwr i Steve Cooper? Nid am y tro cyntaf, mae yna wahaniaeth barn rhwng yr hogia...

Wed, 27 Nov 2024 13:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

A am ardderchog

Dylan Griffiths, Owain Tudur Jones a Malcolm Allen sy'n dathlu dyrchafiad Cymru i Adran A Cynghrair y Cenhedloedd ac yn gwerthuso cyfraniad y rheolwr Craig Bellamy i'r ymgyrch.

Thu, 21 Nov 2024 12:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Taith i Dwrci yn 'llinyn mesur' i Bellamy

Dylan Griffiths, Owain Tudur Jones a Malcolm Allen sy'n edrych ymlaen at weld os fydd Cymru yn gallu dangos "dewrder" mewn meddiant wrth chwarae oddi cartref yn erbyn Twrci.

Thu, 14 Nov 2024 12:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Craig ar grwydr drwy Gymru

Dylan Griffiths, Owain Tudur Jones a Malcolm Allen sy'n asesu pedwar mis cyntaf Craig Bellamy wrth y llyw fel rheolwr Cymru - y canlyniadau ar y cae, ei berthynas gyda'r wasg â'i ymweliadau i glybiau lleol ar hyd a lled Cymru.

Thu, 07 Nov 2024 12:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Fishlock yn ysbrydoli Cymru eto

Dylan Griffiths, Malcolm Allen ac Owain Tudur Jones sy'n rhyfeddu at berfformiad arwrol arall gan Jess Fishlock wrth iddi ysbrydoli Cymru at fuddugoliaeth yn erbyn Slofacia yn rownd gynderfynol gemau ail-gyfle Ewro 2025.

Thu, 31 Oct 2024 12:30:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Cymru, Caerdydd ac Alton Towers

Dylan Griffiths, Owain Tudur Jones a Malcolm Allen sy'n ystyried gobeithion Cymru yn erbyn Slofacia yng ngemau ail-gyfle gemau rhagbrofol pencampwriaeth Ewro 2025 i ferched. Pwy fydd yn gallu camu mewn i esgidiau Sophie Ingle a fydd Jess Fishlock yn holliach?

Ydi Omer Riza wedi gwneud digon i gael ei benodi'n rheolwr newydd Caerdydd? Mae o'n sicr i weld yn cael y gorau allan o Rubin Colwill. A pham bod Owain druan wedi torri ei galon yn Alton Towers..?

Thu, 24 Oct 2024 11:00:00 +0000

Chwarae Play

Chwarae Lawrlwythwch

Chwarae Y Coridor Ansicrwydd

Croeso cynnes i Steve Cooper yn Abertawe?

Owain Tudur Jones a Malcolm Allen sy'n ystyried sut groeso geith Steve Cooper wrth ddychwelyd i Abertawe yn rheolwr Nottingham Forest, ac yn trafod cyflogau mawr chwaraewyr ifanc.

Thu, 09 Dec 2021 13:00:00 +0000

Chwarae Play

Chwarae Lawrlwythwch