Yn syml, mae’n hawdd.
Mae Podlediad yn ffordd i gyrraedd cynulleidfa byddwch chi ddim yn cyrraedd trwy wefan neu blog.
Mae ’na dwf yn y niferoedd o bobol sy’n gwrando ar bodlediadau yn gyson. Mae ’na ddisgwyl i’r nifer yma tyfu dros y blynyddoedd nesaf.
Mae ’na siawns i gysylltu gyda chynulleidfa ar lefel mwy personol.
Gyda syniad da, a bach o hyder technegol, yr ydych yn fwy na barod i ddechrau creu podlediad eich hun.
1. Cynlluniwch
Allai ddim crybwyll hyn digon, mae angen cynllunio eich Podlediad. Mae dilyn cynllun yn gwneud Podledu yn haws.
Faint o bodlediadau ydych chi eisiau cyhoeddi pob mis? Pa bynciau ydych chi eisiau trafod ac mewn pa drefn? Pryd ydych chi eisiau cyhoeddi rhifyn newydd? Ac yn y blaen.
Mae creu calendar ar gyfer podledu yn creu syniad clir o be chi angen ar gyfer pob pennod.
Ysgrifennwch lawr penodau, amserlen i gyhoeddi nhw er mwyn creu syniad i chi’ch hun o le rydych chi’n mynd gyda’r podlediad.
Mae amserlen glir yn golygu y gallwch feddwl am greu a recordio’r cynnwys.
2. Meicroffon
Mae angen buddsoddi mewn meic da! Mae ’na nifer o wahanol rhai ar y farchnad.
Mae ’na blog yma (5 Best USB Microphones For Podcasting – For all Budgets & Levels) sy’n ddefnyddiol https://www.shoutmeloud.com/best-podcast-microphone.html
Dwi’n hoff iawn o’r Blue Yeti (Amazon – tua £100) a hefyd y Neewer USB Microphone (Amazon – tua £25)
Mae ’na ddigonedd ar y farchnad, mae Meic da yn helpu gydag ansawdd y sain. Mae Pop filters yn helpu hefyd.
3. Graffeg broffesiynol a chyflwyniad
Heblaw eich bod yn Dylunydd proffesiynol byddaf yn awgrymu eich bod yn cael graffeg i wneud gan un.
Byddwch yn glir pa fath o graffeg sy’n adlewyrchu eich podlediad a gwnewch siŵr bod y graffeg yn edrych yn dda fel llun bach a mawr.
Does dim modd defnyddio cerddoriaeth fasnachol mewn podlediad oherwydd hawlfraint ond gwnewch siwr bod yna cyflwyniad clir a proffesiynol i’r podlediad neu bydd pobol ddim yn gwrando ymhellach.
4. Dilynwch amlinelliad
Dilynwch amlinelliad i gadw eich hun ar drac! Heb amlinelliad bras byddwch yn ffeindio eich hun yn trafod pob math o bethau amherthnasol i’r pwnc dan sylw,
Mi ddylai podlediad cynnwys cyflwyniad clir, corff y sgwrs a chrynodeb fel diweddglo. Does dim angen sgript ond byddai syniad o be chi angen trafod ac ym mha drefn yn gwneud gymaint o wahaniaeth.
Fe allwch chi olygu unrhyw malu awyr allan o’r fersiwn orffenedig os oes angen.
5. Byddwch yn bersonol
Mantais podlediad yw cysylltu gyda’ch cynulleidfa mewn ffordd fwy personol a dwfn.
Mae Podlediadau yn ffordd dda o ddweud straeon personol sy’n berthnasol i’r pwnc dan sylw.
Os ydych chi’n rhoi cyngor am rywbeth arbennig, mae’n syniad son am eich profiadau personol.
6. Eich Podlediad ar y we
Mae ’na ddigonedd o gwmnïoedd allan yna i “hostio” eich podlediad. Mae’n rhaid talu ar gyfer rhai ond nid eraill. Byddaf yn trafod hyn ymhellach yn y blog ond dyma’r rhai sy’n boblogaidd.
BuzzSprout, LibSyn, Blubrry, Audioboom, AnchorFm, SoundCloud,
Mae’n rhaid hefyd crybwyll eich Podlediad i rai apiau fel Spotify, iTunes, TuneIn, a Google Play.
7. Gofynnwch i’ch gwrandawyr i danysgrifio a gadael adolygiad
Mae Podlediadau newydd yn ymddangos yn adran “iTunes podcasts new & noteworthy” ar ôl i chi cael adolygiadau da. Cyn diwedd pob pennod dywedwch wrth eich gwrandawyr sut i danysgrifio ac i adael adolygiad os ydyn yn hoffi’r podlediad.
8. Dysgwch sut i olygu Sain
Mae’r gallu i olygu sain yn gwneud gymaint o wahaniaeth i safon eich podlediad. Mae dysgu sut i olygu sain yn gallu cymryd ychydig amser ond mae’n hanfodol i greu podlediad da.
Mae meddalwedd golygu ar gael am ddim, mae Audacity yn enghraifft dda o feddalwedd sy’n hawdd dysgu a defnyddio.
9. Byddwch eich hun
Efallai bod e’n hollol amlwg ond byddwch eich hun. Does dim angen golygu allan pob umm ac ahh, mae’r rhain yn gwneud y sgwrs yn fwy naturiol.
Gwenwch, a pheidiwch â chuddio eich acen. Mwynhewch y profiad o gael eich neges allan yna. Bydd pobol yn dechrau dilyn eich pennod nesaf.
Mae adeiladu dilyniant yn cymryd amser, peidiwch â disgwyl gormod yn y 6 mis cyntaf ond cadwch ati.
Ydych chi’n bwriadu creu Podlediad Cymraeg?
Cysylltwch â rhowch wybod am eich cynlluniau. Holwch am gyngor, ac fe wnâi fy ngorau i helpu.